Nehemia 8:5 - Bibilia Ilagano Lya Kale 2015

⁵ Hūna ū Ezila ūshikundūla ī shitabo, pye a banhū balībona, nguno walī higūlya; aho washikundūla pye a banhū bīmīīla.

Nehemia 8:5 Iomraidhean Croise

1 Batemi 8:12

Hūna ū Solomoni ūhaya gīkī, “Ū SEEBA ahayile gīkī akwikala ng'wilunde lya giiti;

1 Batemi 8:14

Hūna ū ntemi ūlīgalūkīla ī libità lya Baisilaeli, aho bataalī bīmīīlile pye a Baisilaeli abo baalī bibilinga henaho, ūbalombela mbango.

Nehemia 8:3

Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Nehemia 8:4

Ū nangi Ezila aho alīsoma walī wīmīīla ha lūtala lwa mantī; na banhū balebe baalī bīmīīla hamò nang'hwe, ū kū nkono gwakwe gwa būlyo baalīho ba Matisia, Shema, Anaia, Ulia, Hilikia na Maaseya. Ū kū nkono gwa lūmoso baalīko ba Pedaya, Mishaeli, Malikīya, Hashumu, Hashibadana, Zakalia, na Meshulamu.

Balamuji 3:20

A henaho ū Ehudi wegeela aho walī wigaasha ū ntemi iyene mu chumba sha kū golofa sha kwifuulīla makanza ga līīmi ūlū lyasebaga; ūng'wīla gīkī, “Nalī na mhayo nakwenhelaga, naatūmagwa na Mulungu.” Ū ntemi aho wihamba kūbūūka a hisumbī lyakwe,