Nehemia 7:5 - Bibilia Ilagano Lya Kale 2015

⁵ Hūna ū Mulungu wane ūnitūūlīla iganiko ū mu ng'holò yane, lya kūbakuminga pye a banhū a bataale bataale, na a batongeeji; na a banhū a bangī dūhū, gīkī bandīkwe kūlondeela ndūgū ja kaya jabo. Nūshibona ī shitabo sha kwihela kwa ndūgū ja banhū abo baalī batonga ū kūshoka. A mina ayo nakagapandīka ayo gaalī gandīkilwe mo gaalī aya:

Nehemia 7:5 Iomraidhean Croise

Ezila 2:62

A benaba bakagakooba no a mina gabo ū mu kwihela kwa shandīkwa, alīyo batagapandīkile. Hūna lūūlū būkomanyiwa bīnjiwa ū ng'wigelè lya bagabīji, bisaawa kūbiza balī basoso.

Ezila 7:27

Akumīlījiwe ū SEEBA, ū Mulungu wa bakūlūgenji bise, ūyo akatūūla mhayo gītī gwenūyū ū mu ng'holò ya ntemi, kūlwa kwībeeja chiza gīko ī numba ya ng'wa SEEBA īyo īlī mu Yelusalemu.

Nehemia 5:19

Mulungu wane, nizūkagwe kūnīītīla yawiza kūlwa yose īyo nabīītīla a banhū benaba.

Nehemia 6:14

Mulungu wane, ng'wizūkagwe ū Tobia nū Sanibalati, kūlwa mihayo īyo bīyītile yenīyo; pyī nū ng'hangi nkīma ū Noadia, na a bahangi a bangī abo balī na ng'hūmbū ja kūnogohya.

Nehemia 7:4

Gwike ū nzengo gwalī ntaale no, alīyo a banhū ba kwikala moi baalī bagehu, nī numba jalī jitaalī ū kūzengwa.

Nehemia 7:64

A benaba bakagakooba no a mina gabo ū mu kwihela kwa shandīkwa, alīyo batagapandīkile. Hūna lūūlū būkomanyiwa bīnjiwa ū ng'wigelè lya bagabīji, būbalwa kūbiza balī basoso.

Sumo 2:6

Nguno ū SEEBA akinhaga masala, ū mu nomo gwakwe būkafumaga būmani na witegeleja.

Sumo 3:6

Ū mu kashimīzīle kako kose ntongejage we, nang'hwe akūjigoloola ī nzīla jako.

1 Bakolinto 15:10

Alīyo kūlwa shigongo sha ng'wa Mulungu nalī gīt'ūmo nalī, hama ī shigongo shakwe ū kūlī nene shitagelelile kūcha mpandagīlo. Nakūtūmamaga kūbatinda pye, gwike nahene natī nene; alīyo shigongo sha ng'wa Mulungu īsho shilī hamò na nene.

2 Bakolinto 3:5

Ītī gīkī a bise twigeleelilwe kūbalīlwa mhayo gose gose gīkī gūlī gwise gwa benekīlī; ū būdūla wise būfumile kūlī Mulungu.

2 Bakolinto 8:16

Hūna lūūlū, ū Mulungu alūmve, ūyo akang'winha ū Tito moyo gwa kwifunya kūlwa nguno ying'we.

Bakolose 1:29

H'ī nguno yene nakūtūmamaga milīmo midito gīt'ūmo būlī ū būdūla bokwe ūbo būkūtūmamaga mulī nene.

Yakobo 1:16

Yaya ū kūlemva lemva badūgū bane batogwa;