Nehemia 8:6 - Bibilia Ilagano Lya Kale 2015

⁶ Ū Ezila ūnkumīlīja SEEBA, ū Mulungu ntaale; pye a banhū būbūūcha ng'wigūlya a makono gabo, hanuma būhelelekeja balīhaya, “Alichene! Alichene!” Hūna binama hasī, būnamya ū SEEBA, kūnū bachimīgije hasī ū būshū wabo.

Nehemia 8:6 Iomraidhean Croise

wandījo 14:22

Alīyo ū Abulamu ūng'wīla ū ntemi wa Sodoma gīkī, “Ū nene naamalile kūlahīla kūlī SEEBA, ū Mulungu ūyo alī Higūlya no, ū Nseemi w'igūlū na sī.

wandījo 24:26

A henaho ū munhū ng'wenūyo winama kū būtongi bo ng'wa SEEBA ūlamya.

1 Mihayo ya Shikū 16:36

Akumīlījiwe ū SEEBA, ū Mulungu wa Isilaeli, kūfuma welelo na kūshisha welelo bose. Hūna a banhū bose būhaya; “Alichene, SEEBA akumīlījiwe!”

1 Mihayo ya Shikū 29:10

Ū Daūdi ūnkumīlīja ū SEEBA kū būtongi wa banhū bose; ūhaya, “Ee SEEBA, Mulungu wa ng'wa sīswe Isilaeli; ūkumīlījiwe kūfuma welelo na kūshisha welelo.

1 Mihayo ya Shikū 29:20

Hanuma ya henaho ū Daūdi ūbawīla pye a banhū abo baalī bibilinga henaho; ūhaya gīkī, “Nkumīlīja ū SEEBA, ū Mulungu wing'we.” Na lūūlū pye a bose būnkumīlīja ū SEEBA, ū Mulungu wa bakūlūgenji babo, būnamya ū SEEBA, nū kū būtongi wa ntemi wabo binama kūlwa kūng'olekeja ikūjo.

2 Mihayo ya Shikū 20:18

Ū Yehoshafati winama ū būshū wakwe kūshisha hasī; a banhū a bose a ba Yuda nī Yelusalemu būgwa hasī ū kū būtongi bo ng'wa SEEBA bakūnamyaga.

2 Mihayo ya Shikū 29:10

Alilūūlū, ū nene nalī n'iganiko lya kūbeeja ilagane nū SEEBA, ū Mulungu wa Isilaeli; agalūke būtwīngīle ū būpelanu bokwe.

2 Mihayo ya Shikū 29:30

Ū ntemi Hezekia na a batūmami bakwe būbalagīla a Balawī kū nkumīlīja ū SEEBA mu kūtūmamīla mīmbo ga ng'wa Daūdi na ga moni Asafu. Na lūūlū bīmba bakūkumīlījaga na būyegi būtaale; hūna binamya ī mitwe yabo kūlamya.

2 Mihayo ya Shikū 6:4

Ūhaya, “Akumīlījiwe ū SEEBA, ū Mulungu wa Baisilaeli; ūyo washikīlīgije na nkono gwakwe īyo wīhaya na nomo gwakwe wei ng'wenekīlī, ūng'wisagīja ū baba Daūdi alīhaya gīkī,

Nehemia 5:13

Nūgung'humūla nī ng'hanjo yane; kūnū nalīhaya, “Ū Mulungu ni angung'humūlage gīkī būlī ng'wene ūyo alaleke ū kūshikīlīja ū kwisagīja kwakwe; ang'wīnje ū mu numba yakwe, nū mu milīmo yakwe. Ū munhū wa mbika yenīyo akūgung'humūlwa gīko, īngījiwe būlī shikolo.” Pyī ū lūbanza lūhaya, “Alichene mu kūnkumīlīja SEEBA. Na ng'hana a banhū bīta gīt'ūmo kwalī ū kwisagīja kwabo.

Nehemia 8:7

A Balawī abo baalīho baalī ba Yeshua, Bani, Shelebia, Yamini, Akubu, Shabesai, Hodia, Maaseya, Kelita, Azalia, Yozabadi, Hanaani, Pelaya. A beneba hū babatongaga a banhū ī mihayo ya mu shilagīlo ū ng'wikanza aho bīmīīlile henaho.

Zabuli 134:2

Būūchagi makono ging'we ng'wipandī lyeela, munkumīlīje ū SEEBA.

Zabuli 141:2

Ū kūlomba kwane kūkūpandīke gītī kūzuukīja kwa ngazu; nū kūkūbūūkīja makono gane kūbize gītī shitambò sha mhindī.

