Nehemia 4:14 - Bibilia Ilagano Lya Kale 2015

¹⁴ Aho nīlola chiza ī mihayo, nīmīīla nūbawīla a bataale na a batongeeji na a banhū a bangī; nūhaya, “Mutabogohage ng'wizūkagwi ū SEEBA ūyo alī ntaale na wa kogohwa, mubalwīlīīle a badūgū bing'we, na a bitūnja bing'we, na a bashīke bing'we, na a bake bing'we nī kaya jing'we.”

Nehemia 4:14 Iomraidhean Croise

2 Sang'weli 10:12

Ipandage chanda tūlwe nyagosha, tūbalwīlīīle a banhū bise nū nzengo go ng'wa Mulungu wise. Ū SEEBA akwīta īyo īlī yawiza ū mu miso gakwe.”

2 Mihayo ya Shikū 32:7

“Shishagi ng'holò mubize na nguzu; hama yaya ū kūng'ogoha ū ntemi wa Ashulu, yaya nūūlū kūtawa tawa ū mu ng'holò jing'we kūlwa nguno ya būtaale w'ibità īlo alī nalyo. Ū kū lwandī lwise būlīho būdūla būtaale kūtinda ūbo būl'ū kū lwandī lwakwe,

Nehemia 1:5

Nūhaya gīkī, “Ee SEEBA, Mulungu wa ng'wigūlū, ūyo ūlī Mulungu ntaale na wa kogohwa. Bebe ūyo ūtalyībaga ī lilagane lyako lya būtogwa īlo walagana na banhū abo bakūtogilwe na bagadimile a malange gako,

Ayubu 37:22

Wiza w'ikūjo gītī lya zahabu būliza kūfuma sukuma, ū Mulungu akizaga ng'wikūjo lya magaka mataale.

Zabuli 143:5

Nakūjiizūkagwa ī shikū ī ja kale, Ī shītīle shako shose nakūshideedeng'hanyaga, kūnū nūyiganika ī milīmo ya makono gako.

Zabuli 20:7

Bamò bakūsanyaga magogoteni, bangī falasa; alīyo a bise tūkūlīsanya lina lya ng'wa SEEBA Mulungu wise.

Zabuli 27:1

Ū SEEBA al'isana lyane na būpīji wane; nakūng'ogoha nani? Ū SEEBA al'ibūngīlò lya būpanga wane, nani akūnidetemya?

Zabuli 46:11

Ū SEEBA wa būdūla bose alī hamò nise, ū Mulungu o ng'wa Yakobo alī liibisīlo lise.

Zabuli 65:5

Ee Mulungu Mpīja wise, ūkatwigwaga watūshokeja mu koolecha shītīle shako sha magaka mu būtūngīlīja; bebe ūyo ūlī kwisagīlwa hose pye, kūshisha kū ngelelo ya sī na manyanza.

Zabuli 66:3

Ū Mulungu ng'wīlagi gīkī, “Ī shītīle shako shilī sha kūgekemaja! Nū būdūla wako būlī būtaale no, nose a banishi bako balīyūgwa bakūdetemaga ū kū būtongi wako.

Zabuli 66:5

Nzūgi ng'wīlole īyo wīyītile ū Mulungu, akīītaga ya kogohya ū mu banhū.

Kūfuma 14:14

Ū SEEBA akūmulwīlīīla, a bing'we bene lembeelagi dūhū.”

Kūfuma 14:25

Ūgateja a madandali ga magogoteni gabo gūyūkomooka; bandya kūkoya ū kūselema, ī likanza lyenīlo a Bamisili biwīla, “Bing'we tūbalekagi a Baisilaeli tūpeele, nguno ū SEEBA alilwisha nise kūbalwīlīīla a boi!”

Nomeji 12:1

Ng'wizūkagwe ū Mūmbi wako ū mu shikū ja būsūmba wako, aho jitaalī kūshika shikū mbi, ītaalī kūkūpandīka myaka ya kūyūhaya na gīkī, “Ī haha natūbūlūmbaga ū būpanga.”

Danyeli 11:32

Abo batalīkūgije ī lilagane akūyūbasosohaja kūlwa kūbaduta na mihayo ya nyachilū. Alīyo a banhū abo bandeebile ū Mulungu wabo bakūbiza na nguzu ja kūnemeja.

Zakalia 14:3

Gwike ū SEEBA akūgaseesela a mahanga genayo alwe nago, gītī akūlwaga mu lūshikū lwa būlūgū.

Kūbala 14:9

A bing'we dūhū lekagi ū kūngomela ū SEEBA. Nīyo yaya nū kūbogoha a banhū ba mu sī yenīyo, nguno a bise tūkūbakweelela dūhū. Ū nang'hani wabo wabalekanīgije, alīyo a bise ū SEEBA alī hamò nise; mutabogohage!”

Matayo 10:28

Hangī mutabogohage abo bakabūlagaga mīlī, alīyo batī na būdūla bo kūgūbūlaga ū moyo. Alīyo ī no no no ng'ogohagi ūyo alī na būdūla bo kūgūbūlaga ū mīlī nū moyo, ha numa ūshiponya mu nsango gwa moto!

Kūshokeela 1:21

Managi gīkī, ū SEEBA Mulungu wing'we wang'winhile ī sī yenīyī, na lūūlū jagi mo mukīdime ībize ying'we gīt'ūmo SEEBA Mulungu wa bakūlūgenji bing'we wamuwīlīla kūfuma kale. Mutizogoha, yaya nūūlū kwiganīlīja.”

Kūshokeela 10:17

Nguno ū SEEBA Mulungu wing'we alī Mulungu wa bamulungu na Seeba wa baseeba; hū ng'wene ū Mulungu ū ntaale, wa būdūla na wa lyogohya, ūyo atasolanhyaga banhū nūūlū atanukūlaga būhongwa.

Bahebrania 13:6

Nose tūkūhayaga na būgimu gīkī, “Ū Seeba alī ngunanhi wane, hūna lūūlū natī na sha kogoha, ū munhū akūnīītīla mhayo kī?”

Yoshwa 1:9

Angū natakūlagīlile nene? Bebe ng'wene idadīlage dūhū, hangī ūtimbye ng'holò. Yaya ū kūdetema nūūlū kogoha; nguno ū SEEBA Mulungu wako akūbiza hamò nang'ho būlī kwene ūko ūkūja.”

Balamuji 3:27

Kūshika kwenūko ūja kū ngūlū ja Efulaimu ūūkafuula mhembe; hūna a Baisilaeli būholomoka kūfuma ū kū ngūlū balīnkūūbīja.