Nehemia 6:2 - Bibilia Ilagano Lya Kale 2015

² ū Sanibalati nū Geshemu būnitūmīla nhūng'wa balīhaya gīk, “Nzūgū tūmanhīje kwigūngūli līmò lyaho lya mu mbūga ya Ono.” Alīyo baalī n'iganiko lya kūnīītīla yabūbi.

Nehemia 6:2 Iomraidhean Croise

2 Sang'weli 20:9

Hūna ū Yoabu ūndima ū Amasa kū ndezu na nkono gwakwe gwa būlyo gītī alīhaya kūmbipa.

2 Sang'weli 3:27

Ū Abuneeli aho washoka, ū Yoabu ūmpūnja ha mhūjo, begeela ha gatī gatī ya mita, gītī alīhaya kūhoya nang'hwe mu mbisīla. Aho balī henaho, ū Yoabu ūnyugūūla ū Abuneeli līlūshū lwa mu nda, kūlwa kūmala shiilī nguno ya kūmūlaga nzunaye Asaheli, ū Abuneeli ūchīla henaho!

1 Mihayo ya Shikū 8:12

A bitūnja ba ng'wa Elipaali baalī: Ebeeli, Mishamu, Shemedi; (ū ng'wenūyo h'ūyo akazenga Ono na Lodi, hamò nī mizengo ya bbihī-bbihī kwenūko).

Nehemia 11:35

Lodi na Ono, na kū longa lwa batūmami ba milīmo.

Nehemia 3:22

A bagabīji abo bikalaga kū mizengo ya hanze, nabo būzenga kwandīja aho akalebela ū ng'wenūyo.

Nehemia 6:3

Nūbatūmīla nhūng'wa nalībawīla, “Ū nene nalī na nīmo ntaale no ū kūūnū, natūdūla ū kwiza ū kwenūko; nibūlī nize kūhooya ning'we kwenūko, nagūleke ū nīmo gwīmīīle?”

Zabuli 12:2

Būlī ng'wene nomolomo kūlī nzenganwa ng'wiye, Ī milomo yabo yokalile mihayo ya būbboodeleja, na kwikala bakūyombaga ya kūlembagūla banhū.

Zabuli 37:12

Ū munhū wa malofu akang'helelaga mibi ū ntūngīlīja, na akang'wilumīlagwa ng'haya.

Zabuli 37:32

Ū nkenaagūji akangomhaga ū ntūngīlīja, Ī ng'hūmbū jakwe jilī gīkī amūlage;

Nomeji 4:4

Hama hangī nūbona gīkī gashi pyī ī milīmo nū būmani bo kūbeeja shikolo būkenhelejiagwa na munhū kūng'wītīla wilu nzenganwa ng'wiye. Ū gwenūyū nago gūtī na solobo, īlī kūpeeja lūyaga dūhū.

Yelemia 41:2

Kwimanīla ū Ishimaeli ng'wana Netania wabūūka hamò na a banhū ikūmi abo walī nabo, būnchimagūla shū ū Gedalia ng'wana Ahikamu, ū ng'wizūkūlū Shafani; būmūlaga ū munhū ūyo walī watūūlwa na ntemi wa Babuloni kūbiza nsugi wa sī yenīyo.

Ezekia 33:31

Na ng'hana a banhū bane bakizaga gīt'ūmo bakizīlaga dūhū, ūlū bashika bakigashaga kwīdegeleka ī mihayo yako. Alīyo batītūmamīlaga na hado yaya. Ū bo hanomo bakoolechaga būtogwa būtaale no, alīyo ī ng'holò jabo jilī na būloso būtaale no kū shikolo sha kūpandīka mu nzīla ja būnyecha.