Nehemia 9:5 - Bibilia Ilagano Lya Kale 2015

⁵ Hūna a Balawī, a ba Yeshua, Kadimieli, Bani, Hashabuneya, Shelebia, Hosidia, Shebania, Pesahiya, būhaya, “Īmīīlagi munkumīlīje ū SEEBA Mulungu wing'we, ūyo alī wa welelo na welelo. Ī lina lyako ī litaale līkumīlījiwe, nīyo līgūngūhiwe higūlya no no no kūtinda kakumīlīgīje na kagongoolele kose.”

Nehemia 9:5 Iomraidhean Croise

1 Batemi 8:14

Hūna ū ntemi ūlīgalūkīla ī libità lya Baisilaeli, aho bataalī bīmīīlile pye a Baisilaeli abo baalī bibilinga henaho, ūbalombela mbango.

1 Batemi 8:15

Ūhaya gīkī, “Akumīlījiwe ū SEEBA, ū Mulungu wa Basilaeli; ūyo wīshikīlīgije na nkono gwakwe īyo wīhaya na nomo gwakwe wei ng'wenekīlī; ūng'wisagīja ū Daūdi ū baba; alīhaya gīkī,

1 Batemi 8:22

Hanuma ū Solomoni wīmīīla ū kū būtongi bo ng'walīlo go ng'wa SEEBA, pyī ī libità lya Baisilaeli līng'wiloleelile; hūna ūgagoloola a makono gakwe kūlola ng'wigūlū;

1 Batemi 8:27

Alīyo, ū Mulungu adūgije kwikala mu sī gete? Nguno ī ligūlū lītakwigelilwe, pyī nūūlū ī ligūlū īlo līlī kwigūlya no no no lītīko ū kūkwigelwa; sumbagwa na hekalu īyī nīzengile nene īyī!

1 Mihayo ya Shikū 16:36

Akumīlījiwe ū SEEBA, ū Mulungu wa Isilaeli, kūfuma welelo na kūshisha welelo bose. Hūna a banhū bose būhaya; “Alichene, SEEBA akumīlījiwe!”

1 Mihayo ya Shikū 29:11

Ee SEEBA, ū būtaale būlī wako nī būdūla, nī likūjo, nū būpyeni, na a magaka; nguno būlī shikolo ū ng'wigūlū nū mu sī shilī shako. Ee, SEEBA ū būtemi būlī wako; ū bebe ūlī higūlya no, hū bebe ūyo ūlī ntwe gwa shose.

1 Mihayo ya Shikū 29:13

Ali lūūlū Mulungu wise, ī haha tūlīkūlūmba, na tūlīlīkumīlīja ī lina lyako, īlo lyigeleelilwe kūkumīlījiwa.

1 Mihayo ya Shikū 29:20

Hanuma ya henaho ū Daūdi ūbawīla pye a banhū abo baalī bibilinga henaho; ūhaya gīkī, “Nkumīlīja ū SEEBA, ū Mulungu wing'we.” Na lūūlū pye a bose būnkumīlīja ū SEEBA, ū Mulungu wa bakūlūgenji babo, būnamya ū SEEBA, nū kū būtongi wa ntemi wabo binama kūlwa kūng'olekeja ikūjo.

2 Mihayo ya Shikū 20:13

A bagosha ba Yuda a bose na a bake babo, na a baana babo baalī bīmīīla ho a henaho kū būtongi bo ng'wa SEEBA.

2 Mihayo ya Shikū 20:19

Balawī balebe ba shibyalīlwe sha ng'wa Kohati na Koola bīmīīla būnkumīlīja n'ilaka lya higūlya ū SEEBA, ū Mulungu wa Isilaeli.

Ezila 3:11

būyūng'wīmbīla ū SEEBA mu būyegi na kūlūmba, bakwiyinhīlījaga būhaya gīkī, “Ū wei alī wawiza no, ū būtogwa wakwe būlī bo welelo na welelo ū kū Baisilaeli.” Hūna pye a banhū būhamuka n'ilaka itaale aho balīnkumīlīja ū SEEBA, nguno ū nsingi gwa numba ya ng'wa SEEBA gūkatūūlwa.

Nehemia 9:4

Balawī balebe, ba Yeshua, Bani, Kadimieli, Shebania, Buni, Shelebia, Bani, Kenani, baalī bīmīīla ha lūtala bakūnilīīlaga ū SEEBA Mulungu wabo n'ilaka lya higūlya.