Zabuli 28:2

Ūlū nalīkūlīlīīla gīkī ūnigune, kūnū nabūūkije makono gane kūlola kwipandī lyako lyeela no no no, ligwage ī lilaka lya kwikūmbīlīja kwane.

Zabuli 41:13

Akumīlījiwe ū SEEBA, ū Mulungu wa Baisilaeli; kūfuma welelo, na kūshisha welelo bose. Ee, Alichene.

Zabuli 63:4

Nakūkūlūmba shikū jose ja būpanga wane, nakūgabūūcha ng'wigūlya a makono gane kūlīkumīlīja ī lina lyako.

Zabuli 95:3

Nguno ū SEEBA alī Mulungu ntaale, na Ntemi ntaale kūkīla bamulungu bose.

Kūfuma 12:27

Bawīlagi gīkī, ‘Shilī shitambò sha Pasaka ya ng'wa SEEBA; nguno aho tūlī mu Misili wajibītīīlaga ī numba ja Baisilaeli ū ng'wikanza lya kūbatūla a Bamisili, alīyo a bise ūtūchīla shigongo ūjileka ī kaya jise.’” Hūna a banhū binamya ī mitwe yabo būlamya.

Kūfuma 4:31

Bakazunya; nīyo aho bigwa gīkī ū SEEBA wabagenihile a baana ba ng'wa Isilaeli abagunanhe, na gīkī wabūbonile ū būluhi wabo, bakinamya ī mitwe yabo būlamya.

Yelemia 28:6

ūng'wīla, Alichene! Ū SEEBA ni ītage chene! Ū SEEBA ni ayīshikīlīje ī mihayo yako īyo wīhanga yenīyī, ī shiseme sha mu numba ya ng'wa SEEBA ashishoshe aha kūfuma ī Babuloni, pye na a banhū abo baasaamījiwe kwenūko.

Ng'hūngū 3:41

Tūnugūlīlagi Mulungu wa ng'wigūlū ī ng'holò jise, tūmūūkīje makono tūnombe tūlīhaya:

Bagabīji 9:24

Moto gūūfuma kūlī SEEBA, gūshijija ī shitambò sha kūpemva, na a maguta ayo gaalī a ha ng'walīlo. A banhū aho bagūbona ū moto būyoganya kūlwa būyegi, hanuma būgwa bachimīgije hasī ū būshū.

Matayo 26:39

Ūja ha būtongi ho hado, ūūkiponeja ha sī, winama kūshisha ha sī ū būshū bokwe, ūlomba alīhaya gīkī, “Baba ūlū īlīdūlīkana, ī shikombe īshi shinibītīīle; gwike īt'ūmo natogelilwe nene, alīyo ūmo ūtogelilwe bebe!”

Matayo 6:13

Na ūtizūtūtwala mu kūgeng'wa, alīyo tūpījage twīnge ū mulī Wabūbi. Nguno ū būtemi būlī wako, nū būdūla nī nguzu; kūshisha shiku jose, Alichene.’

1 Bakolinto 14:16

Ūlū ītī chene numho gūkūja ginehe ūlū ūlīkumīlīja mu moyo? Ū munhū ūyo atamanile adūgije ginehe ū kwizunīlīja nū būkumīlīja wako ī gīkī, “Alichene,” ūlū atūmanaga īyo ūkwīyombaga?

Baefeso 1:3

Akumīlījiwe ū Mulungu, ū Ise wa ng'wa Seeba wise Yesu Kilisito; ūyo mulī Kilisito atwīlūkīlile mbango jose ja Kiimoyo, kūlwa kikalīle ka ng'wigūlū.

1 Timoteo 2:8

Ali lūūlū natogilwe gīkī, būlī kwene a bagosha bayūlomba babūūkije ng'wigūlya makono meela, yaya ū kūsugwa na būpelanu nūūlū halalī.

1 Petro 1:3

Akumīlījiwe ū Mulungu, Ise wa ng'wa Seeba wise Yesu Kilisito; ūyo kūlwa shigongo shakwe shitaale watwingīgije mu kwisagīlwa kūpanga, ūtwīta kūbyalwa būpya mu nzīla ya būjūūko bo ng'wa Yesu Kilisito kūfuma mu bafu.

Kukundulwa 7:11

Hūna pye a bamalaika abo baalī balīpīndije ī Lisumbī lya būtemi, na a Banamhala nī Shiseeng'wa shipanga ī shine, būgwa bachimīgije ū kū būtongi wī Isumbi lya būtemi, būnamya ū Mulungu.