Yoeli 3:2 - Bibilia Ilagano Lya Kale 2015

² nakūgabilinga pye a mahanga nagatwale kū mbūga ya ng'wa Yehoshafati, nakūjūgalamulīla kwenūko kūlwa nguno ya Baisilaeli, nguno ya banhū ba wingīji bone; banhū bane abo baalī babasambaagīja kū mahanga, nī sī yane bīgabanha.

Yoeli 3:2 Iomraidhean Croise

Zefania 3:8

Alilūūlū nilindīīlagi, alīhaya SEEBA, lūlindagi ū lūshikū ūlo nakwīmīīla kwīyoolecha ī ng'hana. Naafunije būlamuji bo kūgabilinga a mahanga, nagabilinge a mabūtemi nagītīīle būpelanu bone; pye gete ū būdaki bo būpelanu bone. Ī sī pyī ī yose īkūnogotejiwa moto gwa būdaki kūlwa wilu bone.

Isaya 66:16

Nguno ū SEEBA akwiza na moto, hamò na līlūshū lyakwe; kwiza kūbagwisīja nsango pye a banhū; nīyo bakūkwīla abo akūbabūlaga ū SEEBA.

Ezekia 38:22

Nakūngwisīja nsango ū wei na a mabità gakwe, na a mahanga pye ayo galī hamò nang'hwe; nsango gwa mabūsaatu n'icha, nakūng'wenhela na mbula nhaale ya malambo, na ya mawe, na moto gwa kūbaka na būgota wa shibiliti.

Kukundulwa 16:16

Ī myoyo yenīyo īkababilingīla kwipandī īlo līkitanagwa ū mu lūlīmi lwa Shihebulania gīkī Alimagedoni.

Yoeli 3:12

A mabità gakomigwe gibilinge gize kū mbūga ya ng'wa Yehoshafati, nguno ū kwenūko hū nakwigasha kūgalamula pye a mahanga ayo ganipīndije.

Ezekia 39:11

Ū mu lūshikū lwenūlo ū Gogi nakūng'winha ipandī lya kūjīīkīlwa ū mu Isilaeli, mu longa ūlo lūkatūmamīlagwa na banhū abo bakajaga kīya kūjīlīīla kū nyanza. Līkwīchiba ī nzīla ya bashimīzi, nguno ū Gogi na a mabità gakwe bakūjīkīlwa ng'wenūmo. Hūna lūūlū lūkwitanwa longa lwa mabità ga ng'wa Gogi.

Ezekia 35:10

Nguno wahayaga, “A mahanga ay'abīlī aya gakūbiza gise, pyī nī sī jago, tūkūgadima bise.” Alīyo ū nene Seeba nalīho.

Yelemia 25:31

Ī yogè yenīyo īkwigwiwa pye a hose ū mu sī, nguno ū SEEBA agapelanīlile a mahanga; akūbalamula pye a banhū, a babūbi akūbabūlaga bo līlūshū,’” alīhaya SEEBA.

Kukundulwa 20:8

Ūlū ūfuma moi akwandya kūgayeelela pye a mapandī ga mu sī, Gogi na Magogi; aje alīgalemba lemba a mahanga gīkī bibilinge kū būlūgū. Ū wingī wabo būlī gītī maseni ga ha nyanza.

Kukundulwa 16:14

Ū yoi īlī myoyo ya mashetani īyo īkabeejaga mihayo ya kūgekemaja; īkajaga hose hose ū kū batemi ba mu sī, īkūbalaalīkaga kūja kwilwisha būlūgū ū mu lūshikū lūtaale lo ng'wa Mulungu wa būdūla bose.

Kukundulwa 16:6

Nguno a benaba bitagūla mininga mingī no ga beela na ga bahangi, h'ī nguno yene ūlībinha nabo mininga bang'we; ū mhayo gwenūyū gūbigeleelilwe!”