Nehemia 9:6

Ū bebe hū ūlī SEEBA ūmò wike. Hū bebe ūlī meeja w'igūlū, na a mapandī ga ng'wigūlū ayo galī kwigūlya kūtinda igūlū, na a mabità ayo galīmo. Nī sī ūlī meeja wayo, hamò nī shose īsho shilī muyo, na a manyanza nī shose īsho shilī mugo. Ūkashinhaga bebe ū būpanga pyī ī shikolo, na a mabità ga ng'wigūlū gakakūlamyaga bebe.

Ayubu 1:21

Ūhaya, “Nakiza nalī dūūhū kūfuma ū mu nda ya ng'wa mayū, na nakwīnga nalī dūūhū. Ū SEEBA hū ng'winhi, nū kwīnja wīnjaga SEEBA; ī lina lya ng'wa SEEBA līkumīlījiwe!”

Zabuli 106:2

Nani ūyo adūgije kūshikumūcha ī shītīle sha būdūla sha ng'wa SEEBA, nūūlū kūlyolecha ī likūjo lyakwe ī lyose?

Zabuli 134:1

Nkumīlījagi ū SEEBA, pye a bing'we batūmami ba ng'wa SEEBA, abo mukatūmamaga būjikū mu numba ya ng'wa SEEBA,

Zabuli 145:2

Būlī lūshikū nakūkūkumīlīja, nakūlīgongoola ī lina lyako welelo na welelo.

Zabuli 145:5

A banhū bakūbūkumūcha ū wiza w'ikūjo lya būdūla wako, nane nakūshiideedeng'hanya ī shītīle shako Ī sha kūkaamaja.

Zabuli 146:2

Nakūnkumīlīja ū SEEBA mu būlamu wane bose, aho nataalī nalī mpanga nakwīmba kūlwa kūngongoola ū Mulungu wane.

Zabuli 16:2

Nakang'wīla ū SEEBA gīkī, “Ū bebe ūlī Seeba wane, ūlū ūtī bebe ū nene natī na wiza bose bose.”

Zabuli 66:2

Īmbagi kūlw'ikūjo lya lina lyakwe, ng'winhagi ikūjo na mungongoole.

Zabuli 99:3

Ni balīkumīlījage ī lina lyako, Īlo līlī lya kogohya, nguno līlī lyeela.

Kūfuma 15:11

Ee SEEBA, ū mu bamulungu nani ūyo a bange gītī bebe? Nani ūyo alī ng'wela na nkūjiwa? Nani ū wa lyogohya kūlw'ikūjo na meeja wa mihayo ya kūkaamaaja?

Kūfuma 15:6

Ū nkono gwako gwa būlyo SEEBA, gūlī na būdūla w'ikūjo itaale no, ū nkono gwako gwa būlyo SEEBA, hū gwene gwantobagūlile tobo tobo ū ng'wanishi.

Danyeli 2:20

ūhaya: Līkumīlījiwe ī lina lya ng'wa Mulungu kūshisha welelo na welelo; a masala nū būdūla shilī shakwe.

Matayo 11:25

Ī likanza lyenīlo ū Yesu ūhaya gīkī, “Nalīkūkumīlīja Baba, bebe ūyo ūlī Seeba w'igūlū na sī; nguno pyī ī mihayo yenīyī wībisile ū kū ba masala na a bitegeleja, wīyoolecha ū kū baana.

2 Bakolinto 4:6

Nguno ū Mulungu ūyo akahaya gīkī, “Isana lyake kūfuma mu giiti,” hū ng'wene ūyo akaaka ū mung'holò jise, ūtwinha isana gīkī tūdūle kūlīmana ī likūjo lya ng'wa Mulungu mu nzīla ya būshū bo ng'wa Kilisito.

Kūshokeela 28:58

Ūlū ūleka kwīlondeela mu welwa ng'holò pyī ī mihayo ya shilagīlo shenīshi īyo yandīkilwe ū mu shitabo īshi, ūleka kūlīkūja ī lina ī lyawiza na lya magaka no no no, ī lya ng'wa SEEBA Muluangu wako,

1 Petro 1:3

Akumīlījiwe ū Mulungu, Ise wa ng'wa Seeba wise Yesu Kilisito; ūyo kūlwa shigongo shakwe shitaale watwingīgije mu kwisagīlwa kūpanga, ūtwīta kūbyalwa būpya mu nzīla ya būjūūko bo ng'wa Yesu Kilisito kūfuma mu bafu.

Balamuji 13:18

Nang'hwe ūnshokeja alīhaya, “Lyaakī ī lina lyane ūlīlībūja? Ī lyoi līlī lya kūkumya!”