Nehemia 8:15 - Bibilia Ilagano Lya Kale 2015

¹⁵ Nīyo shiigelile bakomelejiwe a banhū hose pyī ū mu mizengo yabo nī Yelusalemu, “Linhagi kū ngūlū mukabute matambī ga mizeituni, mizeituni ya mu mapoolu, na ga mitī mido mido ya būlabo bo ng'waso nsoga, na ga nhende, na matambī ga mitī yīngī ī ya madūūtū mingī,” gīt'ūmo gwandīkilwe.

Nehemia 8:15 Iomraidhean Croise

wandījo 8:11

Ī mhunda yenīyo yūshoka makanza ga mhīndī, īlumile kū nomo idūūtū lya nzeituni īlo yalī yatonola. A henaho ū Noa ūdeeba gīkī a minzī gaakamukile a ha sī.

Bagabīji 23:4

“Shingī shiishi ī shigukulu sha ng'wa SEEBA īsho shihelilwe kūlwa kwibilinga kwela, būlī sheene mukūyūshikumūcha ng'wikanza lyasho.

Bagabīji 23:40

Ū mu lūshikū lwa kwandīja mukūsolanhya matwajo ga kūfuma mu mitī misoga, ng'ūbbuta na matambī ga mitī ya būkīndū, na ga mitī ya madūūtū mingī, na ga magobeko kūfuma kū ng'hilimva ya mongo. Mukūmala shikū mpungatī mukūyegaga kū būtongi bo ng'wa SEEBA Mulungu wing'we.

Zakalia 1:8

Nakabona shakoolechiwa mu makanza ga būjikū; kwimanīla ū kū būtongi bone wīmīīla munhū adamhīlile falasa yaaza! Walī wīmīīla mu mitī ya bonji būsoga, mu ntubīlo gwa longa lo minzī. Ū kū numa yakwe jalīho na falasa jingī, jaza, ja buluge, na jaape.

Matayo 21:1

Bahayūtumbya Yelusalemu, būbiza bashika Betifage, kū lūgūlū lo mizeituni, ū Yesu ūtūma babīlī ba bahemba bakwe.

Yohana 12:13

Būbūūcha matambī ga mitī ya nhende, būja kūnsūng'wanha kūnū balīhamuka būhaya gīkī, “Hosana, akumīlījiwe ūyo aliza mu lina lya ng'wa Seba, hū ng'wene ū Ntemi wa Israeli.”

Kūshokeela 16:16

Pye a bagosha abo balīmo ū ng'wihanga lyako bakūyūshika kū būtongi bo ng'wa SEEBA Mulungu wako ng'hangala idatū ū mu ng'waka, ū kwipandī īlo alalīsole. Bakwiza ko ng'wikanza lya shigukulu sha migatī ītī na shibimbya, ikanza lya shigukulu sha mifungo, na ng'wikanza lya shigukulu sha maduku. Atizilonga wa kwiza kū būtongi bo ng'wa SEEBA alī makono dalali.

Kukundulwa 7:9

Ha numa ya henaho, aho nataalī nalolile nūbona ibita lya banhū itaale no, atīho nūūlū ūmò ūyo adūgije kūbasolooja; baalī ba kūfuma mu mahanga gose, na ng'anda jose, ba ndūgū jose na ndīmi jose. Baalī bīmīīlile ū kū būtongi wī Isumbi lya būtemi, nū kū būtongi bo Ng'wana wa Ng'holo, bazwalile shizwalo shape. Ū mu makono gabo baalī babūūkije matambī ga mitī ya nhende.