Nehemia 8:12 - Bibilia Ilagano Lya Kale 2015

¹² Hūna pye a banhū būja kaya ng'hana, būkalya na kūng'wa mu būyegi, na kūbatwalīla shilīwa abo baalī batī nasho; shūbiza shigukulu sha būyegi no, nguno bakīyitegeleja īyo bakatongwa.

Nehemia 8:12 Iomraidhean Croise

1 Mihayo ya Shikū 29:22

Ū lūshikū lwenūlo būlya na kūng'wa mu būyegi būtaale ū kū būtongi wa ng'wa SEEBA. Hūna ū Solomoni ū ng'witūnja wa ng'wa Daūdi būng'wanukūla lwa kabīlī kūbiza ntemi wabo, būng'witīīla maguta kū būtongi wa ng'wa SEEBA gīkī abize ntemi wabo; nū Sadoki gīkī abize ngabīji.

Nehemia 8:10

Ū Nehemia ūbawīla, “Alilūūlū ī haha muje mukalye shizeeze, mung'we na sha kūng'wa shawiza; nū yūyo atī na wa kūmeegeja shose shose muntwalīle. Ū lūshikū lwenūlū lūlī lwela kūlī SEEBA, mutapīnīhalage. Nguno ū būyegi bo ng'wa SEEBA h'ī nguzu jing'we.”

Nehemia 8:11

A Balawī būyūbahuumūja pye a banhū balībawīla, “Huumūlagi nguno ū lūshikū lwenūlū lūlī lwela; lekagi ū kūpīnīhala.”

Nehemia 8:13

A ha lūshikū lwa kabīlī lwaho, pye a batongeeji ba kaya ja bakūlūgenji, na a bagabīji na a Balawī, biza ū kūlī Ezila ū nangi wa shilagīlo, kwiza kūlangwa chiza ī ya mu shilagīlo.

Esita 9:22

Ī shikū jenījo bajiisaabe gīkī jikabinha a Bayudaya kwifuula kūfuma mu kūluhiwa na banishi babo, nū ng'weji gwenūyo bagūbone gīkī ū mugo, ū būpīna wabo būkagalūka kūbiza būyegi, nī ng'hūngū yabo yūgalūka kūbiza lūshikū lwa būyegi. Ūbakomeleja gīkī ī shikū jenījo bajīīte kūbiza shikū ja kūyega na kūlya shigukulu. Shikū ja kwiyinha shilīwa shawiza, na kūbizūkwa a bahabī.

Ayubu 23:12

Ī shilagīlo sha kūfuma mu nomo gwakwe nataalī ū kūlekana nasho; ī mihayo ya nomo gwakwe nīlang'hanile no, kūtinda shilīwa shane sha būlī lūshikū.

Zabuli 119:111

Ī mihayo yako būlī wingīji wane welelo bose, h'ī yene īkaninhaga būyegi ū mu ng'holò yane.

Zabuli 119:127

Ū nene īkī nashitogilwe ī shilagīlo shako kūtinda zahabu, nūūlū zahabu īyo īgusilwe chiza,

Zabuli 119:130

Ī mihayo yako ūlū yūkundūlwa hape, Īkenhaga isana, īlo līkang'winhaga witegeleja ngaya masala.

Zabuli 119:14

Nakayegaga no ū kūshimīza mu katongeelele ka būkaanīji wako, gīt'ūmo būlī būyegi wa nsabi wa shikolo shose.

Zabuli 119:16

Nakūyega no ū kūbiza ha sīlīlī ya katongeelele kako, natīko kūgūdalaha ū mhayo gwako.

Zabuli 119:171

Ū nomo gwane gūkūpumunha būgongooji wingī, nguno hū bebe ūkanilangaga ī shilagīlo shako.

Zabuli 119:174

Ee SEEBA, nalī na ng'hūmbū na būpīji wako, na a malange gako hū būyegi wane.

Zabuli 119:72

A malange ga kūfuma mu nomo gwako galī masoga no ū kūlī nene, kūtinda shihūmbī shingī sha feza na zahabu.

Zabuli 119:97

Ū nene nagatogilwe no a malange gako, nakadīīlaga līīmi ji nakūgideedeng'hanyaga.

Yelemia 15:16

Ee SEEBA, Mulungu wa mabità, Ī mihayo yako īkaniizīīla nīlya, yūbiza būyegi wane, yūtogwa ī ng'holò yane; nguno nakwitanagwa mu lina lyako.

Luka 24:32

Bandya kwiwīla gīkī, “Jalī jitūbīlīlaga īng'holò jise ū mu nzīla, aho walūlūngalūngaga nise, akūtoolekejaga ī mihayo ya mu shandīkwa?”

Balumi 7:18

Nguno namanile gīkī ū mulī nene, ū mu būmunhū bone, būtikalaga mo wiza; īkī ū kūtogwa natogilwe, alīyo ū kwīta ū gwawiza nalemeelilwe.

Kukundulwa 11:10

A bikaji ba mu sī bakūyega na kayegele kataale kūlwa nguno yabo a bahangi benabo, bakūyinong'ha kūlwa kwihoja boi benekīlī na benekīlī, nguno a bahangi benabo baalī babaluhya no a bikaji ba mu sī.