Nehemia 6:12 - Bibilia Ilagano Lya Kale 2015

¹² Nakadeeba gīkī ū munhū ng'wenūyo walī atatūmilwe na Mulungu, alīyo wanihangīlaga ū būhangi wenūbo kūlwa nguno ya ng'wa Tobia na Sanibalati abo baalī bangodisha.

Nehemia 6:12 Iomraidhean Croise

Nehemia 6:11

Alīyo nūhaya, “Ū nene ng'wenūyū napeele gete? Nūūlū ū munhū wa kūbiza gītī nene ūpeelela mu hekalu kūlwa kūhaya kūpīja būpanga bokwe? Natingīlaga mo ū nene ū ng'wenūmo!”

Nehemia 6:13

Walī wahongwa gīkī anikange nilalīle, nīīte shibi mu nzīla yenīyo; bapandīke nzīla ya kūnibila isū lyabūbi badūle kūnisondagūla.

Isaya 56:11

Babange gītī mvwa ndaku, Ījo jitigūtaga nūūlū hado. A benabo badīīmi batī na witegeleja nūūlū būdo; bose pye balī mu nzīla jabo dūhū, būlī ng'wene akwikoobelaga solobo yakwe we ng'wenekīlī.

Yelemia 14:14

A henaho ū SEEBA ūniwīla, “A bahangī bakūhangaga mihayo ya būlomolomo mu lina lyane. Ū nene natīnabatūma, nūūlū kūbasola kūlwa nīmo gwenūyo nataalī; pyī nūūlū kūlūngalūnga nabo dūhū yaya. Bakūmuhangīlaga ya koolekegeje ka mihayo ītīho, būmanīja ūbo būtī na gwa kūpya, na ya mu maganiko gabo ga kūlembagūla banhū.

Yelemia 23:16

Ū SEEBA wa mabità alīhaya gīkī, “Yaya ū kwīdīlīla īyo bakūmuhangīlaga a bahangi; nguno bakūng'okajaga wisagīja bo mihayo ya nyalomolomo. A benabo bakahayaga mihayo ya shakoolechiwa sha kūfuma mu maganiko gabo dūhū; ītī kūlī SEEBA.”

Yelemia 23:25

Nakīyigwaga ī mihayo īyo bakīyombaga a bahangi abo bakahangaga būlomolomo mu lina lyane bakūhayaga, “Naalootaga shilooti! Naalootaga shilooti!

Yelemia 28:15

A henaho ū ng'hangi Yelemia ūng'wīla ū ng'hangi Hanania gīkī, “Bebe Hanania, alidegelekaga! Ū SEEBA atakūtūmile, alīyo ī haha walīhūmbūūlaga pyī ī lihanga mu nzīla ja kūsanya mihayo ya būlomolomo.

Ezekia 13:19

Mukwenhelejaga nayūsondagūlwa mu banhū bane kūlwa kwanukūla tūbūsīga twa mheela mu lūpī, na tūlūgūkūlū twa ngatī. Mukūbalembagūlaga abo bakadegelekaga ya būlomolomo, ng'wayūbabūlaga abo batigeleelilwe kūcha, ng'wabaleka abo batigeleelilwe kwikala mhola.

Ezekia 13:22

A bing'we mukūbagwishaga ng'holò a batūngīlīja kūlwa būlomolomo wing'we, nūūlū aho nataalī kūbenhela ya kūbapīnīhaja. A babūbi mukūbinhaga lūgiili giili, baalemeelwa ū kūgalūka bīnge ū mu nzīla jabo ī jabūbi gīkī bipīje ū būpanga wabo.

Ezekia 13:7

A bing'we mutabonaga shakoolechiwa sha nyalomolomo na kūfunya būchūja bo kūlembagūla ūlū ng'wayūhaya, “Ū SEEBA alīhaya gīkī na gīkī alīyo natayombile?”

Mika 3:11

A batongeeji baamo bakalamulaga kūlwa kūhongwa, a bagabīji baamo bakalangaga kūlwa kwinhwa mheela, na a bahangi baamo bakahangaga kūlwa kwanukūla hela. Alīyo bakansendamīlaga SEEBA kūnū bakūhayaga, “Ū SEEBA atī hamò nise? Ndūhū gwabūbi gwa kūtūgwīla.”

Shītwa 20:33

Ū nene natikūmbilwe na hado yaya hela ja ng'wa munhū ose ose, nūūlū sabo jingī, nūūlū ni shizwalo dūhū yaya.

1 Bakolinto 12:10

Na ūngī kwīta milīmo ya būdūla, ūngī būhangi, ūngī kwīyitegeleja myoyo, ūngī mbika ja ndīmi, ūngī būdūla bo kūshomeleja ndīmi.

1 Bakolinto 2:15

Nīyo ū munhū ūyo akatongeelagwa na Moyo, adūgije kwīyitegeleja pyī ī mihayo, alīyo ū wei atīko kwitegelejiwa na ose ose.

1 Timoteo 3:3

Atizūbiza nkolwa wa shikoji nūūlū ntūji wa banhū, alīyo abize ng'wiyūmīlīja, atī nyombo, atī ng'wikūmvi wa sabo.

Tito 1:7

Nguno ū nang'hani wa kanisa ng'wene mīkījiwa o ng'wa Mulungu, hūna lūūlū shing'wigelile abize atī na shilingo, atī wa kwiyeja wei ng'wenekīlī dūhū. Atī ng'wangū kūpelana, atī nkolwa walwa, atī ntūji banhū, nūūlū atī nchooji wa shikolo mu nzīla ja minala.

1 Petro 5:2

Līdīīmagi ī lidale lya ng'wa Mulungu, īlo līlī mu makono ging'we. Ītī kūlwa kūhadīkījiwa, alīyo mu kwifunya gīt'ūmo Mulungu atogelilwe. Nūūlū ītī kūlwa kwikūmva sabo ja būnyeecha, alīyo mu būyegi.

2 Petro 2:3

Na bakūyūtūmamīla mihayo mikondooku kūlwa nguno ya kwikūmva kwabo, bipandīkīla solobo; ū nsango gwabo a benabo gūtūūlilwe kūfuma kale na kale, nūgo gūtūdīla ū kūshika, nū kūkenaagūka kwabo kūtatindīlile!

1 Yohana 4:1

Batogwa, yaya ū kwizunīlīja na būlī munhū ūyo akūhayaga gīkī alī na moyo gwa kūfuma kūlī Mulungu; alīyo ng'wīgema ī myoyo ng'wabona ūlū īfumile kūlī Mulungu. Nguno ū mu sī baakwīlile no a bahangi a balomolomo.

Kukundulwa 18:13

na shisanjo sha mu shilīwa na maguta ga kwibila, na malaashi, na mvinya na maguta ga kūzugīla shilīwa, na būsu na būsīga, na ng'ombe na ng'holo na falasa na magogoteni, na mibīlī ya banhū, nū būpanga wabo!