Nehemia 5:6 - Bibilia Ilagano Lya Kale 2015

⁶ Aho nawigwa ū būlīji wabo nū wibūūji wenūbū, nakasaaya no.

Nehemia 5:6 Iomraidhean Croise

Nehemia 13:25

Bakanisaayīcha no, nūbadūka na kūbadūka; bamò babo nūyūbatūla najidutūūla ī nzwīlī jabo jadubbūka. Nūbahadīkīja kwilahīla mu lina lya ng'wa Mulungu; nūbawīla, “Yaya ū kūbazunīlīja a bashīke bing'we ū kūtoolwa na a bitūnja babo, nūūlū mutizūbasolela a bitūnja bing'we a bashīke babo gīkī babatoole, yaya nūūlū kūbasola kūlwa nguno ying'we.

Nehemia 13:8

Nakadaka no, nūgafunya ū mu chumba pye a mashikolo ga ng'wa Tobia, nūgaponanja hanze.

Nehemia 5:7

Nahayūyideedeng'hanya ī yenīyī ū mu ntwe gwane, nūbawīla a bataale na a batongeeji, “A bing'we mukūbasabīlaga a biching'wi!” Hūna nūbilinga lūbanza lūtaale lwa kwīhooyela ī mihayo yabo.

Zabuli 119:53

Nakūpelanaga no ūlū nabiganika a bahūnga, abo batagadīlīīlaga a malange gako.

Kūfuma 11:8

Pye a batūmami bako benaba bakwiza kūnigwīla mu magūlū bakūnikūmbīlījaga balīhaya gīkī, ‘Jaga baba, ūbasole na a banhū bako.’ Na ng'hana a hanuma ya yenīyo nakūja.” Na lūūlū ū Musa wīnga ū kū būtongi bo ng'wa Falao, ūja ookalaga būpelanu.

Kūbala 16:15

A henaho ū Musa ūpelana no, ūng'wīla ū SEEBA, “Ūtizūshanukūla ī shakwinha shabo; ū nene nataalī kūdaatya nūūlū nzobe ya munhū ose ose, nūūlū kūnkenya munhū mubo nataalī gete.”

Maliko 3:5

Ū Yesu ūsaaya no, ūyūbalola lola pye a bose, ūbasaatwa kūlwa būgang'hanazu bong'holò jabo! Hūna ūng'wīla ū munhū ng'wenūyo gīkī, “Gūgoloolage ū nkono gwako.” Ng'hana ūgūgoloola, gūbiza gwapīla ū nkono gwakwe.

Baefeso 4:26

Nūūlū mukapelana, ilang'hanagi mutizīīta shibi; ī līīmi litizūgwa mutaalī mupelanile.