Nehemia 5:5 - Bibilia Ilagano Lya Kale 2015

⁵ Hama nīyo nūūlū īkī a badūgū bise balī mīlī na mininga gise gete, na a bitūnja bise balī gīt'ūmo balī a bitūnja babo, alīyo nahene īkūtwigeleelaga kūbatūūla mu būsese a bitūnja bise na a bashīke bise. Nīyo ī haha bashīke bise bamò balī mu būsese, alīyo tūtī nabo ū būdūla; nguno a malaale gise nī migūnda yise ya mizabibu ī haha sabo ya bangī.”

Nehemia 5:5 Iomraidhean Croise

wandījo 29:14

Ū Labani ūng'wīla, “Ū bebe ūlī mīlī gwane na mininga gane gete.” Ū Yakobo akikala nū mamiye ikanza lya ng'weji ngima.

wandījo 37:27

Hambū hambū tūnjinjagi kū Baishimaeli babo; tūtizūng'wītīla yabūbi na makono gise. Nguno nīyo ī chene ū ng'wing'wana nzuna wise kamò; ū wei alī mīlī gwise na mininga gise gete.” Bizunīlīja nang'hwe a baana ba ng'wawe.

2 Batemi 4:1

Nkīma nebe walī nke o ng'wa ūmò wa bahangi ūja kūnīlīīla ū Elisha alīhaya, “Ū ngoshi wane ū ntūmami wako wazumalīkile, alīyo nū bebe ng'weneklīllī ūmanile ūmo walī ang'ogohelile ū SEEBA. Gwike ī haha alīho munhū ūyo wantondaga būgasa ū ngoshi wane, alīhaya kwiza kūbasola a bitūnja bane abajane bakabize basese bakwe!”

Sumo 22:7

A basabi h'a basugi ba bahabī, nū nandi akagalūkaga wabiza nsese ū kūlī nandwa.

Isaya 50:1

Ū SEEBA alīhaya gīkī, “Īlī halī ī talaka ya ng'wa nining'we īyo nang'winha kūlwa kūbūlaga kaya nang'hwe nūmpeeja? Nūūlū a bing'we naamujinja kūlī nani ūyo nalī n'igasa lyakwe? A bing'we ng'wajinjiwa kūlwa shibi shing'we; ū nining'we akapeejiwa kūlwa nguno ya būkenaagūji wing'we.

Isaya 58:7

Ītī gīkī ī shilīwa shako ūlye nabo abo balī nzala, nū yūyo atī na ha kwikala ūmpandīkīle ha kwishīkīlīgīja, ūlū ūmona munhū alī dūūhū ūnzwīke shizwalo; na kūleka kūngw'ibisa ū munhū, ūyo alī mīlī na mininga gako?

Matayo 18:25

Aho wagayiwa ī sha kūfunya, ū ntemi ūlagīla gīkī ajinjiwe ū wei ng'wenekīlī, nū nke na a baana bakwe; nī shikolo shakwe pyī ī shose, būlīpwe ū būgasa!