Nehemia 8:4 - Bibilia Ilagano Lya Kale 2015

⁴ Ū nangi Ezila aho alīsoma walī wīmīīla ha lūtala lwa mantī; na banhū balebe baalī bīmīīla hamò nang'hwe, ū kū nkono gwakwe gwa būlyo baalīho ba Matisia, Shema, Anaia, Ulia, Hilikia na Maaseya. Ū kū nkono gwa lūmoso baalīko ba Pedaya, Mishaeli, Malikīya, Hashumu, Hashibadana, Zakalia, na Meshulamu.

Nehemia 8:4 Iomraidhean Croise

2 Mihayo ya Shikū 6:13

Walī wabeeja lūtala lwa shaba ūlūtūūla ha gatī gatī ya gwaalugwa, lwalī lwa būlīhu wa fuuti mpungatī na nusu, nū būgalī galī gīko, ū būgūngūhu fuuti inè na nusu. Na lūūlū wīmīīla a ha lūtala lwenūlo, hūna ūtuja mazwi kū būtongi wa Baisilaeli bose; hanuma ūgagoloola a makono gakwe kūlola ng'wigūlū;

Ezila 10:29

Ū kūfuma mu shibyalīlwe sha ng'wa Bani, Meshulamu, Maluchi, Adaya, Yashubu, Sheali, na Yelemoti.

Ezila 10:33

Ū kūfuma mu shibyalīlwe sha ng'wa Hashumu, Matenai, Matata, Zabadi, Elifeleti, Yelemai, Manase na Shimei.

Nehemia 10:18

Hodia, Hashumu, Bezai,

Nehemia 10:20

Magipiashi, Meshulamu, Hezili,

Nehemia 10:25

Lehumu, Hashabuna, Maaseya,

Nehemia 10:3

Pashuli, Amalia, Malikīya,

Nehemia 10:7

Meshulamu, Abiya, Mijamini,

Nehemia 11:5

Na Maaseya ng'witūnja o ng'wa Baluki, ng'witūnja o ng'wa Koli-hozeni ng'witūnja o ng'wa Hazaya, ng'witūnja o ng'wa Adaya, ng'witūnja o ng'wa Yoalibu, ng'witūnja o ng'wa Zakalia, wa kūfuma mu shibyalīlwe sha ng'wa Shela.

Nehemia 11:7

A ba lūganda lwa ng'wa Benjamini baalī, Salū ng'wana Meshulamu, ng'witūnja o ng'wa Yoedi, ng'witūnja o ng'wa Pedaya, ng'witūnja o ng'wa Kolaya, ng'witūnja o ng'wa Maaseya, ng'witūnja o ng'wa Isieli, ng'witūnja o ng'wa Yeshaya.

Nehemia 12:13

Meshulamu ya ng'wa Ezila; Yohanani ya ng'wa Amalia.

Nehemia 8:3

Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Nehemia 8:5

Hūna ū Ezila ūshikundūla ī shitabo, pye a banhū balībona, nguno walī higūlya; aho washikundūla pye a banhū bīmīīla.

Nehemia 9:3

Bīmīīla aho baalī, būtūmamīla lobo ya lūshikū kūshisoma ī shitabo sha shilagīlo sha ng'wa SEEBA Mulungu wabo; na lobo yīngī bītūmamīla mu kūtambūūla, na kūnamya SEEBA, ū Mulungu wabo.

Nehemia 9:4

Balawī balebe, ba Yeshua, Bani, Kadimieli, Shebania, Buni, Shelebia, Bani, Kenani, baalī bīmīīla ha lūtala bakūnilīīlaga ū SEEBA Mulungu wabo n'ilaka lya higūlya.

Matayo 23:2

gīkī, “A balangi ba shilagīlo na a Bafalisayo, balī h'isumbī lya ng'wa Musa.