Nehemia 4:6 - Bibilia Ilagano Lya Kale 2015

⁶ Na ng'hana a bise tūja nago dūhū ū nīmo gwa kwīzenga ī ndugu, nose yūdimana pyī ī ndugu, kūshisha ha nusu ya būgūngūhu wayo. Nguno a banhū batūmamaga na ng'holò īmò.

Nehemia 4:6 Iomraidhean Croise

1 Mihayo ya Shikū 29:14

Alīyo ū nene nalī naani, na a banhū bane beenaba nabo banaani, nose tūdūle kūfunya mu kafunīje ka būtogwa būtaale gīkī? Nguno būlī shikolo shikafumaga kūlī bebe, na a bise twakwinhaga dūhū īsho shifumile mu nkono gwako.

1 Mihayo ya Shikū 29:3

Alīyo īkī ī hekalu ya ng'wa Mulungu wane īlī ha ng'holò yane, a higūlya ya shose īsho naagolanije kūlwa nguno ya numba neela yenīyo, ī haha nalīīfunya zahabu na feza kūfuma mu mfuko gwane nene ng'wenekīlī, kūlwa hekalu ya ng'wa Mulungu wane.

2 Mihayo ya Shikū 29:36

Ū Hezekia na a banhū a bose būyega no kūlwa yose īyo akīyīta ū Mulungu kūlwa banhū bakwe, nguno īkaja wangū no.

Nehemia 4:5

Nū būbi wabo ūtizūbūkundīkīja, pyī nī shibi shabo ūtizūshijimya ū kū būtongi wako, nguno balībasondagūla no a bazengi!

Nehemia 4:7

Alīyo ū Sanibalati nū Tobia, na Balabu balebe, na Baamoni na a bana Ashidodi aho bigwa gīkī ū nīmo go kwīzenga ī ndugu ya Yelusalemu gūlīja chiza, na gīkī a mahomagūkīle galīja gūchiwa, bakongeja ū kūsaaya.

Nehemia 6:15

Hūna lūūlū ū nīmo gwa kwīzenga ī ndugu gūshila mu lūshikū lwa makūmi abīlī n'itanò ng'weji gwa Elūli; gūbiza gwasola ikanza lya shikū makūmi atanò n'ibīlī.

Zabuli 110:3

Ū mu lūshikū lwako lwa kūtongeela mabità gako mu wela w'ikūjo, a banhū bako bakwifunya mu wiyaabī wabo boi benekīlī. Kūfuma wandījo w'ikīngo, ū būdinha wako būkūkūshokela gītī lūme lwa dilū.

Zabuli 122:3

Ī Yelusalemu gūlī nzengo ūyo gūzengilwe gūhelwa chiza, gūūdimanile gūbiza na nguzu.

Hagai 1:14

Hūna ū SEEBA ūgūsoosela ū moyo gwa nsugi wa Yuda, ū Zelubabeli ng'witūnja o ng'wa Shatieli, nū moyo gwa ngabīji ntaale Yoshwa ng'wana Yehozadaki, nū moyo gwa būlī ng'wene ū mu banhū bose abo baalī basaagīīla. Būfuma būūkandya kwīzenga ī numba ya ng'wa SEEBA wa Būdūla bose, ū Mulungu wabo.

Bafilipi 2:13

Nguno ū Mulungu akūtūmamaga ū mu bing'we, hū ng'wene ūyo akūng'winhaga būkalalwa, hamò na būdūla bo kwīta īyo yīnyegije.

Bahebrania 13:21

leki amushikanye mu būlī mhayo gwawiza, mudūle kūbeeja īyo yīnyegije; nū mu bise agwīte ūyo gūlīnyeja mulī Kilisito Yesu; ūyo ikūjo līlī lyakwe we, shikū jose ja shiku jose: Alichene.