Nehemia 3:14 - Bibilia Ilagano Lya Kale 2015

¹⁴ Alīyo ū mita gwa kū mapalala ū gwene gūzengwa na Malikīya ng'witūnja o ng'wa Lekabi, ūyo walī nsugi w'ipandī lya Beti-hakelemu. Akagūzenga hūna ūgūtūūlīla malugalīlo na mizumali, na a mapagīgījo aho gaalī gigeleelilwe kūtūūlwa.

Nehemia 3:14 Iomraidhean Croise

2 Sang'weli 4:2

Ū wei ū ng'witūnja o ng'wa Saulo ng'wenūyo walī na bagosha babīlī batongeeji ba mabità mado mado ga bashilikale. A mina gabo, ū ūmò witanagwa Baana, ū ng'wiye Lekabu; baalī bitūnja ba ng'wa Limoni muna Beeloti munhū wa lūganda lwa Benjamini; ī Beeloti īkisaabīlagwa kū banhū ba lūganda lwa Benjamini.

2 Batemi 10:15

Aho wīnga a henaho ūmanhya na Yehonadabu ng'witūnja o ng'wa Lekabu, walī mu nzīla wizaga kwibona nang'hwe; ū Yehu aho wangīsha ūmūja, “Ūlī būsangī būmò nū nene gīt'ūmo nene nalī hamò nang'ho?” Ū Yehonadabu ūhaya, “Nalīhamò nang'ho.” Ū Yehu ūng'wīla, “Ūlū chene, enhaga aha ū nkono gwako;” ū Yehu ūndima ū nkono gwakwe ūng'wingīja ū ng'wigogoteni lyakwe.

1 Mihayo ya Shikū 6:40

ng'witūnja wa ng'wa Mikaeli, ng'witūnja wa ng'wa Baaseya, ng'witūnja wa ng'wa Malikīya,

Nehemia 12:31

Hanuma ya henaho a basugi ba Yuda nūbawīla kūlinha higūlya ya ndugu, nūlagīja magele abīlī mataale ga bīmbi gandya kwīmba na kūkumīlīja kūnū gajile galī a higūlya ya ndugu. Ī līmò lyūjīlīīla kū būlyo, kūlola kū mita gwa mapalala.

Nehemia 2:13

Aho nabūka ū mu būjikū wenūbo, nūfuma hanze kūbītīla ha mita gwa kū longa, gwa kūbīta ūjile kū lwinzī lwa nyamhawa, na kū mita gwa mapalala. Najilīngūlīlaga ī ndugu ja nzengo gwa Yelusalemu ūmo jalī jakambagūlīlwa, nī mibita yaho īyo yalī yapemvwa moto.

Nehemia 3:9

Lefaya ng'witūnja o ng'wa Huuli, ūyo walī nsugi w'ipandī līmò lya nzengo gwa Yelusalemu nang'hwe ūzenga ī libudīka īlo līkalondeela hoi.

Yelemia 6:1

Bīng'we lūganda lwa ng'wa Benjamini, peelagi ng'wipīje; Peelagi ng'wīnge ī Yelusalemu! Ng'ang'ajagi nhaaninga ū mu Tekoa, nī Beti-hakelemu īnungīnjagi lūbembeela! Nguno mayanga galīfuma sukuma, galiza galī mu nzīla ī haha; būkenaagūji būtaale nīyo no.