Biblia Todo Logo
Bìoball air-loidhne

- Sanasan -




Nehemia 6:11 - Bibilia Ilagano Lya Kale 2015

11 Alīyo nūhaya, “Ū nene ng'wenūyū napeele gete? Nūūlū ū munhū wa kūbiza gītī nene ūpeelela mu hekalu kūlwa kūhaya kūpīja būpanga bokwe? Natingīlaga mo ū nene ū ng'wenūmo!”

Faic an caibideil Dèan lethbhreac




Nehemia 6:11
20 Iomraidhean Croise  

Nakadeeba gīkī ū munhū ng'wenūyo walī atatūmilwe na Mulungu, alīyo wanihangīlaga ū būhangi wenūbo kūlwa nguno ya ng'wa Tobia na Sanibalati abo baalī bangodisha.


Nūbatūmīla nhūng'wa nalībawīla, “Ū nene nalī na nīmo ntaale no ū kūūnū, natūdūla ū kwiza ū kwenūko; nibūlī nize kūhooya ning'we kwenūko, nagūleke ū nīmo gwīmīīle?”


Ī ng'hūmbū jabo a banhū benabo pye a bose jalī kūtūkanga; nguno biganikaga, “Tūbolohye a makono gabo gagayī ī nguzu, balemeelwe ū kūgūshikanya ū nīmo.” Ee SEEBA Mulungu, gaguzuhyage a makono gane.


Ū ng'wenūyo atīko kwīnjiwa nūūlū hado; ū ntūngīlīja atalīīwa welelo bose.


Ī ng'holò yakwe īlembeelile, atabbahaga, kūshisha abone ū kūpyenwa kwa banishi bakwe.


Ū nkenaagūji akabulugutaga nhambo nūūlū atīho mpeeja, alīyo a batūngīlīja bashisha ng'holò gītī shimba.


A maguta nūūlū galī na ng'waso gwawiza, ūlū jūchīla mo ngi gakanung'haga kībi; nū būchilū h'ūmo būlī, nūūlū būkabiza būdo būkakenaagūlaga masala n'ikūjo.


Būkūganogoteja pye a mapoolu gakwe nī migūnda yakwe; ī likūjo lyakwe līkūgunzagūka no, abize gītī munhū aseedeechiwe būsaatu.


Alīyo a ha nīmo gwa būgabīji, ūkūntūūla Alooni na bitūnja bakwe dūhū, ūlū ūngī ose ose wegeela a h'ipandī lyeela shiigelile abūlagwe.”


Alīyo nahene ū nene natūbūbalaga ū būpanga bone gīkī būlī na solobo ū kūlī nene, kūtinda kūlūmalīja ū lūgendo lwane, nū nīmo gwa kūkumūcha Ng'hūlū Jawiza ja shigongo sha ng'wa Mulungu, nīmo ūyo nakagwanukūla kūfuma kūlī Seeba Yesu.


Alīyo ū Paulo ūshosha ūhaya gīkī, “Bing'we mulīīta mhayo kī ū gwenūyū, mulīlīla gīkī munigwishe ng'holò? Managi gīkī ū nene natazunije kūtungwa dūhū, alīyo nūūlū kūchīla ko ī Yelusalemu, kūlwa lina lya ng'wa Seeba Yesu!”


Ū Saulo akayega no ū kūbona gīkī, obūlagwa ng'hana. Ū mu lūshikū lwenūlo ī kanisa ya Yelusalemu īkagwīlwa būluhiwa būtaale no, pye a bose būsambaala, būja ūko na ūko ū mu sī ya Būyudaya nī ya Samalia; būlekeelwa dūhū a batūng'wa.


Alīyo ī haha nūūlū būkitwa ū būpanga bone gītī shitambo na shitūmamīlo kūlwa nguno ya kūzunya kwing'we, nalī na būyegi; hangī nalīyega hamò ning'we pye a bose.


Nguno walī wendil'ūcha kūlwa nīmo go ng'wa Kilisito, akaweega ū būpanga bokwe gīkī ayīshikīlīje īyo mukalebya ho a bing'we ū mu kūnigunanha.


Akīnga ī Misili kūlwa kūzunya, ūleka ū kūbogoha ū būpelanu wa ntemi; wiyūmīlīja nguno walī wamona ūyo atabonagwa.


Ū lūshikū lwene walībūlagaga ī Līfilisiti walī wifunya gete ū būpanga wakwe; ū SEEBA ūbabeegeja būtindi būtaale no a Baisilaeli, nū bebe ūbona ūyega na kayegele kataale. Ī gīsī lūūlū mhayo kī ūyo gūlīkwenheleja ūng'wītīle būbi būtaale gīko munhū wa mhola gītī Daūdi, ūmūlage nū mhayo ndūhū?”


Lean sinn:

Sanasan


Sanasan