Nehemia 3:25 - Bibilia Ilagano Lya Kale 2015

²⁵ Hūna Palali ng'witūnja o ng'wa Uzai ūzenga h'ipandī lyalī lilolile nī kuluba, hamò nī numba ī ndīhu īyo yalī īpulung'hanije ū kū numba ya kwigūlya ī ya h'ikūlū, ūūkashika bbihī na numba ya balang'hani. Hanuma yakwe ū ng'wenūyo ūzenga Pedaya ng'witūnja o ng'wa Paloshi.

Nehemia 3:25 Iomraidhean Croise

Ezila 2:3

A ba shibyalīlwe sha ng'wa Paloshi baalī shihūmbī shibīlī n'igana na makūmi mpugatī na babīlī.

Nehemia 12:39

kūjūbīta higūlya ya mita gwa Efulaimu; na kū mita gwa kale, na gwa ndīlo, na kū numba ndīhu ya Hananeli, na numba ndīhu y'igana, būkashika kū mita gwa ng'holo. Aho bashika ha mita gwa balang'hani bīma.

Nehemia 7:8

A ba shibyalīlwe sha ng'wa Paloshi baalī shihūmbī shibīlī n'igana na makūmi mpungatī na babīlī.

Nehemia 8:4

Ū nangi Ezila aho alīsoma walī wīmīīla ha lūtala lwa mantī; na banhū balebe baalī bīmīīla hamò nang'hwe, ū kū nkono gwakwe gwa būlyo baalīho ba Matisia, Shema, Anaia, Ulia, Hilikia na Maaseya. Ū kū nkono gwa lūmoso baalīko ba Pedaya, Mishaeli, Malikīya, Hashumu, Hashibadana, Zakalia, na Meshulamu.

Yelemia 22:14

Akwiwīlaga ng'wenekīlī gīkī, “Nakwizengela numba ngalī; nītūūlīle chumba shigalī ū kwigūlya.” Na ng'hana akwīzenga wītūūlīle na madilisha magalī, nī ndugu jayo ūjitūūlīla mbawa ja mikoola kūlwa būlenji, hūna wīchaaja na langi yaaza kūlwa būbeeleji.

Yelemia 32:2

Ū ng'wikanza lyenīlo a mabità ga bashilikale ba ntemi wa Babuloni gaalī gagūpīndije ū nzengo gwa Yelusalemu; ū ng'hangi Yelemia numho alugalīlilwe mu jeela yalī ng'wibīndo lya balang'hani ba h'ikūlū lya ntemi wa Yuda.

Yelemia 33:1

Ū Yelemia aho ataalī alugalīlilwe mu jeela ya ng'wibīndo lya balang'hani, ū mhayo go ng'wa SEEBA gūkang'wizīīla lūkangala lo kabīlī; gūlīhaya:

Yelemia 37:21

Hūna ū ntemi Sedekia ūlagīla gīkī ū Yelemia atūūlwe ng'wibīndo lya balang'hani; hama būlī lūshikū ayinhwa ngatī kwīngīīla mu lūgali lwa boocha bayo; kūshisha īshile pyī ī migatī ū mu nzengo. Hūna ū Yelemia ūyikala mu gwalugwa ya balang'hani.

Yelemia 38:13

Būnduta bo ngoye jenījo, būmfunya ū ng'wichongo. Ū Yelemia akikala ū ng'wibīndo lya balang'hani ng'wenūmo.

Yelemia 39:8

A Bakalidayo būlītwima moto ī likūlū, nī numba ja banhū; nī ndugu ja Yelusalemu būjikambagūla.

Mika 4:8

Hūna ū bebe lūgūlū lwa Sayuni, ng'hambī ya balang'hani ba ng'holo; īyo wisagījiwa īkūshikīīla. Ūkūshokejiwa ū būtaale wako, ū būtemi būkwiza Yelusalemu hangī.”