Nehemia 7:1 - Bibilia Ilagano Lya Kale 2015

¹ Aho yamala ū kūzengwa ī ndugu, nī milyango yaho nūmala ūkwītūūla būlī gwene h'ipandī lyago, hūna būsolwa balang'hani ba ha milyango na a bīmbi, na a Balawī.

Nehemia 7:1 Iomraidhean Croise

2 Batemi 7:10

Na lūūlū būja ng'hana būkabahamukīla a balang'hani ba ha mita gwa nzengo; būbawīla, “Twashika ū kū ng'hambī ya Baalamu, alīyo ndūhū ko munhū nūūlū ūmò, nūūlū kwigwa ilaka lya munhū ose ose ndūhū; twabona dūhū falasa na nzobe jitungilwe, na a maheema gaalekilwe gīko dūhū ūmo galī.”

2 Mihayo ya Shikū 31:2

Ū Hezekia ūbatūūla a bagabīji na a Balawī būlī bene mu magele gabo na milīmo yabo, a bagabīji magele gabo na a Balawī magele gabo; kūlwa kūfunya shitambò sha kūpemvwa na shakwinha sha kūlūmba, na kūkumīlīja, na kwīmba mīmbo ga kūgongoola ha mibita y'ipandī lya kwikala lya ng'wa SEEBA.

Ezila 3:8

Ū mu ng'waka gwa kabīlī kwīngīīla aho bakashikīla ī Yelusalemu ū kū numba ya ng'wa Mulungu, ū mu ng'weji gwa kabīlī ū Zelubabeli ū ng'witūnja o ng'wa Salatieli, nū Yoshwa ū ng'witūnja o ng'wa Yozadaki, bakagwandya ū nīmo hamò na badūgū babo a bangī a bagabīji, na a Balawī, na a bangī abo baalī biza Yelusalemu kūfuma ūko baalī basaamījiwa. Būbasola a Bagabīji ba kwandīja ha myaka makūmi abīlī na kūja kwigūlya, bagūdime ū nīmo gwa kūwīmīīla ū būzengi wa numba ya ng'wa SEEBA.

Nehemia 10:39

A Baisilaeli hamò na a Balawī shibigelile kwenha ū būsoogi wabo ū mu chumba sha kūbīkīla shikolo, ūko shikabīkagwa ī shikolo, ūko bakikalaga a bagabīji ūlū balī na lūdīīma, na a balang'hani ba ha mibita, na a bīmbi; bayenha būsīga nī shilīwa ī shingī, nī divai mhya, na maguta. Tūtīlekanīja ī numba ya ng'wa Mulungu wise.”

Nehemia 11:3

Aba bandīkilwe aha h'a batongeeji abo bakikala mu Yelusalemu, alīyo ū mu mizengo ī yīngī ī ya mu Būyudaya, a Baisilaeli bikalaga ū mu mizengo yenīyo būlī ng'wene h'itongo lya ng'wawe. Baalīho bagabīji, Balawī, batūmami ba mu hekalu, na a banhū ba shibyalīlwe sha batūmami ba ng'wa Solomoni.

Nehemia 12:24

A batongeeji ba Balawī baalī Hashabia, Shelebia, Yeshua ng'witūnja o ng'wa Kadimieli, na a baana ba ng'wabo abo bīmīīlaga bilolelile ng'wikanza lya kūkumīlīja na kūfunya būlūmbi, būl'igelè līkwīmbaga mu kwiyinhīlīja nī lichalyo, ūmo walī wahelela Daūdi munhū o ng'wa Mulungu.

Nehemia 6:1

Ū Sanibalati nū Tobia, nū Geshemu, na a Balabu, hamò na banishi bise a bangī aho bawīlwa gīkī nīzengile būpya ī ndugu, na gīkī twīchibile pye ūmo yalī īhomagūkile, nūūlū īkī kūshika ikanza lyenīlo naalī nataalī ū kwītūūla ī milyango a ha mibita,

Nehemia 6:15

Hūna lūūlū ū nīmo gwa kwīzenga ī ndugu gūshila mu lūshikū lwa makūmi abīlī n'itanò ng'weji gwa Elūli; gūbiza gwasola ikanza lya shikū makūmi atanò n'ibīlī.

Nehemia 6:19

Hama a higūlya ya yenīyo, bikalaga bakūniwīlaga ī ya wiza bokwe; hūna nū wei baja kūng'wīla īyo nīhayaga, hūna ū Tobia wanitūmīla nyalūba ja kūnikanga.