Nehemia 3:16 - Bibilia Ilagano Lya Kale 2015

¹⁶ Hanuma yakwe ūzenga Nehemia ng'witūnja o ng'wa Azibuki, ūyo walī nsugi wa nusu y'ipandī lya Beti-zuli; ūbeegeleja kūshisha ipandī īlo lyalī lilolile na mashigo ga ng'wa Daūdi, ūkolobela ajile ūūkashika kwitaba lya kūsīmvwa na banhū, na kū numba ya bagosha ba mbagashūla.

Nehemia 3:16 Iomraidhean Croise

2 Batemi 20:20

Mihayo yīngī ī ya mu shikū ja būtemi bo ng'wa Hezekia, pyī ī ya būtindi wakwe nū mumo akabeegeja ilambo, ūsīmba na ngoka gwa kwenha minzī mu nzengo; ī yose yandīkilwe mu shitabo sha ng'hūlū ja batemi ba Yuda.

1 Mihayo ya Shikū 2:45

Ū Shamai ūbyala ng'witūnja lina lyakwe Maoni, ū Maoni ūmyala Beti-zuuli.

2 Mihayo ya Shikū 11:7

Beeti-zuli, Soko, Adulamu,

2 Mihayo ya Shikū 16:14

Būnjīka mu shigila shakwe, walī wasīmbīla wei ng'wenekīlī mu nzengo go ng'wa Daūdi. Būnaaja ng'wisandīko līnaagīlilwe būgota bo ng'waso gwawiza na malaashi ga būlī mbika. Hanuma būpemba na moto ntaale kūlwa nguno y'ikūjo lyakwe.

Nehemia 2:14

Ū kūfuma a henaho nūjīlīīla kū mita gwa kū lūzwīlo, na kwilambo lya ntemi; gwike gūgaya ū ng'wanya gwa kūbīta ī ndamhī yane īyo naalī nadamhīlile.

Nehemia 3:12

Hanuma ya ng'wenūyo ūzenga Shalumu ng'witūnja o ng'wa Haloheshi, nang'hwe walī nsugi wa nusu ya nzengo gwa Yelusalemu; akagunanhwa na bashīke bakwe.

Nehemia 3:14

Alīyo ū mita gwa kū mapalala ū gwene gūzengwa na Malikīya ng'witūnja o ng'wa Lekabi, ūyo walī nsugi w'ipandī lya Beti-hakelemu. Akagūzenga hūna ūgūtūūlīla malugalīlo na mizumali, na a mapagīgījo aho gaalī gigeleelilwe kūtūūlwa.

Nehemia 3:17

Ū kwīnga a henaho būzenga Balawī, ha sīlīlī ya būtongeeji bo ng'wa Lehumu ng'witūnja o ng'wa Bani. Ūbīmbīkanwa na Hashabia, ūyo walī nsugi wa ibudīka lya sī ya Keila, ū ng'wenūyo ūzenga ī libudīka īlo lyalī ū mu sī īyo walī ayīsugile.

Nehemia 3:9

Lefaya ng'witūnja o ng'wa Huuli, ūyo walī nsugi w'ipandī līmò lya nzengo gwa Yelusalemu nang'hwe ūzenga ī libudīka īlo līkalondeela hoi.

Nomeji 2:6

Nūsīmba na nzwinzī jane nene ng'wenekīlī, ja kūyūdaha a minzī nalitīīla ī lipoolu lya mitī ūlū īlīkūla.

Lyīmbo lya ng'wa Solomoni 3:7

Alilolagi! Igogoteni lya ng'wa Solomoni, līliza līpīndiwe bagosha ba nguzu makūmi atandatū; bagosha ba mbagashūūla ba mu Isilaeli.

Isaya 22:11

Hanuma mukasīmba ilambo a ha gatī ya ndugu būbīlī wajo, lya kūsūmbīja minzī kwīngīīla ū ng'wilambo ī lya kale. Gwike ng'walī mutanolaga ū Meeja wayo ī yenīyī; mutang'wideedeng'hanije Ūyo walī ayīhelile kūfuma kale.

Isaya 22:9

ng'ūbona mapandī mingī gakambagūkile ū mu ndugu ya Nzengo gwa ng'wa Daūdi; ng'ūbeja nzīla ya kūsūmbya minzī ū ng'wilambo lya kū ntulūmenho.

Isaya 7:3

Hūna ū SEEBA ūng'wīla ū Isaya gīkī, “Ū bebe jaga nū ng'witūnja wako ū Sheali-yashubu, ūkibone nū Ahazi. Ūkūmanhīja nang'hwe kū nzīla ya kūja kwilaale lya mfuji wa myenda, aho gūgelelile ngoka gwa kūfuma kwilambo lya kū ngūngūli.”

Shītwa 2:29

“Ali lūūlū badūgū bane, leki namusomboolele mu kwiyagalūla ī mihayo ya nkūlūgenji wise ū Daūdi. Gūlī gīkī, ū wei akacha ūjīkwa, nī shigila shakwe tūlī nasho kūshisha lelo īyī.

Yoshwa 15:58

Halīhūlī, Benzuli, Gedooli,