Nehemia 5:9 - Bibilia Ilagano Lya Kale 2015

⁹ Nongeja kūbawīla nalīhaya, “Īyo mulīyīta yenīyī yabūbi no, ītang'wigeleelilwe kūshimīzīla mu logohano lwa ng'wa Mulungu wise, tūtizikala tūkūsondagūlagwa na a banishi bise, a banhū ba mahanga?

Nehemia 5:9 Iomraidhean Croise

wandījo 20:11

Ū Abulahamu ūshosha, “Nakabona gīkī, a ha ipandī lyenīlī lūtīīho ū loogohano lwa ng'wa Mulungu, bakūnibūlaga kūlwa nguno ya nke wane.”

wandījo 42:18

A ha lūshikū lwa kadatū lwaho, ū Yosefu ūbawīla gīkī, “Bing'we ītagi gūyū mhayo hū mukwikala bapanga, nguno ū nene nang'ogohile Mulungu.

2 Sang'weli 12:14

Alīyo īkī ū mu yenīyo wīyītile wabalugūlīlile nyango gwa kūdalaha a banishi ba ng'wa SEEBA, ū ng'wana ūyo wabyalīlilwe akūcha.”

Nehemia 4:4

Ee Mulungu wise, yigwage ī yīnīyo, nguno tūlīsondagūlwa noi; bashokejage ū būsondagūji wabo, būbidīkīle ha mitwe yabo boi benekīlī. Batūūlage mu makono ga mahanga ga sī ja kūle gabajane nding'wa.

Nehemia 5:10

Ū nene na a badūgū bane tūkūfunyaga hela na shilīwa gīkī bayūlanda a banhū; hūna lūūlū ū mhayo gwa kūbapandīkīla solobo banhū gwenūyū gūche!

Nehemia 5:15

Alīyo a basugi abo baalī batongi aho nataalī ū nene, baalī babaseseja a banhū nigo ndito no, nguno nūūlū īkī bapandīkaga ī shilīwa nī divai, alīyo a higūlya ya yenīyo, bahadīkījaga kwinhwa na shipande shitanò sha feza. Na a bagunanhi babo nabo babakoyaga no a banhū; alīyo ū nene natīītile ī yenīyo kūlwa nguno naalī nang'ogohile Mulungu.

Zabuli 90:11

Nani ūyo abūmanile ū būdūla wa būpelanu wako? Ū būpelanu wako būlī būtaale no gīt'ūmo līlī ī lyogohya lyako!

Sumo 16:29

Ū ng'wibonya akankonga kongaga nzenganwa ng'wiye, hūna wantongeela mu nzīla ītī yawiza.

Sumo 17:26

Ītigeleelilwe kūmbiisha ihyū munhū ntūngīlīja, nūūlū kūtūla basugi kūlwa shītīle shabo shigoloolile.

Sumo 18:5

Ītī chiza ū kūbiza na būsolanhya bo kwizunīlīja na munhū ng'hūnga, nūūlū ū ntūngīlīja ītī chiza kūng'wiboneela mu kalamulīle.

Sumo 19:2

Ītī chiza ū munhū ū kwikala atī na witegeleja, nūūlū kwiyangūhīlīja hūna ūhūbīla.

Sumo 24:23

Aka nako kahayīle ka banhū ba masala: Ū kūbiza nsolaanhya mu kalamulīle Ītī chiza.

Ezekia 36:20

Nīyo būlī kwene ū mu mahanga ayo bajaga balīlīsosohajaga ī lina lyane lyeela, nguno a banhū babahayaga gīkī, “A benaba banhū ba ng'wa SEEBA, alīyo īkabiza gīkī bīnge ū mu sī yakwe.”

Bagabīji 25:36

Yaya ū kūnomba mbyalīlwa gīkī ūpandīke solobo, alīyo ng'ogohage Mulungu, ūngunanhe ū ndūgūyo adūle ū kwikala hamò nang'ho.

Shītwa 9:31

Hūna lūūlū ī kanisa yūbiza yalembeela hose pyī ū mu Būyudaya nī Galilaya, nī Samalia. Yongeja kūkūla na kūbiza na nguzu, kūnū īkūshimīzīlaga mu logohano lwa ng'wa Seeba, na kūlūngūjiwa na Moyo Ng'wela.

Balumi 2:24

Nguno gwandīkilwe gīkī, “Ī lina lya ng'wa Mulungu līkūsondagūlagwa mu mahanga kūlwa nguno ying'we!”

1 Timoteo 5:14

Hūna lūūlū natogilwe a bachīlwa a bashīke bayūtoolwa, babize banisaale, babyale baana. Yaya ū kūng'winha ng'wanya gwa kūtūsondagūla ū ng'wanishi.

Tito 2:5

hamò na kūbiza bitegeleja, beela, bakomeezu ū mu milīmo ya mu kaya. Babize bawiza na bidohya ū kū bagoshi babo, gūtizūdalahwa ū nīmo go ng'wa Mulungu.

1 Petro 2:12

Bizagi na kashimīzīle kawiza ū kū būtongi bo banhū abo batamanile Mulungu, ībize nūūlū balīmuhaya kībi gīkī mulī bīīti ba mihayo yabūbi, alīyo ū mu kūshibona ī shītwa shing'we ī shawiza balankumīlīje Mulungu, ū mu lūshikū lo kūsangwa.

1 Sang'weli 2:24

Yaya ī gīko baana bane, ī mihayo īyo nakwīyigwaaga īyo yasambaalile hose pye ū mu banhū ba ng'wa SEEBA īlī yabūbi no.