Nehemia 5:4 - Bibilia Ilagano Lya Kale 2015

⁴ Na bangī hangī būyūhaya, “Tūlī na magasa, nguno tūkūsolaga hela ja banhū, gīkī tūpandīke ja kūtoba goodi ya ntemi, kūlwa malaale gise nī migūnda yise ya mizabibu.

Nehemia 5:4 Iomraidhean Croise

1 Batemi 9:21

Baalī ba shibyalīlwe sha banhū abo bakasaagīla ū mu sī, abo Baisilaeli batabamalile ū kūbabūlaga. Na lūūlū a banhū benaba ū Solomoni ūbatūūla ū mu milīmo y'hadīke kūtūmama nyasese, gīt'ūmo īlī nī lelo īyī.

Ezila 4:13

Gwike īkūbeelela ū ntemi amane gīkī, ū nzengo gwenūyū ūlū gūlazengwe gūshile, nī ndugu jago jimalwe, bakooya ū kūtoba ī goodi, nū kūfunya ī sabo īyo īkafunyiagwa kūlwa kūlang'hana sī, na kūlwa kūfunya būlūmbi kū selekali. Ū mu gīko ī likūlū līkūjimīīja hela ningī no.

Ezila 4:20

Yamanikile na gīkī ū mu shikū ī ja kū numa babīta kwilonga batemi ba nguzu ū mu Yelusalemu; bīsuga pyī ī sī īyo īlī kū nkīlo gwa mongo. A batemi benabo bafunījiagwa goodi, na sabo ya kūlang'hana sī, hamò nī sabo īyo īkafunyiagwa kūlwa kwīlūmba selekali.

Ezila 7:24

Na hangī shing'wigeleelilwe mumane gīkī, a bagabīji na Balawī na a bīmbi, na a balang'hani ba ha milyango, na a bagunanhi ba mu hekalu, nūūlū a batūmami a bangī a ba mu numba ya ng'wa Mulungu, batī ba kūtobishiwa goodi gete a benabo. Batī ba kūfunya nūūlū ī sabo īyo īkakumingagwa kūlwa kūlang'hana sī, na kūlwa kūfunya būlūmbi kū selekali.

Nehemia 5:3

Bangī bahayaga, “Tūleega a malaale gise nī migūnda yise ya mizabibu, pyī dūhū nī numba jise, gīkī tūpandīke shilīwa, kūlwa nguno ya nzala.”

Nehemia 9:37

Ī sī yenīyī īlī na shikolo shingī no, alīyo kūlwa nguno ya shibi shise, ī shikolo shayo pyī ī shose shikajanagwa na batemi abo wabīīta kūbiza basugi bise. Batūsugile a bise benekīlī, nī mitugo jise, na lūūlū bakatwītīlaga ūmo batogelilwe boi benekīlī; nīyo tūlī mu makoye mataale no!”

Sumo 22:7

A basabi h'a basugi ba bahabī, nū nandi akagalūkaga wabiza nsese ū kūlī nandwa.

Yoshwa 16:10

Gwike a banhū ba lūganda lwa Efulaimu batabapeegije a Bakanaani abo bikalaga mu Gezeeli; na lūūlū kūshisha lelo īyī, Bakanaani bakikalaga hamò na a banhū ba lūganda lwa ng'wa Efulaimu, gwike bakatūmamaga milīmo ya būsese wa kūhadīkījiwa.