JOSHUA 1:8 - BAIBEL (BSI)

⁸ Okighinilo alhokuthu ayezah kakuhu philo. Putho pucho philo eno tile yepuakeu kuchopu thebei pelulo. Tishikeuno okuxulo kinikulu eno tokulu shi nani.

Sumi Naga CL (Re-edited) Bible (BSI)

⁸ Ayezah kaku hipau ye o kichi lono ikhive kevilo ikemu no ye tile yepüa keqo pekupu lunike ghenguno, putho pucho tipau shou kümsüputho alo.

JOSHUA 1:8 Iomraidhean Croise

BOTHUBO 24:63

Paye avelau aluqalo iqho iqi-ghi cheche, ike pano pishipuwo jukelo kemel qo cheghi ke ithulue.

YEKIKITHI AKINIU 26:5

Achine kudau pa kukutsuu Zekharia xuaphi kutolo pano amikucho shi AMPEU qeche ke eno Alhou no pa kumghatsu ke.

LESHELE 119:11

Ohekibide xine shimonike ino otsa imlolo kusuluvae.

LESHELE 119:15

Niye okukutsu tsa phuju cheni eno nono kutsupiyekeu lheju acheni.

LESHELE 119:97

Niye oyezah shishe kimiye cheni! Atsala kupujulo niye tipau kumsu acheni.

LESHELE 119:99

Ikukutsumi kumtsu nguno alau ino vethalu cheni kughengu niye nono kutsukeu kumsujuke.

LESHELE 19:14

ikichilo piqhikeu eno imlolo kumsu keu ozulo ikhikulupu shipelo, O AMPEU, ituqu eno ixachilekuluu.

LESHELE 40:10

Niye nono kuphuno xalukeu sutsa imlolo likhi kusu pesu qhimoe, Owu iqemokeu mikucho ngo okukuphu ino pulhapuju lhe cheni; Owu timi hoholo owu iqemokeu kikimiye eno owu ithamokeu mikucho kusu pesu inaqhoive chemoe.

AHOLE 3:1

Inu, ino kiu oshikapiye keno pheve kevilo. Ino ovilo kiu shilo pikeno pulhapuju kumsupulo.

ISAIAH 59:21

Ino nongu sasu puloshoqhi lakhi shiani: Ino ikuka ngo ikukutsu alhokupujulo nowu shipe nike nongu tsu ani, hinguno hilauye nonguye igholuno nongu nuliqo eno nongu tianuliqoye ighinikeu ghuloki kutolo igholu che penikeu shika masake.”

MATTHEW 12:35

Timi kivimino pawu akivi pekutsupuakeu alono akivi ikhiphe cheni, eno timi lhoksamino pawu alhoksa pekutsu puakeu-a lono alhoksa ikhiphe chenie.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

MATTHEW 7:21

“Ivilo, ‘Ampeu, Ampeu,’ ipi ikukemi kumtsuno Alhou yehkipelo ilolunike kumoe, ikemu khunoqono iPuh kungughalo akeu pulou shi cheni keno tipaqono ilolu nani.

MATTHEW 7:24

“Tishiaye, timi khuno itsa hipaqo chilu puzu tipaqo shini keno, paye atuqu shou pa ki shipuku kemi alokutsumi lakhi toike.

Luke 11:28

Ikemu pano pi, “Khunoqono Alhou tsa chilu eno ti qhiluni keno tipaqono alau akumghapue.”

John 13:17

Nonguno hi ithi aye eno nonguno hipaqo pepimhelu aye, nongu lokivipuke.

John 14:21

Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

Ephesiami 4:29

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

ZAKINIU 29:8

panoqo yeghi luvetsu eno Ruben ngo Gad laghami dolo kijethape tsuveke eno Manase laghami tuxa lau tsuveke.

ZAKINIU 29:9

Puloshoqhi hipaulo akeu jeli kumtsu amikucho shi papelo tishianguno nonguno shikeu thwokhalo tokulupu shilu nani.

ZAKINIU 30:14

Moe, tiye hilau nongu gholo anike. Nonguno tipau ithi ani eno pilu nanike tighenguno itehino tipau gholulo

ZAKINIU 31:11

Israilmi no akumlla-a lakhilo AMPEU nongu Lhou mlla nike ighike lono hipau phisulo.

ZAKINIU 31:24

Muse no kaku lakhilo Alhou yezah yepe qhino lakhimu sumovekeu shimo nike kutokupui shi.

ZAKINIU 5:1

Muse no Israilmi kumtsu kukumqono panoqo vilo pike, “Israilmiqo, ino ishi tsalalo ayezah nongu tsukeu kumtsu inilo. Tipaqo kumtsu ithitoi shilo eno nonguye tipau pelulo.

ZAKINIU 5:29

Panonguno pulhapuju hikithipu shi igihu eno ino ahza tsukeu kumtsu gholu ke aye! Tishilu aye panongu eno pano polo kughukomiye alhokupujulo aloqhiyi achelu nanike.

ZAKINIU 5:32

“Israilmi, AMPEU nongu Lhou no ahza nongu tsuvekeu thwokha kumtsu shinikeu mutsuqhei shilulo. Pa yezah lakhimu ghobide kevilo.

Kolosiami 3:16

Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

JOSHUA 1:7

Qeti mtotoilo amlo kuloghilo eno iqeu Muse no ayezah tsukeqo kuchopu mtsuqhei shi aghokulushi pelo, tipau lono ajeu momu piyiu idewo kevilo tishi keuno nono khilau wu ni keno kuchopulo tokuluu shinani.

JOSHUA 8:34

Tithiu Joshua no ighono igha ayezah kuchopu phipiye tipa gholo kukumgha eno angsu ghiliqo phipiye.

Piyeküsü 22:14

Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.