Nehemia 7:7 - Bibilia Ilagano Lya Kale 2015

⁷ Baalī hamò na Zelubabeli, Yeshua, Nehemia, Selaya, Lelaya, Modekai, Bilishani, Misipali, Bigivai, Nehumu, na Baana.) Ī lisaabu lya bagosha ū mu banhū a Baisilaeli benabo lyalī īlī:

Nehemia 7:7 Iomraidhean Croise

Ezila 2:2

Bakiza ū ng'wikanza lya kwiza ba Zelubabeli, Yeshua, Nehemia, Selaya, Lelaya, Modekai, Bilishani, Misipali, Bigivai, Lehumu, na Baana. Ī lisaabu lya bagosha ū mu banhū a Baisilaeli benabo lyalī īlī:

Ezila 5:2

Hūna ū Zelubabeli, ng'witūnja o ng'wa Salatieli, nū Yeshua ng'witūnja o ng'wa Yosadaki, bīmīīla bandya kwīzenga hangī numba ya ng'wa Mulungu īyo īlī mu Yelusalemu, na a bahangi ba ng'wa Mulungu baalī hamò nabo bakūbagunanhaga.

Nehemia 11:3

Aba bandīkilwe aha h'a batongeeji abo bakikala mu Yelusalemu, alīyo ū mu mizengo ī yīngī ī ya mu Būyudaya, a Baisilaeli bikalaga ū mu mizengo yenīyo būlī ng'wene h'itongo lya ng'wawe. Baalīho bagabīji, Balawī, batūmami ba mu hekalu, na a banhū ba shibyalīlwe sha batūmami ba ng'wa Solomoni.

Nehemia 12:1

Aba h'a bagabīji na a Balawī abo bakiza na Zelubabeli ng'witūnja o ng'wa Salatieli hamò na Yeshua, Selaya, Yelemia, Ezila,

Nehemia 12:10

Ū Yeshua walī amyalile Yoakimu, ū Yoakimu ūmyala Eliashibu, ū Eliashibu ūmyala Yoada.

Nehemia 12:3

Shekania, Lehumu, Melemosi,

Nehemia 12:7

Salū, Amoki, Hilikia, Yedaya. Ū mu shikū ja ng'wa Yeshua, a banhū benaba baalī bataale ba bagabīji, pyī nū mu ndūgū jabo.

Nehemia 2:2

Hūna lūūlū ū ntemi ūnibūūja, “Bebe ni kinehe ilelo ūzoobaalile gīko alīyo ūtī nsaatu? Ū gwenūyū gūtūdūla kūbiza mhayo gūngī, ūlū ītī būpīna bo mu ng'holò!” Nakogoha no.

Nehemia 7:6

Aba hū bene a banhū abo bakashoka kūfuma sī ya Babuloni, ū ng'wikanza lya kūshoka kwa banhū abo baalī bading'wa būsaamiwa; abo ntemi Nebukadineza wa Babuloni walī wabasaamīja kwenūko. (Aho bashoka bakikala Yelusalemu na Būyudaya, būlī munhū kū nzengo gwa ng'wawe.

Nehemia 7:8

A ba shibyalīlwe sha ng'wa Paloshi baalī shihūmbī shibīlī n'igana na makūmi mpungatī na babīlī.

Ezekia 1:11

H'ūmò walī ū būshū washo. A manana gasho gaalī gaalile hūna gūgololoka kūj'igūlya, būlī shene manana abīlī; inana līmò liikuumije n'inana lichalyo ū kū shiseeng'wa īsho shalī bbihī nasho; manana abīlī gūūgūkumba ū mīlī.

Hagai 1:1

Mu lūshikū lwa kwandya ng'weji gwa katandatū, ng'waka gwa kabīlī gwa Ntemi Dalio, mhayo go ng'wa SEEBA gūkiza mu nzīla ya ng'hangi Hagai; gwiza kūlwa nsugi wa Yuda, Zelubabeli ng'witūnja o ng'wa Shatieli; na ngabīji ntaale Yoshwa, ng'witūnja o ng'wa Yehozadaki.