Nehemia 7:4 - Bibilia Ilagano Lya Kale 2015

⁴ Gwike ū nzengo gwalī ntaale no, alīyo a banhū ba kwikala moi baalī bagehu, nī numba jalī jitaalī ū kūzengwa.

Nehemia 7:4 Iomraidhean Croise

Nehemia 11:1

Hūna lūūlū a batongeeji ba banhū būkikala mu Yelusalemu; a banhū a bangī pye a bose būyūtūlīja mbale, būlī munhū w'ikūmi waja kwikala Yelusalemu, mu nzengo ng'wela; abo kenda bikale ū kū mizengo ī yīngī.

Nehemia 11:2

A banhū babalūmbīlījaga no abo bifunyaga boi benekīlī ū kūja kwikala ū mu Yelusalemu.

Nehemia 7:3

Nūbawīla, “Yaya ū kūyūlugūlwa ī mibita ya Yelusalemu kūshisha lyanagalūka ī līīmi. A balang'hani ba ha milyango ya ha mibita ūlū bataalī balang'hanile bawīlagi gīkī ī milyango īyikala īlugalilwe na kūpagījiwa. Nīyo a balang'hani basolanhyagi kūfuma mu bikaji ba mu Yelusalemu; būlī kwipandī īlo ahelelilwe, na būlī ng'wene kwilola na kaya yakwe.”

Nehemia 7:5

Hūna ū Mulungu wane ūnitūūlīla iganiko ū mu ng'holò yane, lya kūbakuminga pye a banhū a bataale bataale, na a batongeeji; na a banhū a bangī dūhū, gīkī bandīkwe kūlondeela ndūgū ja kaya jabo. Nūshibona ī shitabo sha kwihela kwa ndūgū ja banhū abo baalī batonga ū kūshoka. A mina ayo nakagapandīka ayo gaalī gandīkilwe mo gaalī aya:

Isaya 58:12

A banhū bako bakūgazenga būpya a makambūkīle ga kale, nī misingi ya myaka ya kale bakwīgūngūmūla hangī; hūna lūūlū ū bebe ūkwinhwa lina lya, Mūūcha wa Ndugu jikambagūkile, na Nshosha wa būpya wa magūngūli ga kwikala mo banhū.

Matayo 6:33

A bing'we bene būkoobagi tame ū būtemi bokwe nū būtūngīlīja bokwe, ishingi i shene mukongejiwa.