Nehemia 4:11 - Bibilia Ilagano Lya Kale 2015

¹¹ A banishi bise nabo būyūhaya, “Tūkūbisanganīja batamanile; nū kūtūbona batūdūla, bakūhayimanīla tūlī mumo dūhū tūbabūlage, gūche ū nīmo.”

Nehemia 4:11 Iomraidhean Croise

2 Sang'weli 17:2

Nakūja nakang'wisanganīje aho ataalī asedeekile na anogile, nang'wibakīje abbahe, bampeele pye a banhū abo balī hamò nang'hwe. Ū nene nakūntūla ū ntemi dūhū,

Nehemia 4:10

Gwike twahayimanīla a banhū ba Yuda bayūhaya, “Yabanojaga ī milīmo a binhīlīja ba bazengi, hama na a malūndo ga makambagūkīle mingī no, tūlīlemeelwa ū kūgūtūmama ū nīmo gwa kūzenga ī ndugu.”

Nehemia 4:12

Alīyo a Bayudaya abo bikalaga bbihī na a banishi bise, bakakwīja a makanza bakwizaga batūwīla, “A banishi bakwikobya kūfuma hose pyī ūko bazengile, bize batūdumīle.”

Nehemia 4:9

Alīyo a bise tūnomba ū Mulungu wise, hanuma tūtūūla balang'hani ba kūyūlang'hana līīmi na būjikū, kwīhangīja īyo bahayaga kwīyīta.

Zabuli 56:6

Bakibilingaga hūna baayūnikūngīla, baaja balīlola ūmo japandaga ī mhambala jane, nguno ī ng'hūmbū jabo jilī gīkī banibūlage.

Isaya 47:11

Alīyo būbi būkūkūsanga, ūbo ūtūdūla kwitegeleja nzīla ya kūbūpyena. Iyanga idito līkūkūgwīla, Īlo ūtūdūla kūlyīnja mu nzīla ya shitambò; būkenaagūji būtaale būkūkwizīīla mu kūkwisanganīja ūtamanile.

Shītwa 23:12

Aho wela a Bayudaya būbeeja long'we; biyilahīja gīkī batūlyaga nūūlū kūng'wa shose shose yaya, kūshisha bamūlage ū Paulo.

Shītwa 23:21

Ū bebe ūtizūbazunīlīja, nguno bamò babo, banhū bakīlile ha makūmi ane, bakūbiza bang'witegeelaga. Bilahīlaga gīkī batūlyaga shose shose nūūlū kūng'wa yaya, kūshisha bamūlage; nīyo ī haha balīho balindaga kwigwa kūfuma kūlī bebe dūhū.”

1 Batesalonike 5:2

Nguno a bing'we benekīlī mumanile, gīkī ū lūshikū lo ng'wa Seeba lūkūshika gīt'ūmo ng'wibi akizaga būjikū.