Nehemia 5:10 - Bibilia Ilagano Lya Kale 2015

¹⁰ Ū nene na a badūgū bane tūkūfunyaga hela na shilīwa gīkī bayūlanda a banhū; hūna lūūlū ū mhayo gwa kūbapandīkīla solobo banhū gwenūyū gūche!

Nehemia 5:10 Iomraidhean Croise

Nehemia 10:32

Twihelelaga bise benekīlī mhayo gwa kūyūfunya gulamu itanò ja feza būlī ng'waka, kūlwa kūgunanha milīmo ya numba ya ng'wa Mulungu wise,

Nehemia 5:11

Bashokejagi wangū a malaale gabo, nī migūnda yabo ya mizabibu, nī ya mizeituni, pyī nī numba jabo; nī solobo īyo ng'wapandīka kūlwa kūbanyeekeja, īyī īmò ya ng'wigana ya kūfuma ū mu hela, nū mu shilīwa nū mu divai, nū mu maguta.”

Nehemia 5:7

Nahayūyideedeng'hanya ī yenīyī ū mu ntwe gwane, nūbawīla a bataale na a batongeeji, “A bing'we mukūbasabīlaga a biching'wi!” Hūna nūbilinga lūbanza lūtaale lwa kwīhooyela ī mihayo yabo.

Nehemia 5:9

Nongeja kūbawīla nalīhaya, “Īyo mulīyīta yenīyī yabūbi no, ītang'wigeleelilwe kūshimīzīla mu logohano lwa ng'wa Mulungu wise, tūtizikala tūkūsondagūlagwa na a banishi bise, a banhū ba mahanga?

Zabuli 15:5

Hangī abize atagobbiishaga hela jakwe kūlwa kūkooba solobo, alemile nūūlū kūhongwa, gīkī iboneele munhū atī na būbi. Ūyo akīītaga ī yenīyī atīko kūtinginyiwa.

Isaya 58:6

Ū kūfunga ūko nakūhayile nene kūtī kwa mbika īyī: Kūbingīja a banhū ū wiboneeji ūbo būbatungalīkile, na kūbataligūlīla ī ngoye j'ijoki Īlo lībasheedekegije, kūbaleka mu wiyaabī a batungwa, na kūgabīnzagūla pye a majoki?

Ezekia 18:13

Ūlū akapandīkaga solobo mu nzīla ya banhū abo balī mu makoye. Ū munhū ūyo alī gīko akūpīla? Na hado yaya! Akūbūlagwa kūlwa nguno wīta pyī ī mihayo y'ipelanya yenīyī, ū lūfu lwenūlo akūbalīlwa wei ng'wenekīlī.

Ezekia 18:7

Atiboneelaga munhū ose ose, alīyo akashoshaga īsho akasolaga gītī ng'handīko kūlw'igasa. Atī ng'wibi, alīyo akabalishaga abo balī nzala, na kūbazwīka abo balī na makoye ga būzuuka.

Ezekia 18:8

Ūyo atahūngaga banhū nūūlū atapandīkaga solobo mu nzīla ya makoye ga bangī; ūyo akilang'hanaga atizīta yabūbi, hangī akabalamulaga mu būtūngīlīja a banhū;

Mika 2:1

Balī mu kwihīga abo bakadosaga mihayo mibi, abo bakahelaga yabūbi aho balaalile mu būlīīlī! Ūlū būleela dūhū ī gīkī bīshikīlīja nguno balī nabo ū badūla wa kwīyīta.

2 Bakolinto 5:11

Nose īkī tūlūmanile ū logohano ūlo lwigeleelilwe kūlī Seeba, tūkūbahūgūlaga a banhū. A bise tūmanīkile hape ū kūlī Mulungu, hama nalisagīlwa gīkī nū mu wiyangūji wa mung'holò jing'we tūmanīkile hape.

2 Bakolinto 5:20

Nose a bise tūlī batūmami ha ng'wanya go ng'wa Kilisito, hū kūhaya ū Mulungu alībiza gītī alikūmbīlīja kūbītīla mu bise. Ali lūūlū, tūlīng'wikūmbīlīja kūlwa ng'wa Kilisito, bizagi na būsangī nang'hwe ū Mulungu.

2 Bakolinto 6:1

Nose a bise īkī tūlī batūmami biye ba ng'wa Mulungu, tūlīng'wikūmbīlīja mutizūshanukūla mu būtūdīlīla ī shigongo sha ng'wa Mulungu.

Kūshokeela 15:2

Ū būlekeja wenūbū mukūwīta mu nzīla yīyī, būlī ntondi ūyo akūntondaga Ng'wisilaeli ng'wiye būgasa bo shikolo, akūnekeja; aleke ū kūntonda ū būgasa wenūbo ū Ng'wisilaeli ng'wiye, nūūlū nzenganwa ng'wiye. Nguno ī likanza lya ng'wa SEEBA lyahamīlagwa, īlo alītūūlile kūlwa kūbalekeja banhū būgasa wabo.