Nehemia 9:16 - Bibilia Ilagano Lya Kale 2015

¹⁶ Alīyo a bakūlūgenji bise benabo, bakagang'hanaja nhingo, būlema ū kūgalondeela a malange gako.

Nehemia 9:16 Iomraidhean Croise

2 Batemi 17:14

Alīyo batazunije ū kwigwa; nīyo baalī na mitwe midiimu gīt'ūmo baalī a bakūlūgenji babo, abo baalī batansanije ū SEEBA Mulungu wabo.

2 Mihayo ya Shikū 29:6

Nguno a bataale bise batītile mitengeke; bakahūba ū mu miso ga ng'wa SEEBA Mulungu wise; būneka būgalūka, būlogeja kūngī ū būshū wabo, kūleka kūlolela ūko lyalī ī lipandī lya kwikala lya ng'wa SEEBA; ū wei būng'winhīla migongo yabo.

2 Mihayo ya Shikū 30:8

Mutizūbiza na mitwe midimu gīt'ūmo baalī a babyaji bing'we, idoohyagi ū kūlī SEEBA; nzūgi ū kwipandī ī lyeela īlo walyeeja shikū ja welelo bose. Ntūmamīlagi ū SEEBA, ū Mulungu wing'we, ū būpelanu wakwe būng'wīngīle.

2 Mihayo ya Shikū 36:13

Nū ntemi Nebukadineza ūngomela, alīyo walī wang'wilahīja mu lina lya ng'wa Mulungu; nīyo ūbiza na ntwe diimu no, nī ng'holò yakwe wīgang'hanaja, ūlema gete ū kūngalūkīla ū SEEBA, ū Mulungu wa Isilaeli.

Nehemia 9:10

Ū kūlī Falao na a batūmami bakwe, na a banhū bose a ba mu sī yakwe ūkabeeja shimanīkījo sha kūkumya kūlwa koolekeja būdūla wako. Nguno walī ūbūdeebile ū wibonya ūbo babīītīlaga a bakūlūgenji bise. Hūna lūūlū wibeegeja lina, īlo kūshisha na lelo īyī līlīho lyīmīīlile.

Nehemia 9:29

Aho wabahūgūla gīkī bashishokele hangī ī shilagīlo shako, būdalaha dūhū, būleka ū kūgigwa a malange gako, bīīta shibi kūlwa kūshidalaha ī shilagīlo shako, īsho ūlū munhū ūshishikīlīja akūbiza mpanga. Ū mu būgūnu wabo wenūbo būkwinhīla ngongo, būjigang'hanaja nhingo, būlema ū kwigwa.

Zabuli 106:6

Bose pyī tūlī bahūbi gīt'ūmo baalī a bakūlūgenji bise, tūlī bakenaagūji na bīīti ba mihayo yabūbi.

Zabuli 81:8

Bing'we banhū bane degelekagi namuganikīle, bebe Isaeli, gīt'ūlū ni wanidegeleka!

Kūfuma 15:26

Ūhaya, “Ūlū ng'ūliigwa mu logohano ī lilaka lya ng'wa SEEBA Mulungu wing'we, na ng'wīta īyo ītūngīlīgije kū būtongi bokwe; hūna ng'ūgadīlīla na a malange gakwe, na a kahelele kakwe pye a kose ng'ūkadima chiza, natūng'wenhela a mabūsaatu gīt'ayo nalūbenhelaga Bamisili; nguno ū nene nalī SEEBA, hū nene nalī mpīja wing'we.”

Kūfuma 32:9

Ū SEEBA ūng'wīla ū Musa, “Nīyo a banhū benaba naababonile gīkī balī na mitwe midiimu.

Sumo 29:1

Ūyo akūhūgūlagwa ng'hangala ningī alīyo ongeja kūdiimya ntwe, akahayagimanīla wakenaagūka, na'itīho nzīla ya kūpīlīla.

Isaya 48:18

Ūlū n'ūshidīlīlile ī shilagīlo shane, Ī mhola yako ni ningī no gītī ng'hūūmo gwa mongo, ū būtūngīlīja wako ni būlī na nguzu gītī mahuuli ga nyanza.

Isaya 48:4

Kwīngīīla kale ū nene nabūmanile ū būgang'hanazu wako, nī gīkī ī nge ja nhingo yako jibange chūma, nū būshū wako būtikīlile na shaba.

