Nehemia 6:6 - Bibilia Ilagano Lya Kale 2015

⁶ yandīkilwe gīkī, “Gwakumūkile ū mu banhū ba mahanga gwa gīkī, ū bebe na a Bayudaya mutogilwe kūgoma; nīyo nū Geshemu alīhaya gīkī ū mhayo gwenūyo gūlī chene ng'hana. H'ī nguno yene mulīyīzenga ī ndugu, hama ū bebe ūlī na ng'hūmbū ja kūbiza ntemi wabo.

Nehemia 6:6 Iomraidhean Croise

Ezila 4:12

Alilūūlū, ū ntemi ni ikalage amanile gīkī, a Bayudaya abo baafumile kūlī bebe kwiza kūnū tūlī, baajile Yelusalemu. Nīyo bandije kūgūzenga hangī ū nzengo gwenūyo; alīyo hū gwabūbi gete, hangī ngomi gwa bagomi. Balīyīzenga ī ndugu kūnū bībeegeleja nī misingi.

Ezila 4:15

Wītwe būgīsīlīja bo ng'hana ū mu shitabo īsho shandīkwa na a bataale bako. Ū mu mihayo īyo yandīkilwe ūkūbona hape gīkī ū nzengo gwenūyū nambu no, hama gūkabakoyaga no a batemi na a basugi ba sī ījo jigūsugile. Nīyo kūfuma kale gūlī na nzīla ja kūbagomisha a banhū; h'ī nguno yene ū nzengo gwenūyū nose gūkakenaagūlwa gete.

Nehemia 2:19

Alīyo ū Sanibalati, ū muna Holoni, nū Tobia, ū muna Amoni ūyo walī ntūmami, hamò na Geshemu, ū Ng'walabu, aho bigwa gīko bandya kwiyineenelegeja bakūtūsekaga mu būdalahi. Būyūhaya, “Mulīīta nīmo kī ū gwenūyū? Mulīngomela ū ntemi a bing'we?”

Nehemia 6:13

Walī wahongwa gīkī anikange nilalīle, nīīte shibi mu nzīla yenīyo; bapandīke nzīla ya kūnibila isū lyabūbi badūle kūnisondagūla.

Nehemia 6:5

Nose ū Sanibalati ūtūma ntūmami wakwe, wiza abūkije nyalūba mu nkono, alīyo yalī itakundīkīgije;

Nehemia 6:7

Hūna lūūlū witūūlīlile bahangi ū mu Yelusalemu, bakūhangaga kūlwa nguno yako; bakūhayaga gīkī, ‘Alīho ntemi ū mu sī ya Būyudaya!’ Alilūūlū, ū mhayo gwenūyū gūkūshika ū kūlī ntemi, na lūūlū nzūgū tūgūhooyele.”

Yelemia 20:10

Nakwigwaga bingī balīhwehweta, “Būlī kwene līlīho lyogohya! Mūūlagi! Bing'we, tūmūūlagi!” A banwani bane pye a bose baabizilikala banilindīīlile nahūbe, būlī gwa bakwiwīlaga; “Ū ng'wenūyū atūdīīla ū kūgwa ū mu būbi, tūkūng'heeba dūhū tūūmalīle shiilī.

Matayo 5:11

“A bing'we mulī na lubango ūlū bakūmusondagūlaga na kūmuluhya, na kūmulembekeja ya būbi bo būlī mbika kūlwa nguno yane.

Luka 23:2

būūkandya kūmūūla balīhaya gīkī, “Ū ng'wing'wana ng'wenūyū twamonile akūlīhūbyaga ī lihanga lise; hangī nīyo akūbalemejaga a banhū nū kūtoba ī goodi ya ng'wa Kaisali, akwigīmbaga gīkī ū wei Kilisito, angū nang'hwe ntemi ī gīko!”

Yohana 19:13

Ū Pilato aho wīyigwa ī mihayo yenīyo ūmfunya hanze ū Yesu, wigasha h'isumbī lya kūlamulīla, lyalī ng'wibīndo lya mawe (ū mu Shihebulania litanwa Gabata).

Balumi 3:8

Nibūlī natizūhaya ūmo bamò ba basondagūji bise bakūtwilembekejaga gīkī tūkūhayaga, “Twītagi dūhū ī shibi, īkwilonga mo ī misoga!” A benabo ū nsango gwabo gūtūngīlīgije!

2 Bakolinto 6:8

Ībize mu kūkumīlījiwa na mu kūdalahījiwa, mu kūsondagūlwa na mu kūhayiwa chiza, nūūlū mu kūbalwa gīkī tūlī balomolomo, alīyo tūlī batūngīlīja.

1 Petro 3:16

Gwike mubize na widohya hamò na logohano, hangī mubize beela ū mu myoyo ying'we; nūūlū bakigela banhū ba kūmuhaya kībi mu kūkasondagūla a kajīle king'we a kawiza ū mulī Kilisito, bayūding'wa minala.