Nehemia 7:2 - Bibilia Ilagano Lya Kale 2015

² Ū Hanaani ū ng'wanong'wise nūntūūla kūbiza ntaale wa nzengo gwa Yelusalemu, hamò na Hanania ūyo walī ntaale w'ibità lya bashilikale ba mu nzengo, nguno walī ntūngīlīja hangī munhū walogohano kūlī Mulungu kūtinda ūmo baalī a banhū a bingī.

Nehemia 7:2 Iomraidhean Croise

wandījo 42:18

A ha lūshikū lwa kadatū lwaho, ū Yosefu ūbawīla gīkī, “Bing'we ītagi gūyū mhayo hū mukwikala bapanga, nguno ū nene nang'ogohile Mulungu.

2 Sang'weli 23:3

Ū Mulungu o ng'wa Isilaeli akayomba; ūyo alī Shiganga sha ng'wa Isilaeli ūniwīla gīkī, ‘Ū nsugi ūlū ūbasuga a banhū mu būtūngīlīja, ūlū akūbasuga mu logohano lwa ng'wa Mulungu;

1 Batemi 18:12

Ū nene ūlū nalīnge a henaha natamanile ū Moyo o ng'wa SEEBA akūkūbūūcha akūtwale halī. Hūna ūlū nūja kūng'wīla ū Ahabu gīkī ūlīho aha alīyo wiza ūkūgayiwa, akūnibūlaga! Alīyo ū nene ntūmami wako nalī namya o ng'wa SEEBA wa shikū jose kūfuma ha būyanda wane.

1 Batemi 18:3

Nose ū Ahabu ūng'witana ū Obadia ūyo walī ntaale wa kahelele ka milīmo ya ng'wikūlū, (ū munhū ng'wenūyo, ū Obadia walī na logohano lūtaale ū kūlī SEEBA.

Nehemia 1:2

Ūmò wa baana bang'wise, lina lyakwe Hanaani, wiza na banhū balebe kūfuma kū sī ya Būyudaya. Hūna nūbabūūja ūmo balīīla a Bayudaya abo baalī bapūlūgūka ū kūsaamiwa, nī mihayo ya nzengo gwa Yelusalemu.

Nehemia 10:23

Hoshea, Hanania, Hashubu,

Nehemia 13:13

A ha nīmo gwa kūshilang'hana ī chumba sha kūbīkīla shikolo nūbatūūla hoi ba Shelemia ū ngabīji, na Sadoki nangi wa shilagīlo, na Nawī ūmò lina lyakwe Pedaya. Ū ngunanhi wabo nūnsola Hanaani, ng'witūnja o ng'wa Zakuli, ng'wana Matania; nguno a banhū benaba baalī bamanīkile gīkī badūgije kūsanyiwa. Hūna lūūlū binhwa ū nīmo gwa kūyūbagabīla a bichabo ī shikolo shenīsho.

Nehemia 2:8

Napandīke na nyalūba ya kūntwalīla ū Asafu, ū nang'hani w'ipoolu lya ntemi, anizunīlīje kūpandīka mitī kūlwa migamba, ya kūtūūla ha mibita ī ya ha ndugu īyo īpīndīlīgije hekalu, na kūlwa ndugu ya nzengo, na kūbeeja numba īyo nalikale ū nene.” Ū ntemi ūnizunīlīja īyo nakīlomba, nguno ū nkono gwawiza ū go ng'wa Mulungu wane gwalī hamò nane.

Nehemia 5:15

Alīyo a basugi abo baalī batongi aho nataalī ū nene, baalī babaseseja a banhū nigo ndito no, nguno nūūlū īkī bapandīkaga ī shilīwa nī divai, alīyo a higūlya ya yenīyo, bahadīkījaga kwinhwa na shipande shitanò sha feza. Na a bagunanhi babo nabo babakoyaga no a banhū; alīyo ū nene natīītile ī yenīyo kūlwa nguno naalī nang'ogohile Mulungu.

Nehemia 7:3

Nūbawīla, “Yaya ū kūyūlugūlwa ī mibita ya Yelusalemu kūshisha lyanagalūka ī līīmi. A balang'hani ba ha milyango ya ha mibita ūlū bataalī balang'hanile bawīlagi gīkī ī milyango īyikala īlugalilwe na kūpagījiwa. Nīyo a balang'hani basolanhyagi kūfuma mu bikaji ba mu Yelusalemu; būlī kwipandī īlo ahelelilwe, na būlī ng'wene kwilola na kaya yakwe.”

Ayubu 1:1

Walīho munhū wikalaga mu sī ya Uzi, ī lina walī walī Ayubu; ū munhū ng'wenūyo walī ntūngīlīja, hangī atī na shilingo; nīyo walī na logoohano ū kūlī Mulungu, hama ū būbi walī atatogilwe nūūlū kwiyegeela nabo.

Zabuli 101:6

A miso gane gakwikala nabo a basanyiwa ū mu sī, badūle kwikala hamò nane; ū wa nhūngwa jitī na shisembo, h'ūyo akūnitūmamīla.

Kūfuma 18:21

Alīyo ū mu banhū benaba, solanhyaga banhū ba būdūla, banhū abo bang'ogohile Mulungu hangī basanyiwa, na balemile kūhongwa. A benabo hū batūūlage babize bataale ba mabità ga banhū, ū wa shihūmbī, ū w'igana, ū wa makūmi atanò, na a b'ikūmi ikūmi.

Danyeli 6:4

Ū mu shikū jenījo a batongeeji na a basugi būyūgema kūbeeja nzīla gīkī bapandīke nguno ya kūmūūlīla ū Danyeli kūbītīla mu mbika ya katūmamīle ka milīmo yakwe ū mu selekali, alīyo batadūgije. Batamonile na būbi bose bose, nguno ū wei walī munhū nsanyiwa jigi, walī atī na nkono nīhu, nūūlū būtūdīlīla.

Kūbala 12:7

Alīyo ītī gīko ū kūlī ntūmami wane ū Musa; ū ng'wene nsanyiwa gete ū mu numba yane ī yose.

Matayo 24:45

“Ī gīsī, nsese kī ū nsanyiwa na ng'witegeleja, ū wa kūtūūlwa na ise būgonzo ha būtaale bo kaya yakwe, gīkī ayūbagabanhya banhū ba ha ng'wakwe būlī ng'wene shilīwa shakwe ng'wikanza īlo ligeleelilwe?

Matayo 25:21

Ū ise būgonzo ūng'wīla, ‘Būgatū ū bebe ūlī nsese wawiza na ntūngīlīja. Īkī wabizile ng'wishigwa mu shigehu nakūkūtūūla higūlya ya shikolo shingī, ingīlaga mu būyegi bo ng'wa so būgonzo.’

1 Bakolinto 4:2

Ūyo gūgongilwe ho a henaho gūlī gīkī, būlī milisīlwa abize nsanyiwa.

2 Timoteo 2:2

Ī mihayo īyo waniigwaga nakwīhayaga kū būtongi bo banhū bingī, binhage banhū basanyiwa, abo nabo badūgije kūbalanga bangī.