Isaya 63:10

Gwike bakooya ū kūng'wigwa, būmpīnīhaja ū Moyo Ng'wela wakwe; hūna ūgalūka kūbiza ng'wanishi wabo; wei ng'wenekīlī ūbiza ng'wilwisha wabo.

Yelemia 19:15

“Ū SEEBA wa mabità, ū Mulungu wa Isilaeli alīhaya, ‘Degelekagi ng'witegeleje!’ A bikaji ba mu nzengo gwenūyū nī mizengo īyo īgūpīndije nakūbenhela būkenaagūji, pyī ūbo naabisagīja gīkī nakūwenha; nguno balī na mitwe midaamu no, balemile gete ū kwīyiigwa ī mihayo yane.”

Yelemia 2:31

Bing'we shibyalīlwe sha lelo, gwideedeng'hanyagi ū mhayo go ng'wa SEEBA. Ī gete, ū nene hamo shi naabizile ibbambasī ū kūlī Isilaeli, nūūlū sī ya giiti sha gamha? Nibūlī a banhū bane bakūhayaga, ‘A bise tūlī na wiyaabī kūja ūko tūtogelilwe, tūtūshoka hangī ū kūlī bebe?’

Yelemia 7:26

Alīyo batanidegelekile nūūlū kūnidīlīla. Baalī na mitwe midiimu no, kūtinda a bakūlūgenji babo.

Ezekia 5:6

Alīyo ū mu būbi wayo yūshigomemela ī shilagīlo shane na a malange gane, kūgaheeba a mahanga nī sī ījo jīpīndije hose hose; īshilemile ī shilagīlo, nū kūshimzīla ū mu malange gane ītatogilwe.

Shītwa 7:51

“Bing'we ba mitwe midiimu, ba maganiko masoso na matū gatigwaga, bilwisha ba ng'wa Moyo Ng'wela ba shikū jose na jose! Ūmo baalī a basīng'we na a bing'we h'ūmo mulī.

Balumi 2:5

Alīyo īkī ūlī ngang'hanazu, nīng'holò yako ītatogilwe ū kūgalūka, managa gīkī ūkwibīkīlaga būpelanu a ha lūshikū lo būpelanu, aho būlamuji bo ng'wa Mulungu būkūkundūlīlwa mu būtūngīlīja.

Kūshokeela 31:27

Nguno nabūmanile ū būshitiigwa wako nū būdimu bo ntwe gwako ūmo būlī. Īkī ī haha mulī bashitiigwa gīkī alīyo hū nataalī hamò ning'we; al'ūlū nalaache, angū mmho mukūkīlanīja no a hene!

Kūshokeela 32:15

Alīyo ū Yeshuluni aho wagīna ūdoosa, ūluusa lilambī, nguno akigūta wibona wadidoha na kūsheeka. Hūna ūneka ū Mulungu ūyo wameeja, ūshiisuusumūla ī Shiganga īsho shilī Būpīji wakwe.

Kūshokeela 5:29

Ni yabeelela ūlū nibabiza gīko gwa, ī ng'holò jabo jūbiza na logohano ū kūlī nene, būshidima ī shilagīlo shane pyī ī shikū gīkī ī mihayo ībaīle chiza, a boi benekīlī na a baana babo welelo bose!”

Kūshokeela 9:13

Ū SEEBA ongeja kūniwīla alīhaya, “Nīyo a banhū benaba naababonile gīkī balī na ntwe ndaamu no!

Kūshokeela 9:27

Bizūkagwe a batūmami bako; a ba Abulahamu, Isaka na Yakobo, yaya ūkūbūkalalīla ū būgūnu wa banhū benaba, nū būkenaagūji wabo nī shibi shabo.

Kūshokeela 9:6

Hūna lūūlū itegelejage gīkī, ū SEEBA Mulungu wako atūkwinhaga ī sī yawiza yenīyo kwīsola ībize yako, kūlwa nguno ya būtūngīlīja wako; nguno ū bebe ūl'ihanga lya banhū ba nhingo ngang'hanazu no.

Bahebrania 3:13

Ng'wihūgūla būlī lūshikū ūlo lūkūhayiagwa gīkī lelo; atizilonga nūūlū ūmò wing'we wa kūgūna kūlwa shibi.

Bahebrania 3:15

H'ūmo gūhayīlile ū mhayo gīkī, “Ī lelo ūlū muliigwe ilaka lyakwe, yaya ū kūgang'hanaja īng'holò jing'we, gīt'ūmo ng'wītīlaga mu būshitiigwa wing'we.”