Nehemia 3:7 - Bibilia Ilagano Lya Kale 2015

⁷ Ū kwīnga a ha benabo būzenga bana Gibeoni na Misipali, ūmò wabo walī Melatia, wa kūfuma Gibeoni, ūngī walī Yadoni muna Melonosi. Ī sī jenījo jalī ha sīlīlī ya nsugi wa sī ya kū nkīlo gwa mongo.

Nehemia 3:7 Iomraidhean Croise

2 Sang'weli 21:2

Hūna ū Daūdi ūbitana a Bagibeoni ūhooya nabo. (A Bagibeoni benebo baalī batī Baisilaeli, baalī basaagīīla kūfuma ng'wihanga lya Baamooli; a Baisilaeli baalī babilahīlīla gīkī batūbayagaja babamale, alīyo ū Saulo kulwa kūtogwa kūbayeja a Baisilaeli na a banhū ba Yuda, ūbeeja mbika ya kūbabūlaga pye a Bagibeoni bashile gete.)

1 Mihayo ya Shikū 27:30

Ū nang'hani wa ngamīla walī Ng'wishimaeli nebe, lina lyakwe Obili; ū nang'hani wa nzobe walī Yehideiya muna Melonoti.

2 Mihayo ya Shikū 16:6

Hūna ū ntemi Asa ūbenha pye a banhū ba Yuda, būgabūūcha kwīnga ī Lama a mawe nī mitī īyo wazengelaga ū Baasha. Ū ntemi Asa ūshitūmamīla ī shikolo shenīsho kwīguzuhya mizengo ya Geba na Misipa.

Ezila 4:11

Ī mihayo ya mu nyalūba yene yīyī, “Kūlī ntemi Atashasta, kūfuma kū batūmami bako abo balī kū sī ya kū nkīlo gwa mongo. Anukūlaga kūgīsha kwise.

Nehemia 3:19

Hanuma yakwe ū ng'wenūyo, Ezeli ng'witūnja o ng'wa Yeshua, nsugi wa Misipali, ūzenga ibudīka līngī kwandīja ha kuluba ya ha būtongi w'ipandī lya kūlinha ūjile kū numba ya kūtūūlīla shilanga.