Nehemia 5:2 - Bibilia Ilagano Lya Kale 2015

² Bamò balīlaga balīhaya, “A bise na a bitūnja bise na bashīke bise tūlī bingī no, tūtūdūla ū kūpīla ūlū tūtapandīkile shilīwa.”

Nehemia 5:2 Iomraidhean Croise

wandījo 41:57

Ī nzala yalī nhaale no ū mu sī pyī ī jose, na lūūlū nī sī ī jingī pye jikayiza kūgūla shilīwa ū kūlī Yosefu.

wandījo 42:2

Ongeja kūhaya, “Nigwile gīkī shilīko shilīwa ī Misili, jagi koi mukatūsumīle, tūpīle; tūtizūnanuka.”

wandījo 43:8

Hūna ū Yuda ūng'wīla ū ise ū Isilaeli gīkī, “Ntūūlage mu nkono gwane ū nyanda tūje, tūtizūnanula banhū, twikale bapanga a bose, ū bebe na bise, hamò na a baana bise.

wandījo 47:19

Nibūlī tūnanuke, na a malaale gise gakenaagūke alīyo nang'ho ūlolile? Tūgūlage, na a malaale gise ūgagūle, tūbize basese ba ng'wa Falao, pye na a malaale gise gabize gakwe. Gwike dūhū ū bebe ūtwinhe ī shilīwa a bise tūtizūshila akagaya na wa mbīyū, īkenaagūke ī sī.”

2 Batemi 4:1

Nkīma nebe walī nke o ng'wa ūmò wa bahangi ūja kūnīlīīla ū Elisha alīhaya, “Ū ngoshi wane ū ntūmami wako wazumalīkile, alīyo nū bebe ng'weneklīllī ūmanile ūmo walī ang'ogohelile ū SEEBA. Gwike ī haha alīho munhū ūyo wantondaga būgasa ū ngoshi wane, alīhaya kwiza kūbasola a bitūnja bane abajane bakabize basese bakwe!”

Nehemia 5:3

Bangī bahayaga, “Tūleega a malaale gise nī migūnda yise ya mizabibu, pyī dūhū nī numba jise, gīkī tūpandīke shilīwa, kūlwa nguno ya nzala.”

Hagai 1:6

Mukūhambaga mbīyū ningī, alīyo ū kūgesa ng'wagelela shigehu. Ū kūlya mulīyūlya alīyo ū kwigūta biya. Nū kūng'wa mulīng'wa alīyo ū kūfulwa yaya. Ī shizwalo mukūzwalaga lelo ū kūlūngūja ndūhū. Ī hela ja mheela mukūpandīkaga ng'wajidītīla mu mhīnda jichibūkile.”

Malaki 2:2

Ūlū mutūdegeleka, nūūlū mutūjilogeja ī ng'holò jing'we kwikūjo lya lina lyande. Alīhaya SEEBA wa Būdūla bose, nakūmutūmīla izumo najizume ī jing'we. Alichene, nīyo naamalile kūjizuma nguno ya kūleka kūlogeja ī ng'holò jing'we kwikūjo lyane.

Kūshokeela 23:19

Ūlū ūngunanha ndūgūyo mu mhayo gose gose yaya kūnomba solobo; ūbize wangunanhile hela nūūlū shilīwa, nūūlū shikolo shingī shose shose, īsho ūshikile kūpandīka solobo kūfuma musho.