Nehemia 6:10 - Bibilia Ilagano Lya Kale 2015

¹⁰ Lwise lūmò nakaja kū ng'wa Shemaya ng'witūnja o ng'wa Delaya, ng'wana Mehetabeli; walī wilugalīla mu kaya yakwe. Ūniwīla, “Bebe tūjage mu numba ya ng'wa Mulungu, tūkikale mu hekalu twīlugale nī milyango ya hekalu, nguno balīho banhū balīhaya kwiza kūkūbūlaga; bakwiza ī būjikū bakūbūlage!”

Nehemia 6:10 Iomraidhean Croise

wandījo 36:39

Ū Baali-hanani ū ng'witūnja wa ng'wa Akiboli aho waacha, Hadadi ūgūsola ū nīmo gwa būtemi. Ū nzengo gwakwe gūkinhwa lina lya Pau; Ū nke wakwe witanagwa Mehetabeli, nshīke wa ng'wa Matiledi. Ū Matiledi walī nshīke wa ng'wa Mezahabu.

1 Batemi 6:5

Ūzenga na ndugu yīngī ī hanze kwīpīndīlīja ī ndugu ya hekalu ū mu kabazu nū kū numa, ūtūūla chumba shido shido sha kwīpīndīlīja ī hekalu.

2 Batemi 11:3

Hanuma ya henaho ūūkabiswa mu hekalu hamò nū neji wakwe, bikala ng'wenūmo ikanza lya myaka ītandatū; ī likanza ī lyose īlo Asalia walī ayīdiimile ī sī.

2 Batemi 9:8

Ī numba ya ng'wa Ahabu ī yose īkūyagaala, ū mu numba ya ng'wa Ahabu nakūbamala pye a bagosha; pye gete abo alī nabo ū mu Isilaeli, babize balī mu wiyaabī nūūlū basese.

2 Mihayo ya Shikū 28:24

Ū Ahazi ūshikuminga pyī ī shiseme sha mu hekalu ya ng'wa Mulungu ūshīnja, wīlugala ī milyango ya hekalu ya ng'wa SEEBA. Hūna ūzenga myalīlo būlī ha nzīla maaka ū mu Yelusalemu.

2 Mihayo ya Shikū 29:3

Ū mu ng'weji gwa kwandya gwa būsugi wakwe, wīlugūla ī milyango ya hekalu ya ng'wa SEEBA, nīyo wībeeja būpya nguno yalī yabipa.

2 Mihayo ya Shikū 29:7

Nī milyango y'ibīndo bīlugala, nī tala būjileka jūjima; hama booya nū kūzuukīja ū būbbani nūūlū kūfunya shitambò sha kūpemvwa ū ng'wipandī lyeela kūlwa ng'wa Mulungu wa Isilaeli.

Ezila 10:31

Ū kūfuma mu shibyalīlwe sha ng'wa Halimu, Eliezeli, Ishiya, Malikīya, Shemaya, Shimeoni,

Ezila 8:16

Nūtūma bitanwe ba Eliezeli, Alieli, Shemaya, Elinasani, Yalibu, Elinasani, Nasani, Zakalia, na Meshulamu abo baalī batongeeji; bitanwa na ba Yoalibu na Elinasani, abo baalī banhū bitegeleja;

Nehemia 6:12

Nakadeeba gīkī ū munhū ng'wenūyo walī atatūmilwe na Mulungu, alīyo wanihangīlaga ū būhangi wenūbo kūlwa nguno ya ng'wa Tobia na Sanibalati abo baalī bangodisha.

Zabuli 12:2

Būlī ng'wene nomolomo kūlī nzenganwa ng'wiye, Ī milomo yabo yokalile mihayo ya būbboodeleja, na kwikala bakūyombaga ya kūlembagūla banhū.

Zabuli 37:12

Ū munhū wa malofu akang'helelaga mibi ū ntūngīlīja, na akang'wilumīlagwa ng'haya.

Sumo 11:9

Ūyo atī na logohano kūlī Mulungu akabipyaga bazenganwa bo nomo gwakwe; alīyo a batūngīlīja bakapīlaga kūlwa witegeleja.

Yelemia 36:5

Hanuma ya henaho ū Yelemia ūng'wīla ū Baluki, “Ū nene nalī mu būtungwa, natūdūla ū kūja ū kū numba ya ng'wa SEEBA.

Ezekia 3:24

Alīyo ū Moyo ūningīla, ūnigūngūmūla nīmīīla na magūlū gane, ūniyombya akūniwīlaga, “Jaga ūkilugalīle mu numba yako.

Malaki 1:10

Hambū hambū ni wigela ūmò wing'we wīlugala ī milyango ya hekalu, mutizikala mukūbachaga myoto ītī na ngofyolo ha ng'walīlo gwane! Mutūniyejaga biya. Alīhaya SEEBA wa Būdūla bose, nīyo natanukūla shakwinha kūfuma mu makono ging'we.

Matayo 7:15

“Bilang'hanagi a bahangi a balemba lembi, abo bakūng'wizīīlaga gītī shiinū ng'wikūnza lya ng'holo, alīyo ū mu gatī balī mhūge ndaki.

Yohana 3:20

Nguno būlī ng'wene ūyo akīītaga yabūbi alīkolilwe ī lisana, hangī atūdūla ū kwiza ū kūlyo, nguno atatogilwe ī shītwa shakwe shibonwe.

Shītwa 21:30

Hūna pyī ū nzengo gūyugūūka ī likanza lyenīlo; bugidinga nhambo a banhū. Būndima ū Paulo, būndutanja bamfunije hanze ya hekalu; haho na haho yūlugalwa ī milyango!