Nehemia 9:6 - Bibilia Ilagano Lya Kale 2015

⁶ Ū bebe hū ūlī SEEBA ūmò wike. Hū bebe ūlī meeja w'igūlū, na a mapandī ga ng'wigūlū ayo galī kwigūlya kūtinda igūlū, na a mabità ayo galīmo. Nī sī ūlī meeja wayo, hamò nī shose īsho shilī muyo, na a manyanza nī shose īsho shilī mugo. Ūkashinhaga bebe ū būpanga pyī ī shikolo, na a mabità ga ng'wigūlū gakakūlamyaga bebe.

Nehemia 9:6 Iomraidhean Croise

wandījo 1:1

A ha wandījo wa kūseema, ū Mulungu akaseema igūlū na sī.

wandījo 1:9

Hūna ū Mulungu ūhaya hangī gīkī, “A minzī ayo galī ha sīlīlī y'igūlū gikuminge hamò, yilonge sī nyūmu;” ng'hana yūbiza gīko.

wandījo 2:1

Hūna lūūlū, ī ligūlū nī sī shūbiza shamala ū kūbeejiwa, na a mabità gose ayo galīmo.

wandījo 32:2

Ū Yakobo aho wababona ūhaya, “Ī gete ī yenīyī ng'hambī ya ng'wa Mulungu.” Hūna ī lipandī lyenīlo ūlitana “Mahanaimu.”

1 Batemi 22:19

Hūna ū Mikaya ongeja kūhaya, “Na lūūlū gūdegelekage ū mhayo go ng'wa SEEBA: Namonile ū SEEBA igashije hī Isumbī lyakwe lya būtemi, na a mabità ga ng'wigūlū gīmīīlile gūmpīndya ū kū būlyo nū kū lūmoso lwakwe.

1 Batemi 8:27

Alīyo, ū Mulungu adūgije kwikala mu sī gete? Nguno ī ligūlū lītakwigelilwe, pyī nūūlū ī ligūlū īlo līlī kwigūlya no no no lītīko ū kūkwigelwa; sumbagwa na hekalu īyī nīzengile nene īyī!

2 Batemi 19:15

Hūna ū Hezekia ūnomba ū SEEBA alīhaya, “Ee SEEBA, Mulungu wa Isilaeli, bebe ūyo wigasīje h'isumbī lyako lya būtemi ha gatī gatī ya makelubi; bebe wike hū ūlī Mulungu wa mabūtemi ga mu sī jose; bebe ūyo ūlī meeja w'igūlū na sī.

2 Batemi 19:19

Alilūūlū Ee SEEBA Mulungu wise, tūpījage ū mu nkono gwakwe; a mabūtemi ga mu sī jose gadeebe gīkī ū bebe Ee SEEBA, h'ūlī Mulungu ūmò wike.”

Nehemia 9:5

Hūna a Balawī, a ba Yeshua, Kadimieli, Bani, Hashabuneya, Shelebia, Hosidia, Shebania, Pesahiya, būhaya, “Īmīīlagi munkumīlīje ū SEEBA Mulungu wing'we, ūyo alī wa welelo na welelo. Ī lina lyako ī litaale līkumīlījiwe, nīyo līgūngūhiwe higūlya no no no kūtinda kakumīlīgīje na kagongoolele kose.”

Zabuli 102:25

A ha wandījo wa yose, bebe ūkītūūlīla nsingi ī sī, nī ligūlū līlī nīmo gwa makono gako.

Zabuli 103:21

Nkumīlījagi ū SEEBA bing'we mabità gakwe gose, bing'we batūmami bakwe, abo mukīītaga kūlenganīla na katogelwe kakwe.

Zabuli 115:15

Ū SEEBA ang'wīlūkīle mbango, ū wei ūyo alī Meeja w'igūlū na sī.

Zabuli 124:8

Ū būgunanhwa wise būlī mu lina lya ng'wa SEEBA, ū Meeja w'igūlū na sī.

Zabuli 146:6

ūyo alī Meeja w'igūlū na sī, pye na a manyanza nī shose īsho shilīmo; ūyo alī nsanyiwa wa shikū jose ilalī.

Zabuli 24:10

Ni nani ū Ntemi w'ikūjo ng'wenūyū? Hū ng'wene ū SEEBA wa būdūla bose. Ū ng'wenūyo h'ū Ntemi w'ikūjo.

Zabuli 33:6

Ū SEEBA akagabeeja a mapandī g'igūlū bo mhayo gwakwe, na a mabità gaamo pye a gose ūgabeeja bo myūyī yakwe.

Zabuli 36:6

Ū būtūngīlīja wako būbange ngūlū, būtī bo kūselengetiwa; ū wiza bo kalamulīle kako būlī būshimu no gītī būjiba bo nyanza. Ee SEEBA, ū bebe h'ūlī nang'hani wa banhū, nī shiinū.

Zabuli 86:10

Nguno ū bebe ūlī ntaale, na ūkīītaga mihayo ya kūkamaaja; bebe wike hū ūlī Mulungu.

