Nehemia 4:3 - Bibilia Ilagano Lya Kale 2015

³ Baalī bihelile na Tobiasi ū muna Amoni; nang'hwe ūhaya, “Angū nabo balīzenga ndugu ya mawe ī gīko, alīyo nūūlū lījidīvī dūhū ūlū lyīdang'hamīla līlīhaya kūlinha hoi, līkwīgwisha!”

Nehemia 4:3 Iomraidhean Croise

1 Batemi 20:10

Ū Beni-hadadi ūtūma nhūng'wa hangī ū kūlī Ahabu kūhaya, “A bamulungu ni banitūlage hataale na kūtinda ho, ūlū lūlasaage lūbuubu nūūlū lūgehu ū mu Samalia, kūlwa kūbagabanhya a banhū bane būlī ng'wene apandīke nūūlū twa ngota!”

1 Batemi 20:18

Nang'hwe ūshosha ūhaya, “Badimagi mubenhe balī bapanga gīko; babize baliza mu mhola, nūūlū baliza kū būlūgū.”

2 Batemi 18:23

“Alilūūlū egaga shose shose ū kūlī baba būgonzo, ū ntemi wa Ashulu; ū nene neega falasa shihūmbī shibīlī, ūlū ūdūla ū bebe kūpandīka bashilikale ba kūjidamhīla.

Nehemia 2:10

Alīyo ū Sanibalati, ū muna Holoni, nū Tobia ū muna Amoni ūyo walī ntūmami, aho bigwa gīko, bakasaaya no ū kūbona gīkī wizile munhū kūbeeja nīmo gwa kūbagunanha a Baisilaeli.

Nehemia 2:19

Alīyo ū Sanibalati, ū muna Holoni, nū Tobia, ū muna Amoni ūyo walī ntūmami, hamò na Geshemu, ū Ng'walabu, aho bigwa gīko bandya kwiyineenelegeja bakūtūsekaga mu būdalahi. Būyūhaya, “Mulīīta nīmo kī ū gwenūyū? Mulīngomela ū ntemi a bing'we?”

Nehemia 6:1

Ū Sanibalati nū Tobia, nū Geshemu, na a Balabu, hamò na banishi bise a bangī aho bawīlwa gīkī nīzengile būpya ī ndugu, na gīkī twīchibile pye ūmo yalī īhomagūkile, nūūlū īkī kūshika ikanza lyenīlo naalī nataalī ū kwītūūla ī milyango a ha mibita,

Ng'hūngū 5:18

nguno ū lūgūlū lwa Sayuni lwalekilwe dalali; nyamhawa dūhū h'ījo jikwibisanyaga moi.

Kūshokeela 23:3

A Baamoni na a Bamoabu pye a bose nī shibyalīlwe shabo batazunīlījiwe ū kwingīla ū mu kwibilinga kwa banhū ba ng'wa SEEBA, kūshisha kū shibyalīlwe sh'ikūmi.