JOSHUA 1:6 - BAIBEL (BSI)

⁶ Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.

Sumi Naga CL (Re-edited) Bible (BSI)

⁶ Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

JOSHUA 1:6 Iomraidhean Croise

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

SAMUEL AKINIU 10:12

Akumto shilulo eno amlo kuloghilulo! Niwu timi ghenguno aloqhi kichighini eno ningu Lhou phughiqo ghenguno akivishi aghu shini. AMPEU pulou mlalupeniu!”

KUKAMI ATUGHIU 2:2

“Niye thivenikeu do kupunuuvae. Tsaqu tsalei shino kughakutha shilulo,

YEKIKITHI ATUGHIU 22:13

Tsala nono ayehza khikhi AMPEU no Muse vechewo tsu keno kumtsu pekupulu aye noye tokulu shi nani. Omlo kumto lo eno kiunomu oshi kuighuve pekevilo.

YEKIKITHI ATUGHIU 28:10

Noye AMPEU no pa kimthea Achineki nono shilu nani pi okishelu keu kumsululo. Itehi akumla huthuvelo eno okimiji phemono mla thuvelo.”

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

YEKIKITHI AKINIU 15:7

Ikemu nonguye akumto shilulo eno aghuthisu kevilo. Nonguno kiu kumla shini keno tiye asaxu tsunani ke.”

YEKIKITHI AKINIU 20:11

Ikemu panonguye hikithipu shi ningu lochile ani, nono nitsuve keu yeghi lono ni hapheveniye shi ani.

YEKIKITHI AKINIU 20:7

Noye niLhou ke kughou owu timi Israilmi no ayeghi hipaulo iloghi keno nono timi hilehi acheghi keqo haphevetsuno ayeghi hipau pesu oshou Abraham polo kughukomiqo tsuke, tiye alhokupuju panoqo wu shiche peniye ke.

LESHELE 27:14

AMPEU pukhulo, mutotoi alo eno amlo kuloghi shilo. Iye, AMPEU pukhulo.

DANIEL 10:19

Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

HAGAYI 2:4

Ikemu nongu gholo khuumu itehiye aghuthi suve kevilo. Akumla shilo kughengu ino nongu sasu anike.

ZEKHARIA 8:9

“Nongu mlo kumto shilo! Kughengu iAchine ki shikitheniye aboqha qha ake ghulokilo tungkupmino pikeu tsa itehi ghi nonguno tipa tsatho chilu anike.

AKIKIHI 26:53

“Alaghaqo dolo pututa kikihi kiqi lono amheghi yeghi kijethatsulo.

AKIKIHI 33:53

Aghakhu tipaulo ngoluvelo eno qhasupe ngoluvelo, kughengu ino tipau pesu nongu tsu anike.

1 Kor. 16:13

Tsukhuyi alo, nongu kupululo mutotoi puthugho alo, amlo kuloghi shi, mutotoi alo.

Ephesiami 6:10

Ashekhashi hi ithilo. Ampeu gholo xukimepekeu lono eno pa kuka kumtono nonguye mutotoi alo.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 11:8

“Ishi tsalalo ino nongu lau ayezah tsukeu kumtsu pelulo. Tishianguno nonguye aghoki katha iku iloniye kuto akeu yeghilo ngolu nanike.

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

2 Tim. 2:1

Tishiaye, inu, Khristo Jisu gholo xukimepe akeu kukupu vechewo mutotoi shilo.

JOSHUA 1:18

Khuno oyezah kutsu ghechileni keno eno oyezah lakhimu lumo nikeno pithiveni. Mtotoilo eno amlo kuloghilo.”

JOSHUA 1:7

Qeti mtotoilo amlo kuloghilo eno iqeu Muse no ayezah tsukeqo kuchopu mtsuqhei shi aghokulushi pelo, tipau lono ajeu momu piyiu idewo kevilo tishi keuno nono khilau wu ni keno kuchopulo tokuluu shinani.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

JOSHUA 10:25

Tithiu Joshua no kijemi vilo pi, “Msakevilo momu amlo tulalo kevilo ikemu amlo kuloghilo kughengu AMPEU no nongu ghumi kumtsu shou titoi shiniye anie.”

JOSHUA 13:6

Tiye Sidonmi yeghi kumtsu sukuqha ani, tipaqoye Libanon naghuto ngo Misrefot, Maim kuma dolo ato yeghilo kuami ke. Israilmino azuu hawoke kumtsu timi kumtsu ino hapheveni eno ovilo piketoi noye ayeghi pe Israilmi dolo kijeve tsumaye saputsae.

JOSHUA 18:3

Tighenguno Joshua no Israilmi vilo pi, “Nonguye nongu puasu Lhou AMPEU no nongu tsukeu yeghilo ilono lunikeu ado khitohi khe aniye kya?

JOSHUA 21:43

Titoi AMPEU no ayeghi kumtsu pe pano puasu zulo piqhi pua keu toi Israilmi tsuve. Panonguno ayeghi tipaqolo iloveno tsaqui ngoluve.

SAMUEL ATUGHIU 4:9

Filistiyami, amlo kuloghi shilulo! Kiptimi toi aghushilo tishimo aye ninguye Ibrimi qemi shiuveni cheni, puzuu panonguno ningu qemi shiche ketoiveni cheni. Tighenguno kiptimi toi kumjolo!”