Nehemia 8:1 - Bibilia Ilagano Lya Kale 2015

¹ Pye a banhū bibilinga gītī munhū ūmò, ha gwalugwa ya kū būtongi bo mita gwa minzī. Hūna būng'wīla ū Ezila, ū nangi wa shilagīlo; kūshenha ī shitabo sha shilagīlo sha ng'wa Musa, īsho SEEBA wabinha a Baisilaeli.

Nehemia 8:1 Iomraidhean Croise

2 Batemi 23:2

Hanuma ūja mu hekalu ya ng'wa SEEBA hamò na a banhū ba Yuda, na a ba mu Yelusalemu, na a bagabīji na a bahangi; nīyo pyī dūhū a banhū, bado na bataale. Ūbasomela pyī ī mihayo ya mu shitabo sha būlagane īsho shikapandīkīlwa mu hekalu ya ng'wa SEEBA.

2 Mihayo ya Shikū 34:15

Hūna ū Hilikia ūng'wīla ū Shafani ū ng'wandīki, “Shiishi ī shitabo sha shilagīlo, nashipandīkīla mu hekalu ya ng'wa SEEBA.” Ūng'winha ū Shafani.

2 Mihayo ya Shikū 34:30

Hanuma ūja mu hekalu ya ng'wa SEEBA hamò na a banhū ba Yuda, na a ba mu Yelusalemu, na a bagabīji na a Balawī; nīyo pyī dūhū a banhū bado na bataale. Ūbasomela pyī ī mihayo ya mu shitabo sha būlagane, īsho shikapandīkīlwa mu hekalu ya ng'wa SEEBA.

Ezila 7:1

Hūna ī yenīyo yūbīta; ū mu shikū ja būsugi bo ntemi Atashasta wa Būajemi, walīho ngosha lina lyakwe Ezila, ng'witūnja o ng'wa Selaya, ng'witūnja o ng'wa Azalia, ng'witūnja o ng'wa Hilikia,

Ezila 7:10

Nīyo ū Ezila ng'wenūyo walī wīlogeja ī ng'holò yakwe kū mhayo gwa kūshisoma ī shilagīlo sha ng'wa SEEBA, na kūshishikīlīja; na kūbalanga a Baisilaeli a katongeelele na a kahelele kakwe ū SEEBA.

Ezila 7:11

Īyī yene mihayo ya kūfuma mu nyalūba īyo ntemi Atashasta akang'wandīkīla Ezila, ūyo walī ngabīji na nangi ndeeba wa mihayo ya malange ga ng'wa SEEBA, hamò na a kahelele kakwe ū kū Baisilaeli.

Ezila 7:6

Hūna lūūlū ū Ezila ng'wenūyū akīnga koi ī Babuloni. Nīyo ū wei walī nangi, munhū ūyo walī ashimanile ī shilagīlo sha ng'wa Musa īsho SEEBA, Mulungu wa Isilaeli walī washifunya. Ū ntemi akang'winha būlī shikolo īsho akalomba, nguno ū nkono go ng'wa SEEBA Mulungu wakwe gwalī hamò nang'hwe.

Nehemia 12:26

Ū nīmo gwabo bagwīta mu shikū ja ng'wa Yoakimu, ng'witūnja o ng'wa Yeshua, ng'witūnja o ng'wa Yozadaki na mu shikū ja ng'wa Nehemia, ūyo walī nsugi wa sī, na Ezila ū ngabīji na nangi wa shilagīlo.

Nehemia 12:37

Aho bashika a ha mita gwa ha lūzwīlo lwa minzī, būlūmbūlīla bajile kū būtongi, būūkashika kū mita gwa malinhīlo ga kū nzengo go ng'wa Daūdi; būlinha a ha ndugu, būja kūshisha bīkīlanhya ī numba ya ng'wa Daūdi, būūkashika kū mita gwa kū minzī ūyo gūlī kīya.

