Nehemia 5:7 - Bibilia Ilagano Lya Kale 2015

⁷ Nahayūyideedeng'hanya ī yenīyī ū mu ntwe gwane, nūbawīla a bataale na a batongeeji, “A bing'we mukūbasabīlaga a biching'wi!” Hūna nūbilinga lūbanza lūtaale lwa kwīhooyela ī mihayo yabo.

Nehemia 5:7 Iomraidhean Croise

Zabuli 109:11

Ntondi w'igasa ashisole pyī ī shikolo shakwe īsho alī nasho; balobeji bagalye a matwajo ga milīmo ya lūyīlo lwakwe.

Zabuli 15:1

Ee SEEBA, nani ūyo adūgije kwikala ū mu numba yako? Nani adūgije kūtūūla ng'hambī mu lūgūlū lwako lwela?

Zabuli 15:5

Hangī abize atagobbiishaga hela jakwe kūlwa kūkooba solobo, alemile nūūlū kūhongwa, gīkī iboneele munhū atī na būbi. Ūyo akīītaga ī yenīyī atīko kūtinginyiwa.

Zabuli 27:8

Aho wahaya, “Būkoobage ū būshū wane.” Ī ng'holò yane yūkūshokeja gīkī, “Ee SEEBA, Ū būshū wako nakūbūkooba.”

Zabuli 4:4

Nūūlū mukapelana, ilang'hanagi mutizīīta shibi; ūlū mulī mu būlīīlī, huumūlagi ng'wigīsīlīje mu ng'holò jing'we.

Zabuli 94:16

Nani akwīmīīla kūlwa nguno yane kwilwisha nabo a babūbi? Nani ūyo atogilwe kwīma hīgīyī kūlwa nguno yane ilwishe nabo a bakenaagūji?

Kūfuma 22:24

Hūna ū būpelanu bone būkūbaka namubūlage na līlūshū, ning'we a bake bing'we babize bachīlwa, na a baana bing'we bagayiwe a basaabo.

Kūfuma 22:25

Ūlū ūmò wa banhū bane abo balī na makoye ūlanda hela kwīnga kūlī bebe, ūtizūbiza gītī munhū wa byashala; yaya kūnomba na mbyalīlwa ja solobo.

Sumo 27:5

Hambū hambū kahūgūlīle ka hape, kūtinda būtogwa bo mu mbisīla.

Sumo 28:4

Abo bakaponyaga ī shilagīlo bakabakumīlījaga banhū ba malofu, alīyo abo bashidimile ī shilagīlo bakabalemejaga ī yabo.

Ezekia 22:12

Ū mulī bebe balīho bangī bakahongagwa gīkī babūlage banhū; hama mukasolaga magasa kūfuma kū biching'wi gīkī mupandīke solobo nhaale mu nzīla ya wiboneeji. Alīyo ū kūnizūkwa ū nene yaya; alīhaya Seeba MULUNGU.

Ezekia 45:9

Ū Seeba MULUNGU alīhaya gīkī, Bing'we basugi ba Isilaeli ng'wigegije lūūlū! Lekanagi nabo ū būluhya nū wiboneeji, ng'wandye kwīta mu būdeeba na būtūngīlīja. Oyagi ū kūbasaamya a banhū bane; alīhaya Seeba MULUNGU.

Bagabīji 19:15

“Yaya ū kūbiza na būsolaanhya ū kūbalamula a banhū ūlū balī na mihayo; yaya kūngunīja ū ng'hūbi kūlwa nguno īkī ng'habī, hama yaya nūūlū kūgwīīla kū lwande lwa nsabi. Alīyo namulage būlī munhū mu būtūngīlīja.

Bagabīji 25:36

Yaya ū kūnomba mbyalīlwa gīkī ūpandīke solobo, alīyo ng'ogohage Mulungu, ūngunanhe ū ndūgūyo adūle ū kwikala hamò nang'ho.

Matayo 18:17

Ūlū ūbalemeela na a benabo, īwīlagi ī kanisa; ūlū ūlinda wīlemeela na kanisa, ng'wisaabagi gīkī ataamanile Mulungu, nūūlū gītī ntobisha wa goodi.

2 Bakolinto 5:16

Ali lūūlū, kūfuma haha a bise tūtatogilwe kūng'witegeleja munhū nūūlū ūmò mu nhūngwa ja mīlī; nūūlū īkī ū Kilisito twalī tūmanile mu mbika ya mīlī ī kwandya, alīyo ī haha tūtang'witegelegije mu gīko hangī.

Bagalatia 2:11

Alīyo ū Kefa akiza Antiokia, wahayūshika wīta mhayo ūyo gwalī gwigeleelilwe nsango; nūng'hūgūla hape hape kū būtongi bo banhū.

1 Timoteo 5:20

Ūbahūgūla hape hape abo balī mu nhūngwa ja shibi, babize na logohano a bangī.

Tito 2:15

Hoyaga nabo ī mihayo yenīyī, ūbakomeleje na kūbahūgūla mu būdūla bose. Nīyo ūtizūng'winha munhū nūūlū ūmò ng'wanya gwa kūkūdalaha.