Nehemia 8:17 - Bibilia Ilagano Lya Kale 2015

¹⁷ Pye a banhū abo baalī bashoka kūfuma kū būsaamiwa būzenga maduku, bikala ng'wenūmo. Kwīngīīla mu shikū ja ng'wa Yoshwa ng'witūnja o ng'wa Nuni, a banhū baalī bataalī ū kūshiyegela ī shigukulu shenīsho mu nzīla yenīyo; nīyo bakayega na kayegele kataale no.

Nehemia 8:17 Iomraidhean Croise

1 Mihayo ya Shikū 29:22

Ū lūshikū lwenūlo būlya na kūng'wa mu būyegi būtaale ū kū būtongi wa ng'wa SEEBA. Hūna ū Solomoni ū ng'witūnja wa ng'wa Daūdi būng'wanukūla lwa kabīlī kūbiza ntemi wabo, būng'witīīla maguta kū būtongi wa ng'wa SEEBA gīkī abize ntemi wabo; nū Sadoki gīkī abize ngabīji.

2 Mihayo ya Shikū 30:26

Walī būyegi būtaale no ū mu Yelusalemu, nguno kūfuma mu shikū ja ng'wa Solomoni ū ng'witūnja o ng'wa Daūdi ū ntemi wa Isilaeli, ū mhayo gwa gīko gwalī gūtaalī kwītwa ū mu Yelusalemu.

2 Mihayo ya Shikū 35:18

Ī pasaka yalī ītaalī kūyegelwa gīko ū mu Isilaeli kūfuma mu shikū ja ng'hangi Sang'weli. Walī atīho ntemi wa Isilaeli nūūlū ūmò ūyo walī wabīta kwīyegela ī pasaka gīt'ūmo akīītīla ū Yosia; kwīlya hamò na bagabīji, Balawī, na a banhū ba Yuda a bose, na a Baisilaeli abo baalīho hoi, hamò na a banhū ba Yelusalemu.

2 Mihayo ya Shikū 8:13

Ūfunya gīt'ūmo shalī shīmīle sha kafunīje ka būlī lūshikū, ūmo Musa walī walagīīlīla kūlwa shikū ja Sabato na shigukulu sha ng'weji mpya, nī shigukulu ī shidatū īsho shalī shalagīlwa, shigukulu sha migatī ītī na shibimbya, shigukulu sha mifungo, na shigukulu sha maduku.

Ezila 3:4

Būshiyegela nī shigukulu sha maduku kūlenganīla nū mumo handīkīlilwe, nī shitambò būyūfunya kūlenganīla nī lisaabu īlo līlagīlilwe būlī lūshikū.

Yohana 1:14

Ū Mhayo akabiza munhū, wigasha hamò nise. Nī likūjo lyakwe tūūlībona, ikūjo gītī lya Myalwa ūmò wike ūyo afumile kūlī Sīswe, okolile shigongo na ng'hana.

Kūshokeela 16:15

Ikanza lya shikū mpungatī ūkūyega kū būtongi bo ng'wa SEEBA Mulungu wako, ūlī a h'ipandī īlo alalīsole wei. Nguno ū SEEBA Mulungu wako akūkwīlūkīla mu shose īsho ūkūshigesa, nū mu milīmo yako īyo ūkwīta.

Bahebrania 11:13

Pye a bose benaba bakachīla mu kūzunya, ī shikolo īsho baalī bisagījiwa bashiloleelaga bū kūle būyūshiyegela. Alīyo būūcha bataalī ū kūshanukūla, būbiza bakaanīji gīkī baalī bageni na bashimīzi ū mu sī.

Bahebrania 11:9

Kūlwa kūzunya aho alī ū mu sī ya kwisagījiwa yenīyo walī gītī nshimīzi; wikalaga mu maheema, pye nū Isaka nū Yakobo, abo nabo baalī bingīji ū mu wisagījiwa wenūbo.

Bahebrania 4:8

Nguno ū Yoshwa ūlū ni wabifuuja, ū Mulungu ni atahayile mihayo ya lūshikū lūngī hangī a ha numa ya henaho.

Yoshwa 1:1

Ū Musa ū ntūmami o ng'wa SEEBA aho waacha, ū SEEBA ūng'wīla ū Yoshwa ng'witūnja o ng'wa Nuni, na ntūmami o ng'wa Musa; ūhaya gīkī,