Nehemia 6:8 - Bibilia Ilagano Lya Kale 2015

⁸ Nane nūntwalīla ishosho nūng'wīla, “Īyo ūlīyīhaya yenīyo ītīho, mamihayo ga kūfuma mu ntwe gwako dūhū a genayo.”

Nehemia 6:8 Iomraidhean Croise

Nehemia 6:7

Hūna lūūlū witūūlīlile bahangi ū mu Yelusalemu, bakūhangaga kūlwa nguno yako; bakūhayaga gīkī, ‘Alīho ntemi ū mu sī ya Būyudaya!’ Alilūūlū, ū mhayo gwenūyū gūkūshika ū kūlī ntemi, na lūūlū nzūgū tūgūhooyele.”

Ayubu 13:4

Alīyo a bing'we mulīnibabaata na mabūlomolomo ging'we, mulī bafumu batī na ngofyoolo, bose pyī mulī gīko!

Zabuli 36:3

Ī mihayo ya mu nomo gwakwe mibi no, hangī ya būlomolomo; atī na masala, atadūgije kwīta mitengeke.

Zabuli 38:12

Abo bakūbūkoobaga ū būpanga bone, a bene balīyūnitega mitego yabo, hama abo balī na ng'hūmbū ja kūnigulaja a mahooya gabo galī mu kūnikenaagūla; līīmi ji bakūnidoselaga ya būlomolomo dūhū.

Zabuli 52:2

Ūlī koolī mu kūbeeja long'we ja būkenaagūji, ū lūlīmi lwako lūkikalaga lūnoolile gītī lūgembe, lūmanīīlile kūhela ya būmaama.

Isaya 59:4

Atīho ūyo akahayaga īgoloolile, nūūlū mu mabanza atīho ūyo akīmīīlaga ha ng'hana; basendamīlile mihayo midūhū na kūmanūyomba būlomolomo; bakabūūchaga nda ja malofu, babyala mayanga.

Danyeli 11:27

A batemi būbīlī wabo benabo ī ng'holò jabo jokalile būbi, alīyo bakwigasha ha meza īmò bamanilembagūla; gwike nahene ndūhū solobo, nguno ī ngelelo shiigeleile yize kūlenganīla nī likanza īlo lītūūlilwe.

Matayo 12:34

Bing'we būbyīle wa nzoka, mudūgije ginehe ū kūhaya mihayo mitengeke alīyo a bing'we benekīlī mulī babūbi? Nguno ū nomo gūkayombaga īyo yokalile mu moyo!

Yohana 8:44

A bing'we mulī ba ng'wa sīng'we Shetani, h'ī chene mutogilwe ū kwīta gīt'ūmo kūlī ū kwikūmva kwa ng'wa sīng'we. Ū wei alī mūlagi kūfuma kale na kale, na hangī atīmīīlaga a ha ng'hana, nguno ū mulī wei ītīmo ī ng'hana. Ūlū ūhaya būlomolomo numho alīhaya īyo īlī mulī we, nguno nomolomo, na ise wa būlomolomo.

Shītwa 25:10

Nang'hwe ū Paulo ūhaya, “A henaha nīmīīlaga kū būtongi w'ibanza lya ng'wa Kaisali, aho hanigeleelilwe kūlamulīlwa. Ū bebe ng'wenekīlī ūmanile hape gīkī natabakenije mhayo nūūlū gūmò a Bayudaya.

Shītwa 25:7

Aho washika, a Bayudaya abo baalī biza kūfuma Yelusalemu, bandya kūsomboola mihayo mingī nīyo midito, ya kūmūūla; alīyo nahene būlemeelwa ū koolecha ū būng'hana wayo.