Nehemia 8:16 - Bibilia Ilagano Lya Kale 2015

¹⁶ Na ng'hana a banhū būja būūkenha a matambī ga mitī, biza būzenga maduku, bangī higūlya ya numba jabo, bangī ha gwalugwa jabo, bangī ha gwalugwa ja numba ya ng'wa Mulungu, na ha gwalugwa ya kū būtongi wa mita gwa minzī, nū kū būtongi wa mita gwa ng'wa Efulaimu.

Nehemia 8:16 Iomraidhean Croise

2 Sang'weli 11:2

Lūshikū lūmò līīmi lyaheeha, ū Daūdi ūbūūka kūfuma ha būlīīlī; wandya kūyeela yeela kwigūlya ya numba yakwe y'ikūlū. Kūponya liso ī gīkī, ūloleela nkīma alooga; ū nkīma ng'wenūyo walī nsoga no.

2 Batemi 14:13

Aho balī ū mu būlūgū wa Beti-shemeshi wenūbo, ū Yehoashi ū ntemi wa Isilaeli ūndima ū Amazia ū ntemi wa Yuda, ū ng'witūnja o ng'wa Yoashi, ng'witūnja o ng'wa Ahazia. Hanuma ū Yehoashi ūja ī Yelusalemu ūūkīgwisha ī ndugu ya Yelusalemu kwandīja kū mita gwa Efulaimu kūja kū mita gwa kuluba, ibbala lya būlīhu wa fuuti magana atandatū.

2 Mihayo ya Shikū 20:5

Hūna ū Yehoshafati wīmīīla ū kū būtongi wa banhū ba Yuda na Yelusalemu, a bose abo baalī bibilinga a ha hekalu ya ng'wa SEEBA, ū kū būtongi wa gwaalugwa ī mhya.

2 Mihayo ya Shikū 33:5

Ū mu gwalugwa ja ha hekalu būbīlī wajo ūzenga myalīlo kūlwa nguno ya mabità gose ga sonda ja ng'wigūlū.

Nehemia 12:37

Aho bashika a ha mita gwa ha lūzwīlo lwa minzī, būlūmbūlīla bajile kū būtongi, būūkashika kū mita gwa malinhīlo ga kū nzengo go ng'wa Daūdi; būlinha a ha ndugu, būja kūshisha bīkīlanhya ī numba ya ng'wa Daūdi, būūkashika kū mita gwa kū minzī ūyo gūlī kīya.

Nehemia 12:39

kūjūbīta higūlya ya mita gwa Efulaimu; na kū mita gwa kale, na gwa ndīlo, na kū numba ndīhu ya Hananeli, na numba ndīhu y'igana, būkashika kū mita gwa ng'holo. Aho bashika ha mita gwa balang'hani bīma.

Nehemia 3:26

A batūmami ba mu hekalu, abo bikalaga kū lūgūlū lwa Ofeli, nabo būzenga ibudīka lilolelile nū mita gwa kū minzī, kūjīlīīla kīya, nū kū numba ndīhu īyalolelagwa kūfuma kūle.

Nehemia 8:1

Pye a banhū bibilinga gītī munhū ūmò, ha gwalugwa ya kū būtongi bo mita gwa minzī. Hūna būng'wīla ū Ezila, ū nangi wa shilagīlo; kūshenha ī shitabo sha shilagīlo sha ng'wa Musa, īsho SEEBA wabinha a Baisilaeli.

Nehemia 8:3

Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Yelemia 19:13

Ī numba jose ja Yelusalemu nī ja batemi ba Yuda jikūsosohajiwa gītī ī lipandī lya Tofesi lyenīlī, pyī ī jose ījo higūlya yajo bakazuukījaga būbbani kūlwa kūlīlamya pyī ī libità lya ng'wigūlū, na kūbafunīja bamulungu babo shitambò sha kūng'wiwa.”

Yelemia 32:29

A Bakalidayo abo bakūgūdumīla ū nzengo gwenūyū bakwingīla moi bagūpembe moto gūnogotele gūshile, pyī nī numba ījo banhū bakajitūmamīlaga kūniikoloosha na kūnipelanya; ījo kwigūlya yajo bakagazuukījaga būbbani Mabaalī, na kūbafunīja bamulungu bangī shitambò sha kūng'wiwa.

Kūshokeela 22:8

Ūlū ūzenga numba mhya īlī na ha kwifuulīla ū kwigūlya, ītūūlīlage na ikīgījo ū kū mhelo mhelo, ūtiziyenheleja makoye ga kūchīlwa munhū, ūlū ūgwa kūfuma ū kwigūlya ya numba yako.