Nehemia 8:3 - Bibilia Ilagano Lya Kale 2015

³ Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Nehemia 8:3 Iomraidhean Croise

Nehemia 10:29

a bose ī haha balī hamò na a baana ba ng'wabo, a batongeeji. Pye balitūūla ha sīlīlī y'izumo na kwiyilahīja gīkī bakūshilondeela ī shilagīlo sha ng'wa Mulungu, īsho binhwa mu nzīla ya ng'wa Musa ū ntūmami o ng'wa Mulungu. Na gīkī bakūgalondeela mu welwa ng'holò pye a malange ga ng'wa SEEBA Mulungu wise, na a kaīle, na a kahelele kakwe.

Nehemia 13:1

Ū mu lūshikū lwenūlo shūsong'wa ī shitabo sha ng'wa Musa, bigwa a banhū; yūbonwa handīkilwe moi gīkī ū mu Baamoni na a Bamoabu, atīho nūūlū ūmò wa kūzunīlījiwa kwisangīja ū mu kwibilinga kwa banhū ba ng'wa Mulungu.

Nehemia 8:1

Pye a banhū bibilinga gītī munhū ūmò, ha gwalugwa ya kū būtongi bo mita gwa minzī. Hūna būng'wīla ū Ezila, ū nangi wa shilagīlo; kūshenha ī shitabo sha shilagīlo sha ng'wa Musa, īsho SEEBA wabinha a Baisilaeli.

Nehemia 8:18

Kūfuma lūshikū lwa kwandya kūshisha lwa kūmalīja, būlī lūshikū ū Ezila wasomaga kūfuma ū mu shitabo sha shilagīlo sha ng'wa Mulungu. Ī shigukulu shenīsho bakashiyegela ikanza lya shikū mpungatī, ū mu lūshikū lwa kanaane bīīta libilinga, gīt'ūmo gwaalī gūhelelilwe.

Nehemia 8:4

Ū nangi Ezila aho alīsoma walī wīmīīla ha lūtala lwa mantī; na banhū balebe baalī bīmīīla hamò nang'hwe, ū kū nkono gwakwe gwa būlyo baalīho ba Matisia, Shema, Anaia, Ulia, Hilikia na Maaseya. Ū kū nkono gwa lūmoso baalīko ba Pedaya, Mishaeli, Malikīya, Hashumu, Hashibadana, Zakalia, na Meshulamu.

Nehemia 8:5

Hūna ū Ezila ūshikundūla ī shitabo, pye a banhū balībona, nguno walī higūlya; aho washikundūla pye a banhū bīmīīla.

Maliko 12:37

Ū Daūdi ng'wenekīlī alīng'haya gīkī Seeba, nose adūgije kūbiza ng'wana wakwe hangī mu ginehe?” Īlibita lya banhū lyandegelekaga na būyegi no.

Luka 19:48

Gwike baalī bagayiwa ū gwa kūng'wītīla, nguno pye a banhū bikalaga hamò nang'hwe bakūndegelekaga.

Luka 8:18

Hū kūhaya ilang'hanagi ūmo mukūdegelekelaga; nguno būlī ng'wene ūyo alī na shikolo akwinhwa, lelo ūyo atī na shikolo, akūtaajiwa nī shisho akwiganikaga gīkī alī nasho.”

Shītwa 13:15

Aho shamala kūsong'wa shilagīlo na shitabo sha bahangi, a bataale b'isinagogi būbatūmīla nhūng'wa būbawīla, “Bababa ūlū mulī na mhayo gwa kūganikīla banhū, somboolagi!”

Shītwa 13:27

Nguno a banhū ba Yelusalemu na a batongeeji babo baalī batang'witegelegije ū munhū ng'wenūyū, alīyo aho banamula, būbiza bīshikīlīja īyo īhayiwe na bahangi abo bakasomagwa būlī sabato.

Shītwa 15:21

Nguno kūfuma shibyalīlwe sha kale na kale, ū Musa alī na bahemba bakwe hose hose ū mu mizengo; būlī sabato akasomagwa ū mu masinagogi.”

Shītwa 16:14

Walīho ūmò wabo, lina lyakwe Ludia, njinja ntaale wa myenda ya langi ya nzulunge, nshīke wa mu nzengo gwa Siatila, hangī munhū wa logohano kūlī Mulungu. Ū nkīma ng'wenūyo aho wigwa, ū Seeba wīlugūla īng'holò yakwe, ūyanukūla īyo yahayiagwa na Paulo.

Shītwa 17:11

A bene baalī balembeezu kūtinda a bana Tesalonike, bakagwanukūla ū mhayo na būkalalwa bose, būyūshilola ī shandīkwa būlī lūshikū, babone ūlū īlī gīko ī mihayo yenīyo.

Shītwa 20:11

Wīnga ho ūlinha hangī ū kū golofa, ūmega ngatī ūlya, ongeja hangī ū kūhoya nabo; nose wela hūna ūja.

Shītwa 20:7

A ha lūshikū lo kwandya mu nyuma tūkibilinga kūmega ngatī, ū Paulo ūlomeela kūshisha būjikū ha gatī, nguno walī ahelile kwīnga a ha ntondo yaho.

Shītwa 28:23

Hūna būlagana nang'hwe gīkī bakwiza lūshikū lūngī aho wikalaga. Bahayiza lelo būbiza bingī kūtinda, nang'hwe ūbonzoolela chiza, kwandīja dilū, nose lyūloka akūbakaanīlaga ya būtemi bo ng'wa Mulungu; na kūgema no no no kūbagunanha kūfuma mu shilagīlo sha ng'wa Musa na mu bahangi, gīkī bang'witegeleje ū Yesu.

Kūshokeela 31:9

Hūna ū Musa ūshandīka ī shilagīlo īshi, ūbina bagabīji, a ba lūganda lwa Lawī, abo baalī babūūcha b'isandīko ly'ilagane lya ng'wa SEEBA; na a banamhala a bose a ba Baisilaeli ūbinha.

1 Batesalonike 2:13

Hūna lūūlū a bise nise tūtaalī ū koya ū kūnkumīlīja ū Mulungu. Nguno aho mukagwanukūla ū mhayo go ng'wa Mulungu ūyo mukagwigwa kūfuma kū bise, mutagwanukūlile gītī mhayo gwa banhū, alīyo mukagwanukūla gīt'ūmo gūlī ng'hana, mhayo go ng'wa Mulungu. Ū mhayo gwenūyo h'ūyo gūkūtūmamaga ū mu bing'we abo mulī bazunya.

Yoshwa 8:35

Ū mu mihayo pyī īyo Musa walī walagīla, gūtasaagile nūūlū gūmò ūyo atagūsomile ū Yoshwa ū kū Baisilaeli bose abo baalī bibilinga, pye abo baalīho; a bakīma, baana, na a bageni abo bikalaga hamò nabo.

Kukundulwa 2:29

Ūyo alī na gūtū ni ayigwage īyo Moyo alījiwīla ī kanisa.’

Kukundulwa 3:22

Ūyo alī na gūtū ni ayigwage īyo Moyo alījiwīla Ī kanisa.’”