Nehemia 4:10 - Bibilia Ilagano Lya Kale 2015

¹⁰ Gwike twahayimanīla a banhū ba Yuda bayūhaya, “Yabanojaga ī milīmo a binhīlīja ba bazengi, hama na a malūndo ga makambagūkīle mingī no, tūlīlemeelwa ū kūgūtūmama ū nīmo gwa kūzenga ī ndugu.”

Nehemia 4:10 Iomraidhean Croise

2 Mihayo ya Shikū 2:18

Ū mu benabo banhū shihūmbī makūmi mpungatī ūbatūūla ha nīmo gwa kūbūūcha shikolo, banhū shihūmbī makūmi anaane būbiza batūji ba mawe mu ngūlū; abo shihūmbī shidatū na magana atandatū būbiza ba kūgwīmīīla ū nīmo, kūgūlola ū ūmo gūlīīla.

2 Mihayo ya Shikū 34:13

baalī bīmīīji ba milīmo ya mbika jose, na bakomeleja ba batūmami. Balawī bamò baalī bandīki, bangī balang'hani ba shitabo sha mihayo ya kajīle ka būsugi, na bangī baalī balang'hani ba ha milyango.

Nehemia 4:11

A banishi bise nabo būyūhaya, “Tūkūbisanganīja batamanile; nū kūtūbona batūdūla, bakūhayimanīla tūlī mumo dūhū tūbabūlage, gūche ū nīmo.”

Nehemia 4:2

Ūyomba kū būtongi wa banwani biye, na bashilikale ba Samalia badegelekile; ūhaya, “A Bayudaya a bagokolo gokolo aba balīīta mhayo kī shi ī gete? Bakwīzenga gete ī ndugu yabo? Bakūfunya shitambò? Bakūmala mu lūshikū lūmò dūhū? A mawe ayo gakenaagūlwa moto genayo, nīyo hangī galī mu malūndo ga mapalala gīko, bakūdūla gete ū kūgasoboola bagatūmamīle hangī?”

Nehemia 4:9

Alīyo a bise tūnomba ū Mulungu wise, hanuma tūtūūla balang'hani ba kūyūlang'hana līīmi na būjikū, kwīhangīja īyo bahayaga kwīyīta.

Ezekia 29:18

Ng'wana wa munhū, ū Nebukadineza ntemi wa Babuloni akabatūmamya nīmo ndito no a bashilikale bakwe ū kū būlūgū bo Tulo; nguno būlī ntwe gūkahalūka, na būl'ibega lyūchūbūka. Alīyo ū wei na a bashilikale bakwe atapandīkile mheela yose yose kūlwa būlūgū ūbo akabūlwa ī Tulo.

Hagai 1:2

Ū SEEBA wa Būdūla bose alīhaya, “A banhū benaba bakūhayaga gīgī, ‘Ī likanza lya kūzengwa numba ya ng'wa SEEBA lītaalī ū kūshika.’”

Kūbala 13:31

Alīyo a banhū abo baalī baaja nang'hwe būhaya, “Tūtūdūla ū kūlwa nago a ming'wana genayo, nguno galī na nguzu no kūtūheeba a bise.

Kūbala 32:9

Nguno bakashika ū kū sī ja malago ga Eskooli bīībona ī sī, bahayūshoka būshikīla kūbagwisha ng'holò a Baisilaeli, būlemeelwa ū kūja ū kū sī īyo SEEBA walī wabinha.