Nehemia 3:26

A batūmami ba mu hekalu, abo bikalaga kū lūgūlū lwa Ofeli, nabo būzenga ibudīka lilolelile nū mita gwa kū minzī, kūjīlīīla kīya, nū kū numba ndīhu īyalolelagwa kūfuma kūle.

Nehemia 8:16

Na ng'hana a banhū būja būūkenha a matambī ga mitī, biza būzenga maduku, bangī higūlya ya numba jabo, bangī ha gwalugwa jabo, bangī ha gwalugwa ja numba ya ng'wa Mulungu, na ha gwalugwa ya kū būtongi wa mita gwa minzī, nū kū būtongi wa mita gwa ng'wa Efulaimu.

Nehemia 8:3

Ūshisoma n'ilaka lya kwigwa pye a banhū, kwandīja dilū līīmi līlīfuma, kūshisha līīmi ntwe gatī. Wasomaga alolelile ū kū mita gwa minzī, ū kū būtongi wa bagosha na bakīma na a baana, hamò na a bangī abo baalī badūgije kwitegeleja; pye a banhū baalī badegeleka chiza no, aho shilīsong'wa ī shitabo sha shilagīlo.

Isaya 8:20

Jagi kū shilagīlo na kū būkaanīji! Ūlū batayombile ūmo gūhayīlile ū mhayo gwenūyū, numho ī lisana lītaalī ū kūbaakīla.

Bagabīji 9:5

Ī shikolo īsho Musa akabalagīla būshitwala kū būtongi wiheema lya kwibilingīla; hūna pye a Baisilaeli ibità igima beegeela būshika bīīmīīla kū būtongi bo ng'wa SEEBA.

Malaki 4:4

“Shiizūkagwi ī shilagīlo sha ntūmami wane Musa, a malange nī shilagīlo īsho nakang'winha kū lūgūlū lwa Holebu kūlwa Baisilaeli bose pye.

Matayo 13:52

Ūbawīla hangī gīkī, “Hūna lūūlū, būlī ng'wene ūyo alangilwe mihayo ya būtemi bo ng'wigūlū, abizile gītī namugī ha ng'wakwe, ūyo akafunyaga shikolo shipya na shikūlūkūlū, kwīngīīla mu wibīkīja bokwe.”

Matayo 23:13

“Bing'we balangi ba shilagīlo na Bafalisayo bibeeleja, mulī mu kwihīga; nguno mukabalugalīlaga a banhū ū būtemi bo ng'wigūlū. A bing'we mulemeelilwe ū kwingīla, alīyo na a babo batogilwe ū kwingīla mutabazunīlījaga ū kūbīta! [

Matayo 23:2

gīkī, “A balangi ba shilagīlo na a Bafalisayo, balī h'isumbī lya ng'wa Musa.

Matayo 23:34

Hūna lūūlū managi gīkī, nalīmutūmīla hangī bahangi, na banhū bitegeleja na balangi, bamò mukūbabūlaga na kūbakoma ha misalaba, bamò babo mukūyūbatūlīla mu masinagogi ging'we; nīyo mukūyūja mukūbahīgaga hose hose ū mu mizengo.

Kūshokeela 31:11

Ī likanza īlo Baisilaeli bose bakizaga kwiyoolecha kū būtongi bo ng'wa SEEBA Mulungu wako kwipandī īlo wei ng'wenekīlī alalīsole, ūkūshisoma ī shilagīlo shenīshi ūlī kū būtongi wabo badegelekile.

Balamuji 20:1

A Baisilaeli bibilinga Mispa pye a bose; biza pye mu būsangī bumò, kūfuma Dani kūshisha Beeli-sheba, nū kūfuma ū kū sī ya Gileadi.

Balamuji 20:8

Pye a banhū ūmo baalī bagelelile bīīmīīla, būhaya gīkī, “Atīho nūūlū ūmò wise ū wa kūshoka kwiheema; nūūlū atizilonga munhū ose ose wa kūja kū ng'wakwe.