Nehemia 7:70 - Bibilia Ilagano Lya Kale 2015

⁷⁰ Bamò ba batongeeji ba kaya jabo bakafunya shakwinha kūlwa nguno yago ū nīmo; ū nsugi ūfunya kilo inaane na nusu ja zahabu, mabakuli makūmi atanò, ng'hanjo magana atanò na makūmi adatū ja bagabīji.

Nehemia 7:70 Iomraidhean Croise

1 Batemi 7:45

nī nzweso, na makolelo, na a mabbakuli ga kūseeseebeelela. Ī shikolo shose shenīshi īsho Hulamu akameegeja ntemi Solomoni kūlwa nguno ya hekalu ya ng'wa SEEBA, shalī sha shaba īguusilwe yūlabangīla.

1 Mihayo ya Shikū 28:17

Ūng'winha nū būdito wa zahabu ī yawiza no-no-no kūlwa nguno ya kūbeeja uuma, mabbakuli ga kūseeseebelela, na shinje; nū būdito wa zahabu ja kūbeeja būlī isinia lya zahabu, nū būdito wa feza jakūbeeja būlī isinia lya feza.

2 Mihayo ya Shikū 4:11

Ūbeeja na nzweso, hamò na makolelo na mabakuli ga kūseseebelela. Na lūūlū ū Hulamu ūmala pyī ī milīmo ya ntemi Solomoni īyo wībeejaga mu hekalu ya ng'wa Mulungu; ī milīmo ya kūbeeja shikolo gītī,

2 Mihayo ya Shikū 4:8

Hanuma ya henaho ūbeeja na meza ikūmi ūjitūūla ū mu hekalu; itanò kū lwandī lwa dakama, itanò lwa sukuma. Ūbeeja na mabbakuli igana ga zahabu ga kūseseebelela.

Nehemia 10:1

Abo bakatūūla ī meng'ho jabo baalī aba, Nehemia, ūyo walī nsugi; ng'witūnja o ng'wa Hakalia, na Zedekia,

Nehemia 7:65

Hūna lūūlū ū nsugi wa sī ūlagīla batizūshilya ī shilīwa ī sheela no no no, kūshisha igele ngabīji ūyo adūgije kūlola mihayo bo kūtūmamīla Ulimu na Sumimu.

Nehemia 7:69

ngamīla magana anè na makūmi adatū n'itanò, na nzobe shihūmbī shitandatū na magana mpungatī na makūmi abīlī.

Nehemia 7:71

Bamò ba batongeeji ba kaya ja bakūlūgenji būfunya kilo igana na makūmi atandatū n'inaane ja zahabu, ja kūtūūla mu mfuko kūlwa nguno ya nīmo; na kilo shihūmbī na magana abīlī na makūmi atanò ja feza.

Nehemia 8:9

Pye a banhū būyūlīla aho bīyigwa ī mihayo ya shilagīlo; hūna ū Nehemia ū nsugi, nū Ezila ū ngabīji na nangi wa shilagīlo, hamò na a Balawī abo balangaga būbawīla a banhū, “Lekagi ū kūlīla, nguno ū lūshikū lwenūlū lūlī lwela kūlī SEEBA, Mulungu wing'we.”

Kūfuma 12:22

Hūna musole madūūtū ga hisopo muyūgadabbya mu mininga galī ng'wibakuli, ng'wībila ī milyango; a higūlya nū mu kabazu. Atizigela nūūlū ūmò wing'we wa kūja hanze ya numba yakwe kūshisha dilū.

Kūfuma 24:6

Ū Musa ūgasola a mininga gamò ūgatūūla mu mabakuli, a gangī ayo gakasaaga ūgaseeseebela ha ng'walīlò.

Yelemia 52:19

Ū ntaale wa balang'hani ba ntemi akasola na masahani, nzweso ja kūzuukīlīgīja būbbani, mabbakuli ga kūseeseebelela, mafulīla, makīndīkīlo ga talà, nzweso, na a mabbakuli a gangī; pyī ī shiseme īsho shaalī sha zahabu na feza ūshijana.