Nehemia 9:1 - Bibilia Ilagano Lya Kale 2015

¹ Ū mu lūshikū lwa makūmi abīlī n'inè lwa ng'weji gwenūyo, a Baisilaeli bibilinga hamò kūlw'ikanza lya kūfunga. Baalī bazwalile shizwalo sha magūnīla, nū kū mitwe yabo baalī bisaamagūlīla lūbuubu.

Nehemia 9:1 Iomraidhean Croise

2 Sang'weli 1:2

Ha lūshikū lwa kadatū lwaho wiza munhū kūfuma ū kū ng'hambī ya ng'wa Saulo; ī shizwalo shakwe shitandagūkile, nū kū ntwe okalaga lūbuubu. Aho washika a halī Daūdi ūgwa ū kū būtongi wakwe ūntugīja mazwi ng'wikūjo.

2 Mihayo ya Shikū 20:3

Ū Yehoshafati wibakīla, hūna ūbona hambū hambū amūje SEEBA; ūfunya shilagīlo sha kūfunga, hose pyī ū mu sī ya Yuda.

2 Mihayo ya Shikū 7:10

Ū mu lūshikū lwa makūmi abīlī na'idatū lwa ng'weji gwa mpungatī, ūbalaga a banhū būja kaya bayegaga no, nī ng'holò jabo jazalabanaga kūlwa nguno ya wiza bose ūbo SEEBA akang'wītīla ū Daūdi nū Solomoni, na a banhū bakwe a Baisilaeli.

Ezila 8:21

Hūna aho tūtaalī a ha mongo gwa Ahava, nūlagīla gīkī tūfunge kūlwa kwidohya kū būtongi bo ng'wa Mulungu wise, na kūnomba atwīlūkīle lūgendo lwawiza, a bise benekīlī na a baana bise, nī shose īsho twalī nasho.

Ezila 8:23

Hūna lūūlū tūfunga, tūnomba ū Mulungu wise ū mhayo gwenūyū, ūtwigwa ū kūlomba kwise.

Nehemia 8:2

Hūna ū mu lūshikū lwa kwandya lwa ng'weji gwa mpungatī, ū ngabīji Ezila ūshenha ī shilagīlo ū kū banhū abo baalī bibilinga; baalīho bagosha na bakīma, pye na a baana, bose abo baalī badūgije kwitegeleja.

Esita 4:16

“Jaga ūkababilinge pye a Bayudaya abo balī mu nzengo gwa Susa, mufunge kūlwa nguno yane. Yaya ū kūlya nūūlū kūng'wa, ikanza lya shikū idatū līīmi na būjikū; nū nene nakūfunga na a batūmami bane a bakīma, gīt'ūmo mulīītīla a bing'we. Ū gwenūyū ūlū gwamala ū kwītwa, nakūja nakamone ū ntemi, nūūlū īkī ī shilagīlo shilemile. Ūlū icha līlīho, yene nakūcha!”

Esita 4:3

Būlī mu sī yene shabizaga ūlū shashika ī shilagīlo sha ntemi, a Bayudaya batandūkaga kūlīla ng'hūngū, būyūfunga, na būbiza banhū ba kwikala bakūlījiagwa būpīna dūhū; nīyo bingī babo būyūdīīla balambalalile ha magūnīla na mu mabu.

Ayubu 2:12

Aho banoleela bataalī ka kūle, būkoya ū kūng'witegeleja; hūna būtandūka kūlīla ng'hūngū, būtandūla nī shizwalo shabo, bisaamagūlīla na mabu ū kū mitwe yabo.

Isaya 22:12

Ū mulūshikū lwenūlo, ū Seeba MULUNGU wa mabità, akang'witana ng'wize kūlīla na kūtūla ng'hūngū; kwihalūla mapala ī mitwe ying'we na kūzwala shizwalo sha magūnīla.

Yoeli 2:12

Ū SEEBA alīhaya gītī, “Alīyo nūūlū ī haha nishokelagi na ng'holò īmò, mu kūfunga na kūlīla ng'hūngū.”

Bagabīji 23:34

Bawīlage a Baisilaeli gīkī, “Ū lūshikū lw'ikūmi n'itanò lwa ng'weji gwa mpungatī, lūkūbiza lwa kwandya shigukulu sha ng'wa SEEBA sha maduku; shikūshinga kūshisha ikanza lya shikū mpungatī.

Bagabīji 23:39

“Na lūūlū ūlū ng'ūmala kūkuminga magesa kūfuma mu migūnda, ī likanza lya shigukulu sha ng'wa SEEBA līkūshika. Ī shoi shikūsola shikū mpungatī, kwandīja lūshikū lwa ikūmi n'itanò ū mu ng'weji gwa mpungatī. Ū lūshikū lwa kwandīja lūkūbiza lwa kwifuula, nū lwa kanaane nalo lwa kwifuula.

Yoshwa 7:6

Ū Yoshwa ūtandūla shizwalo shakwe, wiponeja hasī kū būtongi w'isandīko lya ng'wa SEEBA, ūdīīla henaho kūshisha mhīndī. A banamhala ba Baisilaeli nabo bīīta gīko, bisaamagūlīla lūbuubu ū kū mitwe yabo!

Kukundulwa 11:3

Bakaanīji bane babīlī nakūbinha būdūla bahange ikanza lya shikū shihūmbī na magana abīlī na makūmi atandatū, kūnū bazwalile shizwalo sha magūnīla.”

Balamuji 20:26

Hūna pyī ī libità lya bashilikale ba Baisilaeli būlinha bajile Beeseli; būshika bigaasha kū būtongi bo ng'wa SEEBA bakūlīlaga. Ū lūshikū lwenūūlo būfunga, būfunya na shitambò sha kūpemva hamò na shakwinha sha būsangī kūlwa nguno ya ng'wa SEEBA.

1 Sang'weli 4:12

Ū lūshikū lwenūlo munhū ūmò wa mu lūganda lo ng'wa Benjamini ūpeela kūfuma ū kū būlūgū, ūja ī Shilo na shizwalo shakwe shitandagūkile, hama ookalaga lūbuubu ū kū ntwe.

1 Sang'weli 7:6

Aho bibilinga ī Misipa, būdaha minzī būgita kū būtongi bo ng'wa SEEBA; ū lūshikū lwenūlo būfunga na kūntambūūlīla ū SEEBA balīhaya, “A bise tūlī bahūbi ū kūlī SEEBA.” A Baisilaeli aho balī ī Misipa būng'wanukūla ū Sang'weli kūbiza ntongeeji wabo.