Nehemia 4:4 - Bibilia Ilagano Lya Kale 2015

⁴ Ee Mulungu wise, yigwage ī yīnīyo, nguno tūlīsondagūlwa noi; bashokejage ū būsondagūji wabo, būbidīkīle ha mitwe yabo boi benekīlī. Batūūlage mu makono ga mahanga ga sī ja kūle gabajane nding'wa.

Nehemia 4:4 Iomraidhean Croise

Nehemia 5:9

Nongeja kūbawīla nalīhaya, “Īyo mulīyīta yenīyī yabūbi no, ītang'wigeleelilwe kūshimīzīla mu logohano lwa ng'wa Mulungu wise, tūtizikala tūkūsondagūlagwa na a banishi bise, a banhū ba mahanga?

Zabuli 79:12

Ee Seeba, a bazenganwa bise balīpīlage; ū būdalahīja ūbo bakūkūdalahaga bebe, ni būbigasījage ng'hangala mpungatī.

Sumo 3:34

A banhū b'ibengwe abadalahile, alīyo alī na shigongo ū kū bidohya.

Ng'hūngū 1:22

Pyī ū būbi wabo ni būshikage ū kūlī bebe; bīītīlage ūmo wanīītīlile ū nene kūlwa nguno ya shibi shane shose. Nalī na kūlīla kūtaale no, nī ng'holò yane īkūsaatagwa.

Hosea 12:14

Alīyo ū Efulaimu wampelanya no; hūna lūūlū ū Seeba akūneka na būbi wa būbūlagi bokwe, na akūng'winha mheela kūlw'ibengwe lyakwe.

1 Sang'weli 17:26

Hūna ū Daūdi ūbabūūja a banhū abo baalī bīmīīla bbihī nang'hwe, “Bing'we ū munhū wa kūlībūlaga ī Līfilisiti lyenīlo, ūbīngīja a Baisilaeli ī libengwe ī litaale lyenīlī, akwītīlwa mhayo kī? Ī gete nīyo ū Mfilisiti ng'wenūyū ni nani, nibūlī wikale akūsondagūlaga gīko mabità ga ng'wa Mulungu mpanga?”