Nehemia 5:8 - Bibilia Ilagano Lya Kale 2015

⁸ Nūhaya, “A bise tūkūgemaga gīt'ūmo būlī ū būdūla wise, kūbagūla a badūgū bise a Bayudaya, kūfuma ū kū banhū ba mahanga ūko bajinjiwa mu būsese. Alīyo a bing'we mulīyūbajinja a badūgū bing'we, gīkī tūjingījiwe hangī a bise!” Būhuumūla sele, nguno bakagayiwa ū gwa kūshosha.

Nehemia 5:8 Iomraidhean Croise

Nehemia 5:9

Nongeja kūbawīla nalīhaya, “Īyo mulīyīta yenīyī yabūbi no, ītang'wigeleelilwe kūshimīzīla mu logohano lwa ng'wa Mulungu wise, tūtizikala tūkūsondagūlagwa na a banishi bise, a banhū ba mahanga?

Ayubu 29:10

a bakūjiwa bahuumūlaga sele, Ī ndīmi jabo jadamīīla kū malangū.

Ayubu 32:15

Baatūngūlaga, batī na gūngī ū gwa kūshosha, yabagayaga ī mihayo ya kūyomba.

Kūfuma 21:16

Ūlū ose ose wiba munhū ūūkanjinja, nūūlū ūding'wa ataalī nang'hwe, ū ng'wenūyo akūbūlagwa.

Matayo 22:12

Ūmūja gīkī, ‘Bebe ong'wise, ni wingīlaga ginehe ū bebe ū ng'wenūmu, alīyo nī shizwalo sha kwingīlīla ū mu būkombe ūtazwalile?’ Ūgayiwa ū gwa kūshosha!

Matayo 25:15

Ūng'winha būlī ng'wene gīt'ūmo būlī ū būdūla bokwe; ūmò ūng'winha talanta itanò, ūngī ibīlī, ūngī īmò; hūna ūja ū wei.

Matayo 25:29

Nguno ūyo alī nasho shingī akongejiwa na kūtinda ho, alīyo ūyo atī na shikolo akūtaajiwa nī shisho alī nasho!

Balumi 14:15

Hūna lūūlū ūlū ūmpīnīhaja ndūgūyo kūlwa nguno ya shilīwa, numho ūtūshimīzīlaga ū mu būtongwa; ūtizūnkenaagūla kūlwa shilīwa shako ū munhū ūyo akachīlīlwa na Kilisito.

Balumi 3:19

Ali lūūlū, tūmanile gīkī pyī ī mihayo īyo īhayiwe mu shilagīlo, īhayiwe kūlwa banhū abo balī musho, gīkī būlī nomo gūhuumūjiwe, hama pye a ba mu sī bigeleelwe kūbiza ha sīlīlī ya būlamuji bo ng'wa Mulungu.

1 Bakolinto 8:11

Kūlwa būmani wako ū bebe, ūkūbiza wankenaagūla ū ngokolo ng'wenūyo; ū ndūgū ūyo wachīlīlwa na Kilisito ng'wenūyo!

2 Bakolinto 8:12

Nguno ū būkalalwa ūlū būlīho, ū munhū akanukūlagwa mu shikolo īsho alī nasho, ītī kūlwa shikolo īsho atī nasho.

Bagalatia 6:10

Hūna lūūlū tūbīītīla yawiza pye a banhū ūlū tūlī nago ū ng'wanya, ī no no no a bazunya bichiswi.

Kūshokeela 24:7

Ūlū munhū ūding'wa wibaga ūmò wa baana ba ng'wawe a Baisilaeli, ūng'wīta kūbiza nsese wakwe nūūlū kūnjinja, ū ng'wibi wa munhū ng'wenūyo ni abūlagagwe. Shiigelile ūwīnje gete ū būbi ū mulī bebe.