Amosi 1:11

Ū SEEBA alīhaya gīkī, “Kūlwa būhūbi wa bana Edomu, ū būhūbi wabo ūbo balemile kūbūleka, natūbūhama ū būpelanu bone. Nguno bakabakūūbīlīja a badūgū babo gīkī babamale bo lūshū, baalī baponya gete pyī ī shigongo; ū būpelanu wabo walī wabaka ilalī, boolī būtī na nzīla ya kapolele.

Ezekia 36:5

Hūna lūūlū ū Seeba MULUNGU alīhaya gīkī, Naayombile mu būkalī nguno ya wilu bone, naagawīlile pye a mahanga nī Edomu ī yose; nguno aho balīyīta ī sī yane kūbiza yabo gīkī bagadiime a madīīmīlo gayo, baalī na būyegi no kūlwa būbi bo mu ng'holò jabo.”

Ezekia 25:8

Ū Seeba MULUNGU alīhaya, Nguno a bana Moabu na a bana Seili bakahaya gīkī, Lolagi, ī numba ya ng'wa Yuda ī haha ītikīlile na a mahanga a gangī.

Yelemia 49:1

Ī mihayo īyī īlī kūlwa nguno ya Baamoni: Ū SEEBA alīhaya gīkī, “Ū Isilaeli, atī na bitūnja? Atī nabo a bingīji? Nibūlī ī Gadi īding'we na Moleki? Nibūlī a banhū bakwe bazenge ū mu mizengo ya Gadi?

Yelemia 12:14

Ū SEEBA alīhaya, “Pye a bazenganwa bichane a babūbi, abo bakūdaatyaga wingīji bone ūbo naabinha banhū bane a Baisilaeli, nakūbadubbūla nabīnje ū mu sī jabo; nī numba ya Yuda nakwīdubbūla yīnge ū mubo.

2 Mihayo ya Shikū 20:26

Mu lūshikū lwa kanè būūkibilinga mu sī ya ntubīlo ya Balaaka, bandya kūnkumīlīja ū SEEBA; h'ī nguno yene ī sī yenīyo īkitanagwa ya ntubīlo gwa Balaaka kūshisha lelo īyī.

Kukundulwa 11:18

A mahanga gaalī gapelanile, na lūūlū nang'ho lyashikaga ī likanza lya būpelanu wako, nī lya kūlamulwa kwa bafu, na kūbinha mheela a batūmami bako, a bahangi na a beela, na a bangī pye a bose, abo balīkūgije ī lina lyako, bado na bataale; na kūbakenaagūla a bakenaagūji ba sī!”

Isaya 66:18

Hūna lūūlū kūlwa nguno ya shītīle shabo na a maganiko gabo, nū nene nalī bbihī kwiza, nababilinge a banhū ba mahanga gose na ndīmi jose; na ng'hana bakwiza balībone ī likūjo lyane.

Yelemia 50:17

Ū Isilaeli alī idaale lya ng'holo jibbalasanile, Īlo līkakūūbīlījiagwa mashimba. Ntemi wa Ashulu h'ūyo akandya ū kūjilya, hūna ntemi Nebukadineza wa Babuloni wamalīīgije ū kūgapaanagūla a maguha gajo.”

Ezekia 34:6

Ī ng'holo jane jikasambaala mu ngūlū ja būlī mbika na būlī kwene ū kū mapandī ga higūlya. Jalī jasambaala hose pyī ū mu sī; na walī atīho wa kūjikooba nūūlū kūja akūjigīsīlījaga.

Ezekia 36:1

Alilūūlū ng'wana wa munhū, jihangīlage ī ngūlū ja Isilaeli ūjiwīle, “Bing'we ngūlū ja Isilaeli, gwigwagi ū mhayo go ng'wa SEEBA.

Yoeli 3:14

Mabità na mabità gal'ū mu mbūga ya kūfunīja būlamuji! Nguno ū lūshikū lo SEEBA lwegeelaga kūshika ū mu mbūga ya kūfunīja būlamuji.

Mika 4:12

Gwike a maganiko ga ng'wa SEEBA batagamanile; batīdeebile īyo ayīhelile ūyo akababilingaga gītī būsīga bo kūtūla ha lūbūūga.