Nehemia 5:1 - Bibilia Ilagano Lya Kale 2015

¹ Nahayimanīla bandya kūlīla a banhū na a bake babo, kūlwa nguno ya badūgū babo a Bayudaya.

Nehemia 5:1 Iomraidhean Croise

Nehemia 4:23

Ū mu shikū jenījo wal'atīho ūyo wazulaga ī shizwalo shakwe; ū nene ng'wenekīlī, na a badūgū bane, na a banhū bane, na a balang'hani abo bikalaga hamò nū nene; būlī munhū wikalaga na shilanga shakwe pye a makanza, nūūlū ni ajile kū minzī.

Ayubu 34:28

Nguno ya kwenheleja kūlīla kwa bagayiwa nose kwampandīka ū wei; na ng'hana akakwigwaga ū kūlīla kwa baduki.

Kūfuma 3:7

Ū SEEBA ūhaya, “Naakūbonile ū kūluhiwa kwa banhū bane ū mu Misili. Naabigwile ūmo bakūlīlīlaga kūlwa banhū abo bakūbaluhyaga mu milīmo ya būsese; naabūbonile ū būluhi wabo.

Isaya 5:7

Nguno ū ngūnda gwa mizabibu gwa ng'wa SEEBA wa mabità h'ī numba ya Isilaeli, a banhū ba Yuda h'ū ngūnda gwakwe ūyo agūyegelile. Ī ng'hūmbū jakwe jalī kūbona kalamulīle ka wīmà, alīyo ūbona būbūlagi, walī isagīlilwe kūbona būtūngīlīja, alīyo a banhū bakūlīlaga dūhū.

Yelemia 34:8

Ū ntemi Sedekia akabeeja būlagane na a banhū ba Yelusalemu pye a bose, kūlwa kūbinha wiyaabī abo baalī mu būsese; aho wamala ū kwīta ī gīko, mhayo gwiza kūlī Yelemia kūfuma kūlī SEEBA.

Ezekia 45:9

Ū Seeba MULUNGU alīhaya gīkī, Bing'we basugi ba Isilaeli ng'wigegije lūūlū! Lekanagi nabo ū būluhya nū wiboneeji, ng'wandye kwīta mu būdeeba na būtūngīlīja. Oyagi ū kūbasaamya a banhū bane; alīhaya Seeba MULUNGU.

Malaki 2:13

Gūlīho mhayo gūngī ūyo mukūgwītaga: Mukūnaganyaga shisoji ha ng'walīlo gwa ng'wa SEEBA. Mukūlīlaga na kūtūla ng'hūngū īkī atūshidīlīlaga ī shakwinha shing'we, atūshanukūlaga na būyegi kūfuma mu makono ging'we.

Luka 18:7

Angū, ū Mulungu hamò na wiyūmīlīja bokwe ū bose ūmo alī ng'wenūmo, atūdūla ū kūbagunanha a basolwa bakwe abo bakanīlīīlaga līīmi na būjikū?

Shītwa 7:26

Ha lūshikū lwa ntondo yaho ūbasanga babīlī babo bizwanjaga, ūgema kūbayangūla gīkī bigwīndanye; ūbawīla, ‘Bing'we bagosha, nibūlī mulikenya alīyo mulī ba lūdūgū lūmò?’

Yakobo 5:4

Nguno managi gīkī ī mheela ja batūmami jilīlīla, ī ja bagesi ba mu migūnda ying'we abo mukūlemaga kūbalīpa; ī ng'hūngū ya batūmami benabo yashikile mu matū ga ng'wa Seeba wa mabita.