Yoeli 3:1 - Bibilia Ilagano Lya Kale 2015

¹ Ū mu shikū jenījo nī likanza lyenīlo ūlū nūbashokeja a banhū ba Yuda na a ba Yelusalemu ī jabo,

Yoeli 3:1 Iomraidhean Croise

Yelemia 30:3

Nguno shikū jikūshika,’ alīhaya SEEBA, ‘ja kūbenha a banhū bane a Baisilaeli na a Bayudaya kūfuma ū kū būding'wa wabo, nabashoshe hangī ū mu sī īyo naalī nabisagīja bakūlūgenji babo gīkī īkūbiza yabo,’ alīhaya SEEBA.”

Ezekia 39:25

Alilūūlū, ū Seeba MULUNGU alīhaya gīkī, Ī haha lūūlū nakūng'wenha ū Yakobo kūfuma ū kū būding'wa, hama nakūbachīla shigongo pye a banhū ba Isilaeli, na nakūbiza na wilu kūlwa lina lyane lyeela.

Amosi 9:14

Nakūbashosha a banhū bane a Baisilaeli abo basaamiwa; bakwiza bīzenge būpya ī mizengo Īyo yasakaala bikale mo. Bakūhamba migūnda ya mizabibu bayūng'wa ī divai yamo; bakūlīma migūnda balye a matwajo gaamo.

Yelemia 29:14

Nakūzunya munipandīke.” Alīhaya SEEBA, “Nīyo nakūng'wenha kūfuma ū kū būding'wa wing'we. Nakūmubilinga kwīngīīla kū mahanga a gose, na a mapandī pye a gose ūko naamuponya.” Alīhaya SEEBA. “Nakūng'wenha hangī ū kwipandī īlo nakang'wīnja nūmutwala mu būding'wa.”

Zabuli 85:1

Ee SEEBA, wīyoolekegije wiza ī sī yako, ū Yakobo wanshokegije mihayo misoga.

Kūshokeela 30:3

a henaho ū SEEBA Mulungu wako akūbūgalūcha ū būding'wa wako, akūchīle shigongo, akūkuminge hangī kūfuma ū kū mahanga ūko walī wabasambaagīja a banhū bako.

Yelemia 30:18

Ū SEEBA alīhaya gīkī, ‘Nakūjishokeja ī ng'hambī ja ng'wa Yakobo, nabūchīle shigongo ū wikalo bokwe; ū nzengo gūkūzengwa hangī a ha makambagūkīle gago, nī likūlū līkwīmīīla a h'ipandī lyalyo aho liigeleelilwe.

Yelemia 16:15

Alīyo bakūyūhaya, ‘Ūmo SEEBA alī mpanga ūyo akabenha Baisilaeli kūfuma kū sī ya sukuma, na kūfuma kū sī jose ūko walī wabaponya!’ Nguno nakūbashosha ū mu sī yabo īyo naalī nabinha bakūlūgenji babo.

Zabuli 14:7

Gīt'ūlū ni wilonga kūfuma Sayuni ū būpīji wa Baisilaeli! Ū SEEBA ūlū ūbashokeja a banhū bakwe, ū Yakobo akūyega, ū Isilaeli akūlūmba no.

Ezekia 16:53

Gwike ī chene ū Sodoma na a bashīke bakwe nakūbashokeja ī jabo, pyī nū Samalia na bashīke bakwe; nū bebe nakūkūshokeja ī jako,

Yoeli 2:29

Hama a batūmami bane bagosha na bakīma nakūbitīīla Moyo wane ū mu shikū jenījo.

Danyeli 12:1

Ū mu shikū jenījo, ū Mikaeli, ū nsugi ntaale ūyo akabalang'hanaga a banhū bako akwilonga. Līkūbiza ho ikanza lya makoye ayo gataalī kwilonga kūfuma ikanza lya wandījo wa mahaga kūshisha ikanza lyenīlo. Alīyo ū kū banhū bako, būlī ng'wene ūyo lina lyakwe līkwilonga lyandīkilwe ū mu shitabo, akūpījiwa.

Kūbala 11:29

Nang'hwe ū Musa ūshosha alīhaya, “Bebe wanīītīla wilu shi ī gete? Ū nene ī ng'hūmbū jane jilī gīkī pye a banhū ba ng'wa SEEBA babize bahangi, na gīkī ū SEEBA abatūūlīle Moyo wakwe!”

Kūbala 12:6

Nang'hwe ūbawīla, īdegelekagi chiza ī mihayo yane: Ūlū ng'hangi alīmo ū mu bing'we, nene SEEBA nakwimanīīcha kūlī we mu nzīla ya kwiyoolecha; nakūyomba na ng'hwe mu nzīla ya shilooti.

Sumo 1:23

Galūkīlagi kūūnū mudegeleke būhūgūji bone, nakūmupumunhīla īyo nalī nayo mu moyo gwane; nakūmumanīkīja ī mihayo yane.

Isaya 44:3

Nguno nakwita minzī ū mu sī ya notà, myongo īkūhūūma ū mu sī ng'halamuku. Ū būbyīle wako nakūwitīīla Moyo wane; nī jane nakūbitīīla a banhū ba shibyalīlwe shako.