Isaya 37:16

Ee SEEBA wa mabità, Mulungu wa Isilaeli, bebe ūyo wigasīgije isumbī lyako lya būtemi ha gatī gatī ya makelubi; bebe wike hū ūlī Mulungu wa mabūtemi ga mu sī jose; bebe ūyo ūlī meeja w'igūlū na sī.

Isaya 37:20

Alilūūlū Ee SEEBA Mulungu wise, tūpījage ū mu nkono gwakwe; a mabūtemi ga mu sī jose gadeebe gīkī ū bebe Ee SEEBA, hū ūlī Mulungu ūmò wike.

Isaya 43:10

Ū SEEBA alīhaya gīkī, “A bing'we mulī bakaanīji bane, na batūmami bane abo naabasola gīkī munimane na kūnisanya, na kūnitegeleja gīkī ū nene hū nalī ng'wene. Atīho mulungu ūyo anitangile ū kūbiza ho, nūūlū wa kwilonga ha numa yane.

Isaya 44:6

Ū SEEBA alīloma, ū Ntemi na Nkomoji wa Isilaeli; ū SEEBA wa mabità. Alīhaya gīkī, “Ū Nene nalī wa kwandya na wa kūmalīja; atīho Mulungu ūlū natī nene.

Isaya 44:8

Lekagī ū kogoha, yaya ū kūdetema. Ī yenīyī natīhayile kūfuma kale nalīmuwīla hape? A bing'we mulī bakaanīji bane. Alīho Mulungu ose ose ūlū natī nene? Ng'o gete, atīho ūngī ūyo alī Shiganga; ū nene natandeebile nūūlū ūmò!”

Isaya 45:12

Nene ng'wenekīlī nayībeeja ī sī, nūnseema nū munhū gīkī ikale moi. Na a mapandī g'igūlū naagamba nene na makono gane, na a mabità ga sonda jaamo nūgalagīla nene ū kūbiza ho.

Yelemia 32:17

Ee Seeba MULUNGU! Ū bebe h'ūyo ūkagoloola nkono gwako ūseema igūlū na sī mu būdūla wako būtaale. Shitīho shose shose sha kūkūlemeela ū bebe.

Ezekia 20:11

Nūbinha malange gane, nī shilagīlo shane nūbakundūlīla, īsho ūlū munhū ūshidima akūbiza mpanga kūlwaasho.

Yona 1:9

Ūbashokeja, “Nalī Ng'hebulania, na nalī namya o ng'wa SEEBA Mulungu wa ng'wigūlū, ū meeja wa nyanza na sī.”

Yohana 10:30

Ū nene nū Baba tūlī ūmò.”

Shītwa 4:24

Aho bigwa, pye a bose būmūūkīja Mulungu a malaka gabo būhaya gīkī, “Seeba hū bebe ūlī nseemi walyo ī ligūlū nī sī, pye na a manyanza, nī shose īsho shilīmo.

Kūshokeela 10:14

Managa gīkī ī ligūlū līlī lya ng'wa SEEBA Mulungu wako, na a mapandī ga ng'wigūlū ayo galī higūlya no no no; pyī nī sī hamò nī shose īsho shilīmo.

Kūshokeela 32:39

Na lūūlū ī haha bonagi mudeebe gete gīkī ū nene hū nalī ng'wene, atīho mulungu ūngī, nalī nene dūhū. Ū nene nakabūlagaga, na nakinhaga būpanga, nakachūūbūlaga, alīyo hangī nakapījaga, na atīho wa kwīnja shose shose mu nkono gwane.

Kūshokeela 6:4

Igwaga Israeli, “Ū SEEBA Mulungu wise alī SEEBA ūmo wike,

Bahebrania 1:3

Ū wei alī kwaaka kw'ikūjo lya ng'wa Mulungu, na suso yakwe ūmo alī gete; hama pyī ī shikolo ashidimile na mhayo gwa būdūla bokwe. Aho wamala kūtūūla nzīla ya kweja shibi, wigasha kū nkono gwa būlyo; kwikūjo lya būsugi bo ng'wigūlū.

Bahebrania 1:6

Na a haho wang'wenha mu sī ū Myalwa wa kwandya ūhaya gīkī, “Pye a bamalaika ba ng'wa Mulungu banamye wei.”

Kukundulwa 14:7

Walomeelaga alīhaya gīkī, “Ng'ogohagi Mulungu, na nkūjagi we; nguno ī likanza lya būlamuji bokwe lyashikaga. Namyagi we ūyo alī meeja w'igūlū na sī na manyanza, pyī nī nzwīlo ja minzī.”

Kukundulwa 4:11

“Ū bebe Mulungu na Seeba wise wigeleelilwe kwanukūla ikūjo na kūkumīlījiwa, na būdūla. Nguno hū bebe ūyo ūkashibeeja pyī ī shikolo, nīyo shibeejiwe na shilīho kūlwa nguno ya būtogwa wako!”