Nehemia 8:18 - Bibilia Ilagano Lya Kale 2015

¹⁸ Kūfuma lūshikū lwa kwandya kūshisha lwa kūmalīja, būlī lūshikū ū Ezila wasomaga kūfuma ū mu shitabo sha shilagīlo sha ng'wa Mulungu. Ī shigukulu shenīsho bakashiyegela ikanza lya shikū mpungatī, ū mu lūshikū lwa kanaane bīīta libilinga, gīt'ūmo gwaalī gūhelelilwe.

Nehemia 8:18 Iomraidhean Croise

Nehemia 8:2

Hūna ū mu lūshikū lwa kwandya lwa ng'weji gwa mpungatī, ū ngabīji Ezila ūshenha ī shilagīlo ū kū banhū abo baalī bibilinga; baalīho bagosha na bakīma, pye na a baana, bose abo baalī badūgije kwitegeleja.

Nehemia 8:3

Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Bagabīji 23:36

Hūna līkūbīta ikanza lya shikū mpungatī mukūfunyaga kūlwa ng'wa SEEBA shitambò sha kūpemva mu moto; hama a ha lūshikū lwa kanaane mukūbiza na kwibilinga kwela hangī, ng'ūmfunīja hangī ū SEEBA shitambò sha kūpemva mu moto; ū lwenūlo lūlī lūshikū lwa kūmalīīja libilinga, yaya ū kwīta ī milīmo īyo mukīītaga na kale.

Bagabīji 23:41

Na lūūlū shidimagi ī shigukulu shenīshi; būlī ng'waka mukūshiyegela shikū mpungatī kū būtongi bo ng'wa SEEBA. Ī shenīshi shilī shilagīlo sha kūshinga ho shikū jose, pyī ū mu shibyalīlwe shing'we īsho shiliza; ī shigukulu shenīshi shikūbiza mu ng'weji gwa mpungatī.

Kūbala 29:35

Ū mu lūshikū lwa kanaane mukūbiza na kwibilinga kwela, hama yaya ū kūtūmama ī milimo īyo mukatūmamaga na kale.

Yohana 7:37

A ha lūshikū lo kūmalīja shigukulu, ūlo lūlī lūshikū lūtaale, ū Yesu akīmīīla ūhamuka n'ilaka lya higūlya ūhaya gīkī, “Ose ose ūyo akolilwe nota ni izage kūlī nene ang'we.