Nehemia 6:9 - Bibilia Ilagano Lya Kale 2015

⁹ Ī ng'hūmbū jabo a banhū benabo pye a bose jalī kūtūkanga; nguno biganikaga, “Tūbolohye a makono gabo gagayī ī nguzu, balemeelwe ū kūgūshikanya ū nīmo.” Ee SEEBA Mulungu, gaguzuhyage a makono gane.

Nehemia 6:9 Iomraidhean Croise

2 Mihayo ya Shikū 15:7

Alīyo a bing'we bizagi na nguzu, mutizūgwa ng'holò; nguno ī shītīle shing'we shilī na mheela.”

2 Mihayo ya Shikū 32:18

Kwimanīla babahamukīla mu lūlīmi lwa Shihebulania a banhū abo baalī bazengile bbihī nī ndugu ya Yelusalemu, gīkī babogohye, bandye kūdetema; badūle kūgūdima ū nzengo.

Ezila 1:6

Hūna pye a bazenganwa babo būyūbagunanha, būbinha shikolo sha feza na sha zahabu, na shikolo shingī, hamò na mitugo na shakwinha shingī sha mpango ntaale, a higūlya ya shose īsho shikafunyiwa mu nzīla ya wiyaabī.

Nehemia 6:14

Mulungu wane, ng'wizūkagwe ū Tobia nū Sanibalati, kūlwa mihayo īyo bīyītile yenīyo; pyī nū ng'hangi nkīma ū Noadia, na a bahangi a bangī abo balī na ng'hūmbū ja kūnogohya.

Zabuli 138:3

Aho nakitana ūkaniidīka, ūninha nguzu ū mu ng'holò yane.

Zabuli 56:3

Ūlū nalī ng'wikanza lya kūkoyiwa boobà, nakūkwisagilwa bebe.

Zabuli 68:35

Ee Mulungu, ūlī wa magaka ū ng'wipandī lyako lyeela; ū Mulungu wa Isilaeli hū ng'wene akabinhaga būdūla na nguzu banhū bakwe. Akumīlījiwe ū Mulungu wise.

Zabuli 71:1

Nalīpeelela kūlī bebe, Ee SEEBA; ūtizūnileka nakagooka nūūlū hado.

Isaya 40:29

Akabinhaga būdūla a baseedeeku, na a bagokolo akabongejaga ī nguzu.

Isaya 41:10

Yaya ū kogoha, ū nene nalī hamò nang'ho, lekaga ū kwiganīlīja, nguno ū nene nalī Mulungu wako. Nakūkūguzuhya, hama nakūkūguna; nakūkūdima na nkono gwane gwa būlyo, nkono gwa būtūngīlīja.

Yelemia 38:4

Hūna lūūlū a basugi benabo būng'wīla ū ntemi, “Ū munhū ng'wenūyū shiigelile abūlagwe, nguno a bashilikale abo basaagīīlile ū mu nzengo gwenūyū na a banhū a bangī pye a bose alībagwisha ng'holò, kūlwa mamihayo gakwe ayo akwikalaga ūbawīla. Ū munhū ng'wenūyū atūbakoobelaga misoga a banhū benaba, ūlū ītī kūbakoobela makoye dūhū.”

Ezekia 30:24

A makono ga ntemi wa Babuloni nakūgaguzuhya, natūūle lūshū lwane ū mu nkono gwake; alīyo a makono ga ng'wa Falao nakūgabīnza, akūng'oola ū kū būtongi bokwe gītī munhū alabūkile ha taale.

Zakalia 10:12

Nakūbaguzuhya mulī SEEBA, na bakūshimīza mu būdūla kūlwa lina lyakwe. Alīhaya SEEBA.

2 Bakolinto 12:9

Alīyo ūniwīla gīkī, “Ī shigongo shane shikwigelile, nguno ū būdūla bone būkashikanaga mu būgokolo!” Hū kūhaya ū nene nakongeja kwikumīlīja kūlwa kūbūyegela ū būgokolo bone, gīkī ū būdūla bo ng'wa Kilisito bongeje kwikala ū mulī nene.

Baefeso 3:16

Nakūnombaga gīkī ūmo būsabi w'ikūjo lyakwe, amuguzuhye na nguzu ja ng'wa Moyo wakwe ū mu būmunhū wing'we ū bo mu gatī.

Baefeso 6:10

Hūna lūūlū, ū gwa kūmalīja gūlī gīkī, handatīlagi ū mulī Seeba nū mu nguzu ja būdūla bokwe.

Bafilipi 4:13

Nadūgije kwīyīta pyī ī yose mulī we ūyo akaniguzuhyaga.

Bahebrania 12:12

Hūna lūūlū, gaguzuhyagi a makono a manogoleku, na a mazwi ayo gayogomile.

1 Petro 5:10

Alīyo ūlū ng'ūlīkalīcha ī likanza lya kūluhiwa īlī, ū Mulungu wa shigongo shose, ūyo ang'witanile a bing'we mulī Kilisito gīkī ng'wingīle ng'wikūjo lyakwe lya shiku jose, wei ng'wenekīlī akūmushikanya, amujaamye na kūmuguzuhya mudūle kūhandatīla.

1 Sang'weli 30:6

Ū Daūdi akakoya no, nguno a banhū bakwe būyiwīla gīkī bamponde mawe; būlī munhū walī na būsūngū būtaale no ū mu moyo kūlwa nguno ya baana bakwe bagosha na bakīma. Alīyo ū Daūdi ūpandīka nguzu kūfuma kūlī SEEBA Mulungu wakwe.